ASÍ FOI...

... A lingua sabe a mar. 

O curso remata e toca recopilar. Se premedes na imaxe comprobaredes o que deu de si o noso PDI deste curso.

Grazas a todos e a todas os que o fixeches posible!

UNHA FILIGRANA DE PEIXES

Unha obra de xoiaría dos nenos e nenas de 4º B.

Como temos visto ata o de agora, os rapaces e rapazas de 4º B son uns artistas. Estes peixes que engalanaron os corridores do noso cole semellan filigranas da máis pura plata.

ADIVIÑAS SOBRE O MAR

Nas portas de 2º A.

Os nenos e nenas de 2º A fixeron unha porta preciosa. Pero, ademais de ser bonita, resultou moi literaria: incorporaba diversas adiviñas sobre o mar.

Disfrutade do seu traballo!

O CABALIÑO DE MAR

O peixe estudiado polos nenos e nenas de 3 anos B.

A propósito do PDI A lingua sabe a mar, os rapaces de 3 anos B investigaron sobre os cabaliños de mar. Agora nos presentan a súa exposición oral.

Esta foi a presentación que a profe Charo fixo para explicar ós rapaces como son estes simpáticos peixes.

Parabéns, nenos... ! E profe!

Imaxe: Palma Aquarium. En Wikipedia. CC BY SA

UN CURSO DESPOIS, RECOLLEMOS O NOSO PREMIO

No Auditorio do C.S.I.C.

O pasado venres 27 de xuño acudimos a Madrid Olga, a directora do noso cole e máis a coordinadora do Equipo de Biblioteca para recoller o Premio Nacional que recibimos polo PDI do curso pasado (A lingua sabe a pan). 

Entregaron os premios o Director General de Formación Profesional, o presidente do Consello Escolar do Estado e a Vicedirectora do CSIC. 

Reunímonos no Auditorio do CSIC alumnos, profesores e centros docentes, xa que no mesmo evento se entregaron os Premios Nacionais de Educación Secundaria, de Ensinanzas Artísticas, de Bacharelato e de Educación. 

Suliñaría o discurso de agradecemento do alumno que representou ós premiados. Con grande coherencia e estilo, o rapaz alabou o ensino público e agradeceu a tarefa das familias e dos profesores. Un discurso que nos fixo sentir moi orgullosos a todos os docentes. 

Neste enlace atoparedes a información publicada na páxina web do Ministerio. 

Nestoutro, a nova publicada polo Faro de Vigo. 

Deixámosvos aquí con algunhas imaxes do día. 

A MEDUSA PITUSA

A exposición oral dos nenos e nenas de 3 anos A.

Os rapaces de 3 anos A estiveron a investigar sobre as medusas. A mascota que elixiron para a súa aula é a Medusa Pitusa. Aquí tendes a súa exposición:

E aquí, o conto que nos anunciaban: 

Parabéns, chicos!

O MARRAXO

A exposición oral dos nenos e nenas de 4 anos A.

Os rapaces de 4 anos A estiveron a investigar sobre o marraxo. Aquí os tendes falando sobre este animal mariño.

Imaxe: Mark Conlin. Isurus oxyrinchus. En Wikimedia Commons.  Dominio público. 

MÁIS SOBRE AS PROFESIÓNS MARIÑEIRAS

Cos rapaces e rapazas de 5º A.

Con motivo do noso PDI A lingua sabe a mar, os nenos e nenas de 5º A investigaron sobre os percebeiros, os bateeiros, os calafateadores ou os carpinteiros de ribeira. Aquí tendes a exposición do seu traballo.

Imaxe: Gabriel González. Percebeiros. En Wikimedia Commons.  CC BY.

PROFESIÓNS MARIÑEIRAS

Cos rapaces e rapazas de 5º B. 

Esta foi a exposición que prepararon co gallo do noso PDI: unha pequena aproximación a algunhas profesións vencelladas co mar.

Imaxe: Xosé Abad. Farero de Estaca de Bares. En Wikimedia Commons. CC BY SA

CALIGRAMAS MARIÑEIROS

En 2º A.

Os nenos e nenas de 2º A estiveron a traballar os caligramas a partir da copla popular que di:

Heiche de contar un conto, 

un conto de mil mentiras. 

Polo mar andan as lebres

e polo monte as sardiñas. 

Unha vez rematados fixeron unha preciosa composición na porta da súa aula.

Aquí tendes o seu traballo: 

PREMIOS ÓS QUE MÁIS PARTICIPARON

Un bo xeito de concluír o curso.

