E, como todos os anos, resultou un éxito.
Organizamos dous obradoiros. O primeiro, para os rapaces de 3º, desenvolveuse na Biblioteca, e levou por título Paxariños de la e follas secas. Baseouse no libro titulado A caixa dos recordos.
O mellor será que coñezades a experiencia por boca dos propios protagonistas: os nenos e nenas de 3º A.
O segundo dos obradoiros desenvolveuse no Salón de Actos. Nel participaron os rapaces e rapazas de 4º e 5º B de Primaria.
Despois de escoitar o conto titulado Caixa de cartón (de Txabi Arnal), os chavales crearon ilustracións empregando a técnica do ilustrador (Hassan Amekan). Esta consiste en traballar as liñas para crear perspectivas, e empregar o collage, recortando e pegando detalles. Tamén utiliza a tinta chinesa, para extender manchas e, así, embelecer a ilustración. O seu obxectivo é crear un ambiente. Para iso, bota man, tamén, de pulverizadores en tonos azuis.
Outros aspectos curiosos son que a nena aparece pintada coa cor da vida (a cor do sangue), que os personaxes se sitúan sempre de perfil, ou que o amarelo, o ocre ou o vermello son cores recurrentes.
Aproveitando estes datos, os rapaces estiveron a traballar as ilustracións, que, finalmente, acabarán recompoñendo nas súas propias caixas de cartón.
No hay comentarios:
Publicar un comentario