Estes días temos a inmensa sorte de contar no noso Claustro con Alba, que está a facer unha sustitución en 5º curso de Primaria. E digo isto porque, ademais de ser unha grandísima profesional, é unha persoa viva, namorada da vida, quen de mergullarse e adaptarse axiña a calquera contexto, por distinto e incómodo que pareza, e contárnolo de tal xeito que nos encandile.
Así foi como quedaron Sheila e Aine, as nosas entrevistadoras: encandiladas co que Alba nos contaba de África, e, en concreto, de Namibia. Tanto, que tiven que lles facer acenos para que remataran, porque as preguntas xurdían xa espontaneamente, fóra do guión.
En moitas ocasións, cando falamos de Educación Documental (ou de ALFIN) indicamos que temos que aproveitar os recursos que nos ofrece a nosa contorna: persoais, impresos ou virtuais. Realmente, esta entrevista é unha auténtica tarefa de investigación: así podemos calificar o proceso que seguiron Sheila e Aine (as entrevistadoras), documentándose sobre Namibia, preparando as súas cuestións (para o que empregaron o titorial que temos enlazado no blog da biblioteca). E a Alba... só podemos calificala como unha auténtica fonte documental. E, senón,,,, xulgade por vós mesmos!
Grazas, Alba, por nos aprender a ler o mundo!
No hay comentarios:
Publicar un comentario