A nosa travesía deste curso está a rematar. Durante todo o ano, dende o Equipo de Biblioteca, fomos propoñendo ós rapaces distintas actividades de escritura e investigación. Por iso consideramos xusto premiar a todos os nenos e nenas que se esmeraron de xeito especial.

Aquí os tendes, felices cos seus agasallos.

Parabéns, superlectores e escritores!

UN MAR DE PORTAS

A medida que se achegaba a fin do noso PDI, o noso centro foi cambiando de fisonomía.

Como cada curso, as nosas portas e pasillos fóronse adaptando á temática que estabamos a traballar. E así, pouco a pouco, foron cambiando o seu aspecto ata cubrirse con preciosos motivos mariños. Paga a pena comprobar como se foi obrando a transformación.

CONVIVENCIA COS ALUMNOS E ALUMNAS BIBLIOTECARIOS

Comemos xuntos e paladeamos un xeado.

Os nosos alumnos e alumnas bibliotecarios estiveron a traballar arduamente durante todo o curso. Xusto era, pois, agradecer o seu esforzo.

Por iso, o pasado día 11 decidimos comer todos xuntos no colexio, nun lugar privilexiado: a Sala de Mestres. Logo tivemos un rato de animación na Aula de Música, finalizado coa entrega duns pequenos agasallos. E, por último, acudimos xuntos a tomar un xeado ó Centro Comercial. Pero... coa emoción, esquecémonos de inmortalizar esta última parte (é doado de entender: só tiñamos mans para o xeado e a culler).

Grazas, rapaces, polo voso traballo desinteresado, e por ese rato de convivencia que as profes estivemos encantadas de compartir convosco!

FIN DE CICLO MARÍTIMO

Uns días antes da súa graduación.

Os nenos e nenas de 5 anos, acompañados das súas titoras, remataron o ciclo cunha saída moi relacionada co noso PDI: viaxando en barco á Illa de San Simón.

Como veredes nas imaxes, a experiencia resultou sumamente gratificante para os rapaces (e para os profes). As facianas eran todo felicidade.

OS ALUMNOS DE 3 E 4 ANOS VISITAN O MUSEO DO MAR

Que mellor modo de rematar un curso adicado ó mar?

Os nenos e neas de 3 e 4 anos acudiron a semana pasada ó Museo do Mar. Foi un día fantástico, no que poideron pórse na pel dun mariñeiro: intentando pescar con cana, disfrutando co acuario... incluso vestindo traxe de augas!

Un fermoso xeito de pór de manifesto todo o que temos aprendido este curso!

O PORTO DE VIGO

Toda a información sobre o Porto de Vigo, nun LIM. 

A profe de 6º B, Conchi, ten elaborado este LIM cunha información moi exhaustiva sobre o Porto de Vigo. Para saber todo sobre este motor da nosa cidade...!

Imaxe: Vigo, porto coas illas Cíes ó fondo, de José Manuel, en Wikimedia Commons. CC BY

OS PIRATAS DE FRIAN CONQUISTARON CÍES

Vencendo todos os elementos.

Cunha semana de retraso, damos conta da saída que a A.N.P.A. do noso cole organizou o pasado domingo día 8 de xuño a Cíes.

Enfrontándonos á tremenda mañán que se presentaba, case trescentas persoas da nosa Comunidade Educativa embarcámonos en dous barcos. Algúns, prudentes, decidiron que o día non estaba para viaxes, e quedaron na casa. Talvez non lles faltaba razón, porque case ninguén sobrevivíu ó mareo.

O frío e a chuvia acompañáronnos durante toda a mañán. Pero, cando case estabamos a nos arrepentir da nosa ousadía... saíu o sol. E poidemos patear, xogar... incluso nos bañar!

Aquí está a reportaxe gráfica. Reparade nesa muller vestida de verde ó lado da cabina: é Mónica, a patrona do barco que nos levou ata as Cíes.

Grazas á nosa magnífica A.N.P.A., que sempre nos acompaña na andaina do noso PDI. E grazas ós que compartistes connosco este día inolvidable. 

A CONSERVACIÓN

Explicada polos nenos e nenas de 6ºA 

Despois do seu traballo escrito, os rapaces e rapazas de 6º A expuxeron o que aprenderon.

Parabéns!

EU QUERO ESTAR ENFERMO

O noso derradeiro conto.

As Tardes de Conto remataron este curso con tres alumnos de 6º A que este ano marchan para o Instituto: Rebeca, Nieves e Lucas.

Achegáronse ó corridor de Infantil para nos contar Yo quiero estar enfermo. Acabado o conto, houbo actividades, consistentes en construír un teatrillo cos personaxes do conto.

Como vedes polas imaxes, a actividade estivo moi animada.

