E, deste xeito, deu comezo a actividade estrela das Extraescolares: as Tardes de Conto, que, semana a semana, reúne a pais e fillos arredor dos contos e das actividades.
Ademais da súa disponibilidade, temos que agradecer a Marisol a súa creatividade, xa que o conto que nos ofreceu era da súa invención.
Achégovos o comentario da nosa "enviada especial", a profe Remedios: "Moi interesante o conto titulado El irrecuperable tesoro de las Reinas del Mar, no que a trama trata sobre un tesouro agachado. Para atopalo, a protagonista, a súa nai e unha amiga teñen que seguir as indicacións dun mapa atopado dentro dunha botella. Estas indicacións lévanas por distintos lugares de Vigo, ata chegar, finalmente, ó punto onde está o tesouro: unha pedra situada perto do mar, no monte da Guía.
Despois de varios intentos, consiguen o tesouro, que só se pode acadar coa amizade verdadeira".
Para rematar esta tarde tan divertida, os rapaces traballaron sobre o mapa do tesouro.
Grazas a Marisol e a todos os pais e nais que, semana a semana, fan posible esta actividade tan nosa e tan entrañable.
No hay comentarios:
Publicar un comentario