TAL DÍA COMA HOXE, HAI CEN ANOS...

Bo e pacífico Nadal!

CHEGA O NOSO TRADICIONAL VÍDEO NAVIDEÑO

Nun mar de linguas.

Os nosos alumnos e alumnas felicítanvos o Nadal con este vídeo que percorre o mundo en busca das orixes dos distintos pobos que chegaron ata nós ó longo da Historia. Un pequeno traballo documental sobre o noso PDI deste curso: Un mar de linguas.

Bo Nadal!

BO NADAL E FELICES LECTURAS

Chega o Nadal, e tamén as nosas recomendacións de lectura. 

Disfrutádeas...!

PROCESIÓN MARÍTIMA

Nos corridores do C.E.I.P. Frian.

Como cada ano, as nosas familias teñen aproveitado a Ponte de decembro para elaborar os seus adornos navideños. Este curso, atendendo ó título do noso PDI Un mar de linguas, a proposta do Equipo de Convivencia consistíu nun barco.

A creatividade das nosas familias é enorme. Mostra disto é a escolma que temos recollido:

ÚLTIMA TARDE DE CONTO DO ANO

Con Gael e a súa nai, Yolanda.

A derradeira Tarde de Conto de 2014 tivo un sabor navideño, ó ser Papá Noël o protagonista dos dous relatos: O segredo de Papá Noël e A casa de Papá Noël.

Como podedes ver nas fotos, a sesión rematou cun obradoiro de motivos navideños.

Grazas a Gael e á súa nai, Yolanda, por nos preparar esta tarde tan entrañable!

SEGUIMOS COS PETISCOS LITERARIOS

En 5º e 6º de Primaria.

Tamén os maiores do cole tiveron a súa lectura durante a Hora de Ler. Nesta ocasión, a contadora foi a profe Montse, e a lectura elixida... como non...! Vinte mil leguas de viaje submarino, de Jules Verne. (Para saber máis sobre este autor e a súa relación con Vigo, preme neste enlace).

Por suposto, a lectura ten moitísimo que ver co noso PDI Un mar de linguas. E iso sábeno ben os rapaces e rapazas de 5ª A, que este curso van estudiar a Batalla de Rande.

NA HORA DE LER...

... Eu vivía na fin do mundo.

Retomando os nosos Petiscos literarios, estas últimas semanas estivemos a contar contos durante a Hora de Ler nos cursos de 1º, 2º, 3º e 4º de Primaria. A lectura elixida foi un precioso álbum ilustrado de Ramón Trigo: Eu vivía na fin do mundo. Este libro recibíu, no ano 2007, o Premio de Álbum Ilustrado Cabildo de Gran Canaria. E, a verdade, non nos extraña, porque descubrimos que, nesta obra, nada está feito ó azar.

Por moitos motivos, Eu vivía na fin do mundo ten moita relación co noso PDI deste curso: Un mar de linguas. Pero tamén nos fixo reflexionar sobre nós mesmos. E, como dicían esta mesma mañán os nenos e nenas de 3º A... cando fas fronte ós teus propios medos, podes sentirte realmente libre!

Aquí vos deixamos algunhas imaxes. Habería moitas máis, pero... o fotógrafo non sempre estaba dispoñible!

ARROZ CON CHÍCHAROS

Que bo prato para o Venres...!

Os rapaces e rapazas de 2º B, despois de estudiar o tema da alimentación, aprenderon esta canción tradicional, cunha particularidade... traducírona ó romanés. E cantáronola no seu Venres de Viva Voz.

Unha boa iniciativa para o noso PDI Un mar de linguas!

VIAXE NO TEMPO...

... polo mar, e polas linguas.

Sobre isto trata a Nova da Semana narrada polos alumnos e alumnas de 6º B.

A CALZADA DOS XIGANTES

Unha lenda irlandesa nas Tardes de Conto. 

O pasado martes día 2 de decembro as Tardes de Conto foron moi internacionais. Estivo connosco Bea, a nai de Noa e Aroa, que nos contou unha lenda irlandesa que fala de dous xigantes: un irlandés e outro escocés. 