Grazas, chicos, por este conto. Convidámosvos a contar máis o vindeiro curso, aínda que esteades xa no Instituto. 

OS NOSOS FAROS

Investigando en 5º B.

Os rapaces e rapazas de 5º B, de cara á Exposición de Fin de curso, decoraron tellas con imaxes dos diferentes faros de Galicia.

Para completar este traballo documentáronse sobre distintos datos (altura, elevación sobre o nivel do mar, ano de construción...) cubrindo esta táboa:

Imaxe: Contando Estrelas. Faro de Cabo Silleiro, en Baiona. En Flickr.  CC BY SA

O AFUMADO

Unha técnica tradicional para conservar o peixe.

Os rapaces e rapazas de 6º B investigaron sobre o afumado e outras técnicas tradicionais para conservar o peixe (enxeado, secado ao sol, salgadura...). Neste vídeo preséntannos o que teñen aprendido sobre o tema.

Imaxe: Chris 73. Stockfisch in Iceland 2005. En Wikimedia Commons. CC BY SA

MARFABETO DIXITAL

Alfabetizando dixitalmente ó noso alumnado.

Como lembraredes, polo Día das Letras Galegas propuxemos a elaboración do Marfabeto (o noso particular dicionario do mar). Estaba creado en formato impreso, e pasou a integrarse na colección de traballos da nosa Biblioteca.

Pensando na necesidade de que o noso alumnado, xa dende cativo, empregue as novas tecnoloxías, decidimos impulsar unha versión dixital do Marfabeto: os rapaces tiveron que teclear cada palabra e definición nunha plantilla previamente creada, e engadir unha fotografía alusiva recollida da Internet.

Nesta tarefa participaron os nenos e nenas dende a  Educación Infantil ata o 4º curso de Primaria.

Os alumnos e alumnas de Terceiro Ciclo tiveron que traballar nun Glosario creado ó efecto na Aula Virtual do noso Centro. Podedes acceder a el neste enlace.

GRANDE FESTA DA LINGUA

Grande e inmensa coma a mar océana. 

Grazas á colaboración de toda a Comunidade Educativa (familias, mestres, alumnos, ex-alumnos, conserxe...) resultou unha grande festa da convivencia e todo un éxito. O tempo (seco e non excesivamente caluroso ) tamén axudou.

Cabe salientar a mellora na comodidade á hora do almorzo: houbo sillas e sombra para todos. Tamén o cheo no salón de actos, mantido ata última hora da tarde (saímos do colexio ás 20:30 horas). E un feito que nos fai sentir sumamente orgullosos: a compañía dun grupo de alumnos da promoción do 1989, que, no 25 aniversario da súa promoción, achegáronse ó Colexio para comer con nós e para bailar unha Danza de Patelas no festival. Estamos moi felices de que compartiran esta xornada festiva: eles tamén son parte da nosa Comunidade Educativa!

E agora, as imaxes do día:

  Preparación 

  Obradoiros

  Merenda

  Xogos

  Exposicións

  Comida

  Concurso

  Festival

A xornada rematou coa sensación grata do traballo ben feito, aínda que cansos, moi cansos... e famentos!

Pois nada...! A descansar todos, que ben merecido o temos...!

XA TEMOS FOTOGRAFÍA GAÑADORA!

Un conto, á beira do mar, é moito máis que un conto. 

Este é o título da foto enviada pola familia de Lara Fernández (Educación Infantil 5 anos A) que mereceu o galardón dos nosos internautas. Recabou un 81% do total, co que se convirte en indiscutible gañadora.

Neste enlace poderedes lembrar todas as preciosas fotos que teñen participado no certame. E aquí, as bases que guiaron este concurso tan familiar e, xa, tan tradicional no noso cole.

Deixámosvos co cartel que decorará a nosa Festa da Lingua deste curso.

Grazas, Lara, por participar. E grazas a todos os votantes que participastes tan masivamente nesta elección. 

XA ESTÁ AQUÍ A NOSA EXPOSICIÓN

Non esquezas visitala...!

Como todos os anos, xa está organizada a nosa exposición, cos traballos do alumnado realizados ó longo do curso e cos materiais aportados polas familias para a ocasión. Todo co mesmo tema: o do noso PDI A lingua sabe a mar.

Mañán, cando vos pasedes polo colexio, non esquezades pasarvos pola Biblioteca e pola Aula de Música.

Mentras, aquí queda unha mostra para "abrir boca":

Esperámosvos!

OS ARROACES

A exposición oral de 4 anos B.

Imaxe: Mark Interrante. Hawaii #16 - Baby . En Wikipedia. CC BY SA