Os galegos (e os portugueses) temos un rico patrimonio inmaterial: todas esas palabras, tradicións, saberes... que teñen perdurado durante séculos e teñen chegado ata nós a través da oralidade. Como receptores desa riqueza é a nosa obriga preservala e transmitila ás xeracións futuras.
Esta inxente e fermosa labor é animada, dende hai anos, pola Asociación Pedagóxica Ponte nas Ondas. Esta asociación convídanos a participar, o vindeiro día 13 de febreiro no Día Mundial da Radio, na actividade Mostras do patrimonio inmaterial galego - portugués.
Unha vez más recabamos a contribución das nosas familias para axudarnos a desenvolver esta proposta. Cal será o voso cometido...? Entrevistar ós vosos avós ou familiares maiores e gravar co móbil as súas respostas sobre:
- xogos tradicionais (distintos do fútbol ou dos xogos ós que xogan os nenos na actualidade);
- lugar onde os xogaban;
- persoas coas que os xogaban;
- materiais que precisaban para xogar;
- época do ano (se é que o xogo estaba ligado a unha estación concreta)
- breve explicación.
En canto o teñades gravado, achegade os arquivos a:
friancinhojones@gmail.com
Pero non vos demoredes. O prazo remata o domingo 7 de febreiro.
No hay comentarios:
Publicar un comentario