Despois da paréntese do Nadal, Frianciño voltou durante a pasada fin de semana a rotar polas casas do noso alumnado, en busca das matemáticas que nos rodean. Nesta ocasión marchou con Icía Otero (2º B) a Chantada.
Aquí temos a explicación que nos envía a súa familia:
Prezadas/os frianciñas/os:
As fotos foron feitas “inside” hórreo, dentro do hórreo de cinco claros dos avós de Icía, na casa de Penouzos, no lugar de Vigo de Mariz, concello de Chantada (Lugo). Un mundo matemáticamente rectangular, cheo de espigas cilíndricas de millo, e cun teito triangular a dúas augas.
Saúde e lingua.
Pois moitas grazas, familia! As vosas fotos servíronnos para lembrar esas construcións tradicionais que foron tan importantes no agro galego.
No hay comentarios:
Publicar un comentario