O vindeiro día 13 de febreiro celebraremos o Día Mundial na Radio. Como nos últimos anos, estamos a impulsar a difusión das lembranzas dos nosos maiores, dándoas a coñecer a través das ondas. Tendo en conta o noso PDI deste curso (Entre liñas anda o xogo) a temática non podía ser outra que coñecer os xogos ós que os nosos avós xogaban de cativos.
Comezamos a serie co avó de Roque, que, aínda que xa ten 80 anos, ten unha voz e unhas lembranzas do máis xuvenís. Neste audio cóntanos como, cando non había os medios que hoxe temos, a imaxinación era moi importante, e como a partir dunha simple caixa de cerillas se podía facer un divertido xogo.
No hay comentarios:
Publicar un comentario