O GALEGO NON É UNHA LINGUA MINORITARIA

Dentro de dous días celebraremos a grande festa da nosa lingua: o Día das Letras Galegas. 

A nosa lingua é a herencia máis fermosa que podemos deixar ás vindeiras xeracións: un agasallo que, con moito mimo e agarimo temos ido transmitindo de xeración en xeración. 

Malia os ataques interesados que, nos últimos anos, ven sufrindo a nosa lingua, malia a publicidade engañosa que intentan nos transmitir a través dos medios de comunicación, o galego aínda non é esa lingua minoritaria que algúns pretenden. Se (como di un famoso anuncio publicitario) estamos orgullosos de ser galegos, é o noso deber preservala, fomentala e potenciala. 

Deixámosvos aquí este fermoso e interesante vídeo que chegou ata nós a través da ronda de correo do PLAMBE (sinto non lembrar exactamente o nome da persoa que nolo enviou). Nesta cuestión non deben falar as opinións, senon os feitos.