Tras o relato, entre todos os participantes elaboramos a nosa calzada. 

Como vedes, unha tarde internacional e colaborativa. 

DOODLES ADICADOS Á LITERATURA INFANTIL E XUVENIL

A propósito de Platero. 

O pasado venres celebrabamos o centenario de Platero y yo, o delicioso relato de Juan Ramón Jiménez. Por tal motivo, Google adicou un doodle na súa páxina de inicio a esta obra.

Hoxe, a profe Montse achéganos este enlace no que se analizan todos os doodles adicados á literatura infantil e xuvenil.

http://lij-jg.blogspot.com.es/2014/12/doodles-lijeros.html?m=1

Porque a LIX non é un xénero menor...!

AMOR VERDADEIRO

O que existe entre un can e o seu dono.

Sobre isto trata a Nova da Semana que presentaron os rapaces e rapazas de 6º B.

UNHA DE REFRÁNS!

Cos de 2º A, no seu Venres de Viva Voz.

Estes rapaces e rapazas de 2º A sonvos moi traballadores. Por iso este Venres de Viva Voz que presentan non só é un recitado duns refráns que aprenderon, senon o resultado dunha fructífera tarefa de investigación e de razoamento.

Primeiro, recabaron información entre as súas familias, recopilando unha escolma de refráns. Logo intentaron comprendelos. E, por último, crearon este interesante diálogo no que contextualizan o dito tradicional.

Quen di que non son competentes...?

Imaxe: Ecelan. La Puebla de Alfindén: Entrada Biblioteca Municipal. Cerámica: refranes. En Creative Commons. CC BY SA. 

UNHA DE PIRATAS!

O pirata Pata de Lata.

Contado polos nenos e nenas de 5 anos B para o seu Venres de Viva Voz. Aquí os tendes!

DÍA INTERNACIONAL DOS DEREITOS HUMANOS

Dereito a emigrar... e a retornar!

O 10 de decembro de 1948 a ONU aprobou a Declaración Universal dos Dereitos Humanos. Dous anos despois, en 1950, a Asamblea Xeral proclamou o 10 de decembro Día Internacional dos Dereitos Humanos. 

No marco do noso PDI (Un mar de linguas), un dos temas a traballar será o da emigración. O mar, ó longo dos séculos, ten sido a canle a través da cal milleiros de persoas, abandonando a súa propia, téñense achegado a novas terras na procura de aventuras ou dun futuro mellor.

No actual contexto de crise económica milleiros de mozos e mozas do noso país emigran en busca de traballo. Ogallá que, moi cedo, toda esta mocidade poida retornar onda nós, tal e como establece o artigo 13.2. da Declaración Universal dos Dereitos Humanos:

Toda persoa ten dereito a saír de calquera país, incluso do propio, e a retornar ó seu país. 

Imaxe: Daniel G. Estatua de Tocón dedicada al emigrante. En Wikimedia Commons. CC BY SA. 

UN CARBALLO CAE NA PISCINA DO BALNEARIO DE MONDARIZ

A Nova da Semana. 

Os nenos e nenas de 4º B analizan esta nova no noso programa semana.

Se premedes na imaxe poderedes comprobar outras novas destacadas da semana comprendida entre o 24 e o 28 de novembro.

SELO DE BOAS PRÁCTICAS DE LEER.ES

No mes de novembro. 

Hoxe recibimos unha grata nova: o Selo de Boas Prácticas Ibericanas concedido por Leer. es ó blog da nosa Biblioteca.

Para coñecer os motivos da nosa mención podedes premer na imaxe, e accederedes á información recollida no seu blog. 

Pois parabéns a todos e todas os que, co voso traballo e as vosas actividades, o facedes posible. 

O CAZO DE LOURENZO

Unha Tarde de conto para pensar moito.

A semana pasada, Adrián e a súa nai, Charo, contaron nas Tardes de conto este magnífico conto. Logo, coma sempre, houbo un fantástico obradoiro co que todos disfrutaron.

Para que comprobedes o bo ambiente que houbo, aquí están as fotos.

