Titúlase Maxín, e está realizado e interpretado polo alumnado do C.E.I.P. Valverde Mayo (Mos). Ademais de estar feito con moito gusto, amosa un grande amor á nosa lingua. Un vídeo imprescindible para quen, coma nós, está a desenvolver un proxecto sobre a Tradición Oral.
Convídovos a visualizalo con moita atención e a contestar á pregunta do protagonista: e ti, por que non falas?
Como respostando a esta pregunta, a Coordinadora Galega de Equipos de Normalización Lingüística lánzanos unha proposta moi concreta:
RecitandoCelsoemiliO
En que consiste esta proposta?
É unha acción conxunta que pretende homenaxar a Celso Emilio Ferreiro no remate deste ano 2012 adicado á súa memoria.
Para iso, proponse a lectura do seu famoso poema Deitado frente ao mar, no que afirma, contundente:
eu fáloa porque si, porque me gosta,
porque me peta e quero e dáme a gana
Aquí podedes consultar a proposta da Coordinadora Galega de Equipos de Normalización Lingüística.
E aquí deixámosvos coa reinterpretación do devandito poema elaborada polo alumnado do IES As Barxas (Moaña) en colaboración cos seus profesores de Plástica (Luz Beloso) e de Música (Seso Durán). Un magnífico traballo que acredita que o Primeiro Premio do Concurso Nacional CreArte, gañado por eles o ano pasado, estaba ben merecido.
No hay comentarios:
Publicar un comentario