5 de xuño: DÍA DO MEDIO AMBIENTE...

... na Praia do Vao. 

Organizado polo Concello de Vigo, os nenos e nenas de 5º curso de Primaria acudiron á Praia do Vao para celebrar o Día Mundial do Medio Ambiente. 

Foi unha xornada de xogos, de aprendizaxe, pero, sobre todo, de aprender xogando (ou de xogar para aprender): xogos coa area, circuítos sobre animais acuáticos, reflexións sobre os perigos dos plásticos no mar e sobre a importancia das dunas...

Ademais das titoras e dos monitores encargados da actividade, os rapaces estiveron acompañados polo Alcalde e maila Concelleira de Medio Ambiente, que non quixeron perder a oportunidade de celebrar esta data coa rapazada. 

Se premedes na seguinte foto, poderedes acceder ó magnífico álbume elaborado pola nosa reporteira gráfica: a profe Luz. 

Sen dúbida, todo nos enfoca, xa, ó PDI do vindeiro curso: A lingua sabe a mar. 

TRES ÁRBORES DE RECICLADO

Dende a nosa biblioteca fixeramos a proposta de traballo para o 5 de xuño, no Día Mundial do Medio Ambiente, e nalgunhas aulas, ademais do traballo co glogster que vos amosamos no seu momento, adicáronse a reciclar material e crear unhas árbores con material de refugallo, comprobando así que ás veces podemos aproveitalo para facer ARTE.

Os alumnos e alumnas de 6ºB, aproveitando as caixas de cartón  dos paquetes de ovos e os tapóns de plástico das botellas, que estamos a donar no centro para a axuda que fai a Fundación SEUR aos nenos e nenas con enfermidade; crearon a súa cerdeira particular.

Na aula de 5ºB   elaborouse  unha ceiba cos mesmos tapóns de plástico das botellas e xornais.

Os alumnos e alumnas de 6ºA realizaron a súa cerdeira co mesmo material de refugallo (tapóns das botellas, xornais vellos e cartón das caixas de galletas)

CARTEIS NO DÍA DO MEDIO AMBIENTE

Hoxe, martes día 5 de xuño, os nenos e as nenas de 6ºB fixeron uns carteis dixitais, cuxo obxectivo principal é chamar a atención de todos nós no que se refire a coidar o noso planeta Terra, xa que debemos ter en conta que só temos unha e que se non a tratamos mellor, quedaremos sen ela.

Aquí vos deixamos esta recopilación :

NO DÍA MUNDIAL DO MEDIO AMBIENTE

O Día Mundial do Medio Ambiente (World Environment Day) é un evento anual que se leva a cabo o 5 de Xuño. Foi establecido pola Asemblea Xeral de Nacións Unidas do 15 de decembro de 1972.

O Día Mundial do Medio Ambiente é un dos principais vehículos que as Nacións Unidas utilizan para fomentar a sensibilización mundial sobre o Medio Ambiente implicando ás persoas nos  temas ambientais, motivándoas para que se convirtan en axentes activos do desenvolvemento sostible e equitativo,  promovendo o papel fundamental das comunidades no cambio de actitude hacia estes temas  e fomentando  a cooperación, que garantirá que todas as nacións e persoas disfruten dun futuro máis próspero e seguro.

Por iso,  dende a  nosa biblioteca,  facémosvos unha proposta de traballo durante toda esta semana, accedendo a este Glogster, elaborado pola profe Luz Salvador,  onde podedes atopar dende información sobre este día ata cancións nas tres linguas, fomentando o respecto polo Medio Ambiente, o reciclado e a conservación do noso Entorno; un LIM elaborado polo noso profe Victorio Blanco sobre os Ecosistemas e unha variedade de xogos en liña para afianzar todas estas boas actitudes de respecto.