Nesta ocasión, contáronnos un estupendo conto Anxo (de 3 anos) e a súa mamá. Tratouse de Caperucita de colores, versión ecolóxica do famoso conto, no que Anxo tivo unha actuación estelar facendo de lobo. A continuación, coñecimos a historia de Sara, unha princesa que vivía na lúa e non quería ir ó cole.
Logo, Paula, Antón e Mª José, con longa experiencia como contacontos, contáronnos Cristina Cochina, o conto sobre unha nena tan porca, tan porca, que vivía nunha pocilga.
Como vedes, trasladámonos ó vestíbulo da Biblioteca (xa que nesta estaban instaladas as exposicións de Cesteiría e Libros sobre árbores e plantas), e logo, fixemos actividades nunha das aulas de 1º.
Polas fotos vese que a sesión foi un rotundo éxito, que o persoal máis cativo estivo do máis atento, e que o público rematou entregado.
E xa que chega o verán e o merecido descanso, queremos agradecer dende aquí a colaboración tan entusiasta e desinteresada de Marisol, a nai de Irene, que, durante este curso, estivo a coordinar esta actividade que, para nós, resulta tan importante e entrañable, xa que os seus obxectivos son rescatar o bo costume de contar contos e de estreitar os lazos familiares.
Grazas, Marisol, polo teu traballo, e grazas á túa familia por ter a xenerosidade de te compartir connosco.
No hay comentarios:
Publicar un comentario