Non coñecedes esta magnífica historia, chea de tenrura...?

Non é o mesmo que escoitar a Adrián e á súa nai. Pero, con este vídeo, podedes coñecer a Lorenzo e a súa fermosa historia.

Grazas, Charo e Adrián, por nos achegar esta fermosa historia que nos fai máis humáns. 

O PIRATA PEPE E OS ANIMAIS

Un Venres de Viva Voz de conto.

Os nenos e nenas de 5 anos A contaron este conto para o seu Venres de Viva Voz.

APRENDE A EMPREGAR AS IMAXES!!!

O PARTIDO DOS CAMPIÓNS

Visto polos nenos e nenas de 4º A. 

A súa Nova da Semana tratou sobre este partido que tivo lugar no estadio de Balaídos hai unha semana.

13 CURIOSIDADES DE 13 FAROS

Contadas polos alumnos e alumnas de 6º B.

No seu derradeiro Venres de Viva Voz no noso centro, os rapaces e rapazas de 6º B cóntannos curiosas historias de trece faros ubicados en distintas localizacións no mundo.

Parabéns!

Imaxe: JOSÉ RAMÍREZ RUÍZ. Amanecer desde lo alto de un faro. Wikimedia Commons. CC BY SA.

BAÑISTAS GALEGAS DE ONTE

Un interesante tema proposto polos alumnos e alumnas de 6º A.

No seu Venres de Viva Voz, os alumnos e alumnas de 6º A sorprendéronnos cun tema descoñecido para nós: o nome que recibían as bañistas galegas do interior que acudían á costa para tomar as augas.

Parabéns!

Imaxe: RENOIR. Las grandes bañistas. Dominio público. 

BUSCANDO INFORMACIÓN NOS DOCUMENTOS IMPRESOS

NOVEMBRO, MES DA CIENCIA EN GALEGO

A ciencia, a lingua que nos une.

O pasado xoves día 20 de novembro os rapaces de 5º e 6º de Primaria poideron gozar dunha marabillosa visita: os alumnos e alumnas de 3º e 4º de E.S.O do IES República Oriental do Uruguai acudiron ó noso centro para compartir connosco os resultados dos seus experimentos.

Baixo a supervisión de Maite (profe de Bioloxía) e de Carmen (profe de Física e Química) e pertrechados coas súas batas brancas, os mozos explicaron con grande profesionalidade algúns dos seus traballos: estalactitas e estalagmitas caseiras, unha demostración da respiración pulmonar, a chuvia áceda, a formación de volcáns mariños, o campo magnético terrestre...

O desgaste foi grande. Por iso, á hora do recreo compartiron uns refrescos no comedor.

A cita foi a ocasión, para os mestres do cole, de nos sentir moi orgullosos do ramillete de ex-alumnos e ex-alumnas que viñeron compartir connosco os seus coñecementos e o seu saber facer. E ese esforzo merecía un premio. Por iso, Olga, a nosa directoria, entregoulles uns sinxelos agasallos polo seu esforzo.

Todo resultou unha ocasión estupenda para festexar que este novembro, que xa está a piques de rematar, ademais de ser o mes da Tradición Oral, tamén é o Mes da Ciencia en galego. 

Moitas grazas, chicos! E moitas grazas, Maite e Carmen, pola vosa dispoñibilidade, a vosa colaboración (a pesar da dor de lumbago) e o voso entusiasmo!

UNHA VOLTA Ó MUNDO A TRAVÉS DOS MAPAS

O mundo depende do mapa co que se vexa.

O venres pasado, os rapaces e rapazas de 5º e 6º de Primaria disfrutaron dun obradoiro que formaba parte da campaña Impórtanos!, promovida polo Consello Municipal de Cooperación Internacional e Solidariedade.

Este obradoiro comezou cunha presentación moi interesante, onde os nenos e as nenas puideron ver as grandes diferenzas económicas que existen entre uns paises e outros. A riqueza está moi mal repartida. E, para verificalo, non hai máis que ver o mundo dende outra óptica: empregando o mapa de Peters en lugar da tradicional proxección de Mercator. 

