...solidarizándonos cos refuxiados sirios.
E resultou toda unha festa da tolerancia e a convivencia, froito dun proceso de traballo no que todo o centro se sentíu implicado.
Efectivamente. Dende comezos de trimestre, todas as aulas de Primaria estiveron a reflexionar, a partir de distintos gráficos, sobre os refuxiados sirios. Como resultado desa reflexión, cada grupo chegou a unhas conclusións que publicou como comentario ó post correspondente.
Con todas estas achegas, Sheila e Vega, alumnas bibliotecarias (supervisadas polos mestres bibliotecarios) elaboraron este fermoso Manifesto.
A nosa celebración comezou, pois, coa lectura deste manifesto, a cargo de Sheila e Roque (6º curso de Primaria). E, a continuación, todo o cole cantou e bailou a canción que aprendimos durante estas semanas na clase de Música: Hoy tengo ganas de sonreir, de Zarcort e Town. Coa colaboración (na animación) das aulas de 6º curso de Primaria e Alex e Pablo (4 anos B) e Marco, Adrian T., Aitana e Noa (3ºA).
Rematado o acto, ninguén quixo abandonar o patio e, de xeito espontáneo, xurdíu un alegre baile. Xa din que a música "amansa ás feras"!
Neste vídeo atoparedes resumido todo o que vos temos contado.
O dito. Toda unha festa da convivencia!
Imaxe: Mural colaborativo elaborado polo alumnado do centro.
No hay comentarios:
Publicar un comentario