23 de marzo: DÍA MUNDIAL DA AUGA

O día 23 de marzo celebramos o Día Mundial da Auga.

A auga é un ben escaso, que temos a obriga de coidar e protexer, para que os nosos bosques (os bosques que estudiamos este curso no noso Proxecto Documental Integrado) sigan a ser verdes e frondosos.

Queremos vencellar esta data coa do Día Internacional dos Dereitos do Consumidor, que festexamos o pasado martes día 15 de marzo. Porque, como consumidores, tamén temos que adquirir bos hábitos no consumo e no uso da auga.

Coñeces o Ciclo da Auga?

Reflexiona sobre a importancia da auga con esta presentación: 

A continuación, presentámosvos tres documentos para que recollades algúns consellos para ser responsables no uso da auga. Propóñovos que fagades unha relación ben clara e que os poñades en práctica. 

A auga é moi importante para a nosa vida, e para a vida do noso Planeta. Ben merece unha canción!

Esta preciosa melodía, titulada Planeta Auga, foi composta por Guilherme Arantes, e adaptada ó español por Víctor Manuel. Canta Ana Belén. 

Disfrutade da vida! Disfrutade da auga! Conservádea!

DÍA MUNDIAL DOS DEREITOS DO CONSUMIDOR

O vindeiro luns 15 de marzo celebraremos o Día Mundial dos Dereitos do Consumidor.

Por suposto que os consumidores temos dereitos. Pero tamén temos obrigas. E debemos ser responsables co que consumimos.

Por iso, este vídeo, do que tivemos novas hai tempo a través de Cristina Novoa, parécenos moi axeitado para celebrar esta data.

Concienciémonos! É a nosa obriga!

Por outra banda, aproveitando esta data, queremos darvos a coñecer estes anuncios que teñen elaborado os alumnos e alumnas de 4º B de Primaria.

A actividade tivo a súa orixe na conmemoración do Día da Paz. Os rapaces decatáronse de que tras o comercio do café existía un submundo onde se explotaba ás persoas e á natureza. Por iso decidiron crear estes anuncios nos que nos aconsellan consumir nas tendas do Comercio Xusto.

Como veredes, algúns deles incluso poden triunfar como guionistas e actores!