A continuación, os rapaces fixeron xogos cos que se deron conta de que o reparto de riquezas é moi desigual: se uns teñen moito é porque outros teñen pouco. 

Concluímos falando da importancia das ONG, que poden axudar a sensibilizar sobre estes problemas.

Imaxe: STREBE. The world on Gal - Peters projection. En Wikipedia. CC BY SA.  

25 de novembro

Día Internacional contra o Maltrato. 

E, como cada ano, ademais das actividades de sensibilización, elaboramos o noso mural. Aquí o tendes, lucindo no corridor de Primaria.

O MALTRATO SI É COUSA DE NENOS

O 25 de novembro celebramos o Día Internacional contra o Maltrato de Xénero. 

Ogallá poideramos preservar a todos os nosos nenos e nenas desta lacra. Pero as víctimas do maltrato non son só as mulleres adultas. Recentemente, a UNICEF ofrecíanos estas terroríficas cifras:

• cada dez minutos morre unha adolescente no mundo como consecuencia dalgún tipo de violencia;
• uns 70 millóns de nenas de entre 15 e 19 anos teñen declarado sufrir algún tipo de violencia física;
• 84 millóns de adolescentes de entre 15 e 19 anos están casadas e sufren violencia emocional, física ou sexual por parte da súa parella ou marido; 
• sobre 120 millóns de nenas menores de 20 anos en todo o mundo foron víctimas dalgún tipo de acto sexual;
• sete de cada dez nenas de entre 15 e 19 anos que teñen sufrido abusos físicos ou sexuais nunca pediron axuda porque crían que o seu non era un caso de abuso e non o consideraban un problema. 

Que quere dicir isto...? Os nenos son tamén víctimas do maltrato. Pero tamén precisan ser educados para prevenilo. 

A Concellería de Igualdade do Concello de Vigo e o Consello Municipal da Muller, coa intención de educar ós máis cativos contra a ciberviolencia de xénero, ten proposto a creación dun tapiz humano, no que participarán rapaces de Secundaria de diferentes centros da nosa cidade. Tamén teñen creado unha páxina web con moita información sobre a ciberviolencia. 

Nas nosas mans, nas dos cativos e as cativas, está erradicar esta lacra da nosa sociedade. Convidámosvos a vos informar neste enlace: 

UNHA TARDE DE CONTO ESPECIAL

O pasado martes, a nosa sala de contos estivo a rebosar.

Porque, da man de María Oliveira (de Música, Arte y Desarrollo) familias enteiras acudiron a unha sesión de Musicoterapia. Dende recoñecemento de sonidos ata relaxación con cuncas tibetanas. Mágoa non poder estar alí para participar...!

XOGOS PARA TODOS

A segunda parte do Magosto. 

O día posterior a San Martiño (12 de novembro) celebramos o Magosto no cole, e degustamos as marabillosas castañas asadas con tanto cariño para nós polo señor Manolo, o noso antigo conserxe.

O mal tempo, sen embargo, impedíu celebrar os xogos tradicionais que os profes de Educación Física tiñan preparados para nós.

Por fin, o pasado luns (17 de novembro) saíu o sol. E, despois do recreo, todo o alumnado (e tamén o profesorado) de Primaria disfrutou dos xogos e da diversión.

E para que comprobedes o ben que o pasamos, aquí tendes as fotos:

A NOVA DA SEMANA DOS RAPACES E RAPAZAS DE 2º B

Cinco titulares e cinco subtitulares. 

Cun pouco de retraso, achegámosvos o programa dos nenos e nenas de 2º B . 

20 de novembro: DÍA DOS DEREITOS DO NENO

Os Dereitos da Infancia... papel mollado...?

No Día Internacional dos Dereitos da Infancia queremos lembrar ós recentes Premios Nóbel da Paz: a nena paquistaní Malala Yousafzai e o indio Kailash Satyarthi. Dúas persoas exemplares que nos demostran que a vida é moi difícil para algúns nenos. 

