GRAZAS!

A todos os mestres e mestras que, durante estes anos, atopastes inspiración nos posts publicados no noso blog. A todos os membros da Comunidade Educativa que fixestes posible que un sono se convertira en realidade. Ó Equipo de Biblioteca co que tanto aprendín.

Para vós, para sempre: GRAZAS!

lunes, 3 de diciembre de 2012

E A TI... A QUE CHE SOA...?


Unha nova pregunta do noso concurso A voltas coa lingua. 

Na última proposta do noso Concurso obtivemos esta resposta da nosa compañeira Helena Martínez (5º B):

A lingua é coma un arroio cheo de fadas. Para min os arroios murmuran e tamén falan.

Daquela pedíamosvos unha imaxe coa que comparar a lingua. Helena móstranos un arroio. Pero non se trata dun arroio petrificado, inmortalizado nunha fotografía dunha pequena corrente que xa non voltará levar a mesma auga. É unha imaxe sonora: un arroio murmurador e faladeiro

E a ti... a que che soa a lingua...? Que intres máxicos, que sonoridades che lembra...?

Cóntanolo completando o seguinte formulario. 



No hay comentarios: