Estivo organizado polo Departamento de Orientación, e participou todo o alumnado de Educación Primaria.
A sesión, titulada Antía, Wamba e o regato pequeno, formaba parte da Campaña de sensibilización pomovida polo Consello Municipal de Cooperación Internacional e Solidariedade do Concello de Vigo (Impórtanos!). Ó frente dela, Brais das Hortas e Marta Ortiz (ou sexa, A Tropa de Trapo).
Os personaxes que dan unidade ó contacontos son Antía (unha nena galega) e Wamba (un emigrante). Por circunstancias, entran en contacto, e deciden facer un curioso intercambio: por cada petisco do bocadillo de Antía, Wamba regalaralle un conto. Contos que promoven a paz e a solidariedade.
Que dicir deste rato que pasamos xuntos...? Simplemente: fantástico. Uns actores estupendos, uns contos axeitadísimos e un trato único co alumnado, involucrándoos no desenvolvemento do relato e introducindo intres de "desconexión" entre conto e conto para que a rapazada non se cansara.
Penso que as palabras sobran. Fixarvos nas caras e nas olladas dos cativos. Resultan moito máis expresivas que todo o que vos poda contar.
Grazas por esta fantástica mañán!
No hay comentarios:
Publicar un comentario