O Comité Nóbel valorou, no caso de Malala, o ter loitado, pese á súa xuventude, polo dereito das nenas á educación, e por demostrar que, co seu exemplo, os nenos e mozos tamén poden contribuír a mellorar as súas propias situacións. E isto o ten feito de xeito heroico, xa que sufríu un atentado por parte dos talibáns que a punto estivo de lle custar a vida.

Pola súa banda, Kailash Satyarthi, era un informático indio que, con 28 anos, decidíu abandonar os ordenadores e pasar a denunciar ás multinacionais que, no seu país, explotan a nenos menores de 12 anos. Tomando como modelo as manifestacións pacíficas de Gandhi conqueríu liberar da escravitude a máis de 80.000 nenos de máis de 160 países. 

Por último... sabedes que onte, 19 de novembro, se celebrou o Día Mundial do Retrete...? Sabedes que, en moitos países do mundo, as persoas (e os nenos e nenas) non teñen intimidade para ir ó baño, e que iso failles máis vulnerables ó maltratato e ós abusos...?

Pois botade contas. Aquí tendes os dez Dereitos da Infancia. Non credes que hai moito que mellorar...?

HOXE SALTOU A CHISPA

E constatamos que os nosos alumnos e alumnas aprenden a aprender. 

Hai veces que os flacos resultados das nosas propostas didácticas nos desaniman. Noutras ocasións, coma esta, sentímonos moi ditosos de ter contribuído a que, na cabeciña dos nosos rapaces, soe un "clic". E iso foi o que aconteceu hoxe.

Estabamos na aula de 6º B, facendo búsquedas na OPAC de Meiga cos ultraportátiles, de cara a documentarnos para o noso PDI.

A tarefa estaba explicada. E... de súpeto, sen que ninguén fixera mención... comezaron a aparecer as fichas da C.D.U. traballadas en sesións anteriores.

Hai uns cantos anos diriamos que os nosos alumnos estaban a transferir coñecementos. Hoxe pensamos que, talvez, estean aprendendo a aprender.

PASIÓN POR LER...

... ata as bágoas. 

Un bo amigo meu comeza sempre as súas historias dicindo: hai sucesos e hai sucedidos. Pois isto que vou contar é un sucedido que aconteceu no noso colexio vai facer quince días, o venres no que comezaban en Santiago as Xornadas de Bibliotecas Escolares.

O dito sucedido tivo lugar despois do recreo. E a protagonista foi Alba, unha alumna de 4º A. A Xefa de Estudios atopouna chorando desconsoladamente, cun libro entre as mans, no corridor situado enfrente da Biblioteca. Cando lle preguntou que ocurría, a nena, sollozando, expuxo que tiña que devolver un libro, e que se esquecera de facelo durante o recreo.

                        - E agora... a Biblioteca está pechada, exclamou a nena.
                        - Non te preocupes, respostou a Xefa de Estudios. Déixasme o libro a mín e eu o devolvo.
                     
E Alba continuou:

                        - Pero... é que así... non teño libro para ler durante a fin de semana...!

O dito. Auténtica pasión por ler.

Imaxe de Dominio Público

OS MESTRES FINLANDESES COÑECEN A NOSA BIBLIOTECA

E coñecen algo sobre nós. 

Durante o primeiro día da súa visita, Lili, Riina, Tuula e Jani pasaron parte da súa estancia na nosa Biblioteca. Alí intercambiamos informacións sobre os nosos respectivos sistemas educativos. E tamén compartimos con eles as claves do noso Plan Anual de Lectura. Quedaron moi impresionados coa fenomenal resposta das familias.

Nesta ocasión, nun mar de linguas, conseguimos que o inglés puxera en comunicación dous pobos para os que o mar é moi importante: Galicia e Finlandia.

COÑECE OS PRINCIPAIS TITULARES DO DÍA

Seleccionados esta semana polos nenos e nenas de 2º B. 

Preme na imaxe para coñecelas máis polo miúdo.

REPASO POLAS DISTINTAS SECCIÓNS DA PRENSA

Cos alumnos e alumnas de 2º A.

