Case tres anos despois do remate da Segunda Guerra Mundial (esa contienda tan violenta, inhumana e sanguinaria) a Asamblea Xeral das Nacións Unidas adoptou a Declaración Universal dos Dereitos Humáns. Era o día 10 de decembro, e, dende entón, nesa data celebramos o Día Internacional dos Dereitos Humáns. Tamén, dende entón, todos os países membros recoñecen esta declaración como norma común de aplicación.
Que quere dicir isto...?
Pois que todas as autoridades deben respectar a dignidade das persoas, trátese de homes ou mulleres, adultos ou nenos, sen importar a raza, relixión, idioma, opinión política, situación económica ou lugar de nacemento.
Pero tamén quere dicir que todo home, muller, neno ou nena ten a obriga de respectar os dereitos dos outros.
Non podemos reivindicar nin respectar o que non coñecemos. Por iso cómpre coñecer en que consisten os Dereitos Humáns. Pero cómpre tamén ser críticos na súa análise, e comprobar que para que os dereitos humáns estean universalmente extendidos todavía queda moito por andar.
Así que... mans ó traballo!
Para coñecer máis polo miúdo a Declaración Universal dos Dereitos do Home, non perdas detalle deste vídeo:
Teste fixado na canción que soa de fondo...? É do grupo SKA-P, e titúlase Hijos bastardos de la globalización. Podes ler o seu texto mentras escoitas novamente a música neste vídeo:
Non cres que ten "moito miolo..."? Neste caso, falaba dun neno do Terceiro Mundo explotado polos intereses das grandes empresas e dos países ricos. Desafortunadamente, esta situación estase a dar coas clases traballadoras de países desenvolvidos coma o noso.
Como vedes, pois, a extensión da universalidade dos Dereitos Humáns non é un tema doado.
A Humanidade leva intentando extendelos non 64, senon moito máis de 2000 anos. Fíxate neste vídeo titulado La historia de los Derechos Humanos. Estate atento, e, sobre todo, pensa.
Queda moita tarefa. Pero logralo está nas nosas mans. Podemos comezar cantando:
Concienciémonos: somos nós quen temos que facer realidade a Declaración Universal dos Dereitos Humáns.
Comecemos a facelo dende hoxe.
No hay comentarios:
Publicar un comentario