ALICIA NO PAÍS DAS MARABILLAS

A versión do alumnado do noso colexio.

Este curso, como ben sabedes, o noso PDI titúlase Entre liñas anda o xogo. Un tema moi amplo no que caben as matemáticas, o xogo, a literatura, o traballo cooperativo... Por iso, para celebrar o Día do Libro, pareceunos moi axeitado traballar Alicia no País das Marabillas, un portentoso libro infantil que moitos de nós só coñeciamos a través da versión de Disney pero que, sen embargo, temos chegado a disfrutar e a valorar na súa xusta medida.

1. Por que esta obra e non outra?

Varias son as razóns para facer esta elección:

• en primeiro lugar, porque este curso celebramos o 150 aniversario desta obra da literatura universal (a primeira edición data de 1865);
• en segundo lugar, porque o seu autor (Lewis Carroll) era un famoso matemático;
• por tal motivo, a obra está repleta de xogos de lóxica, entre os que se mesturan a crítica e a ironía hacia a educación e a sociedade inglesa da época.

Unha obra idónea, polo tanto, para incorporar ó noso proxecto documental integrado. 

2. Como a traballamos?

2.1. Primeiros pasos. 

A nosa intención era facer da lectura de Alicia unha auténtica tarefa de aprendizaxe. Así, no mes de xaneiro asignamos a cada aula un capítulo (ata 1º curso de Primaria, un fragmento dun capítulo), entregando ós titores os textos correspondentes. Unha vez lido e comprendido, cada aula debía: 

• resumir o seu contido, eliminando o que non resultaba esencial; 
• traducir o texto ó galego; 
• deseñar os personaxes que participan no capítulo e seleccionar ou crear fondos para desenvolver a acción. 

2.2. Concurso para elixir ós protagonistas. 

Xa que cada aula tiña liberdade para ambientar a súa historia, parecianos que, para lle dar continuidade, compría que os personaxes principais (Alicia e o Coello Branco) se mantiveran ó longo de toda a obra. Por tal motivo, organizamos un Concurso de Ilustración no que resultaron elixidos os protagonistas.

2.3. Montamos o noso vídeo de animación. 

Empregando a ferramenta Explain Everything, cada aula montou nun ipad a súa animación, empregando os fondos e os personaxes creados e gravando a narración do alumnado. 

2.4. O resultado. 

Aínda que en posts anteriores fomos publicando cada vídeo, nesta imaxe interactiva de Thinglink podedes visualizar todos eles, seguindo a orde lóxica da historia.

Esperamos que vos teña gustado!