A nosa amiga Cunquiña chegou esta semana cargada de novidades. Traía unha carta e un bolso cheo de cousas. E viña acompañada por unha grande amiga de Frianciño que sempre volve ó noso cole por estas datas... Si, volta para pasar o Magosto connosco. Sabedes quen é, non...?
Si. Tedes acertado. A Castaña Dorinda.
Viña moi, pero que moi guapa, e queríalle mostrar a Cunquiña o que facemos na festa do Magosto.
Dorinda agasallounos con dúas cancións para cantar entre todos. Por iso traía Cunquiña unha guitarra no bolso: para cantar na festa. Pero... que riquiña é...!
Ademais, Cunquiña explicounos que novembro é o mes da Tradición Oral. E como ela non se lembra de ningún refrán deste mes, pediunos axuda para recollelos entre todos. E niso andamos: recollendo refráns. Tamén pedimos axuda ás nosas familias. Xa vos contaremos o que colleitamos.
Para empezar a colleita, a Castaña Dorinda regaloulle a Cunquiña o primeiro refrán:
En novembro, no Magosto,
enfarrúxome co chamosco.
No hay comentarios:
Publicar un comentario