Para a súa Nova da Semana, os nenos e nenas de 2º A fixeron unha exhaustiva análise das distintas seccións da prensa diaria. Aquí está o resultado deste fantástico traballo:

FACENDO BÚSQUEDAS EN E-JUNIOR

Un recurso electrónico ó alcance dos usuarios da nosa Biblioteca.

O Programa Meiga ofrece unha serie de recursos electrónicos de interese. Tal é o caso da enciclopedia virtual e-Junior, que resulta unha ferramenta moi útil para o alumnado de Primaria.

Coa intención de que os nosos nenos e nenas atopen información de cara ás súas tarefas de investigación e aprendan a ser máis autónomos, temos elaborado este sinxelo titorial.

A CLAVE DE COLÓN

As biografías de Cristóbal Colón están cheas de incógnitas.

A teoría galega, amplamente documentada, da resposta a moitos interrogantes, e remata cunha conclusión sorpresiva: Cristóbal Colón non é outro que o nobre Pedro Álvarez de Soutomaior, o famoso Pedro Madruga.

Todas as probas, neste vídeo titulado: La clave de Cristóbal Colón. El noble gallego que descubrió América. 

Non perdades detalle!

OS FENICIOS E AS CASITÉRIDES

Unha historia que fala de comercio e de lugares de lenda.

Os nenos e nenas de 1º curso investigarán este curso sobre os fenicios, no marco do noso PDI deste curso: Un mar de linguas.

Xa que estamos en novembro, mes da Tradición Oral, que menos que falar das míticas illas Casitérides. Este audio servirá, ademais, para traballar a Comprensión oral.

NOVEMBRO: MES DE CASTAÑAS E PORCO

Polo San Martiño...

Castañas e viño! Ou... A cada porco lle chega o seu San Martiño!

Esta semana, o martes, celebramos o San Martiño, esa festa tan tradicional na nosa terra. No cole (se o tempo o permite) teremos magosto e comeremos castañas. 

Pola súa banda, o Ministerio de Agricultura, Alimentación e Medio Ambiente, ten organizado esta semana unha campaña de promoción e exaltación do porco ibérico. 

Pois como tamén é tempo de porco, e porque se trata de ler diferentes tipoloxías textuais, aquí vos deixamos estes materiais: 

• Para os máis cativos: Recortable e montable sobre o porco ibérico. 
• Para os de Primaria: Xogo interactivo sobre o despiece do porco. 
• Para os maiores e a familia: Receitario de aperitivos con carne de porco. 

Se vos animades... poderíades traer a mostra...!

Feliz San Martiño!

A SEA OF LANGUAGES

Next week some teachers from Finland are coming to visit our school. So we will explain them our Reading Annual Project

Are you new at school?

If so, you will need a brief introduction to our activities here.

• Reading hour: Everyday all of our students have 20 minutes ‘free reading’ time.
• Library hour: Once a week, each class goes to the library to do activities to learn how to use the library or work on our project.
• Library blog: On the library blog you will find the library catalogue, the national news and interesting new activities and links for members of the family. An authentic virtual library.
• Equal opportunity plan: In order to facilitate access to information and the internet, the library will stay open for students and their families on weekday afternoons during the extracurricular activities timetable (4pm-6pm).
• Travelling rucksacks: These are our idea to encourage family reading time. A selection of carefully chosen books, music and films which you can enjoy for ten days.
• Speaking Fridays: On Fridays, we dedicate 20 minutes to reading out loud so that our students are competent in linguistic communication and are able to express themselves with oral fluency. They prepare poem and story recitals or presentations about subjects they’ve been studying.
• Story afternoons: Once a week during the extracurricular activities timetable, teachers, parents, grandparents or students tell the children a story. This proposal is to help conserve oral tradition and to emphacise the importance of reading together as a family.
• News of the week: Each week, a group of students investigates something from the news often via a podcast (radio on the internet).
• News of the day: In order to prepare the news of the week, the group of students examine the daily press and choose a title for the library blog via an application specifically designed for this means.
• Weekly loans: Each class is assigned a time each week to go and borrow books and on Fridays during break time, there is a specific time for going to borrow books and materials.
• Reading club: We create reading clubs for the students within the school as well as with other schools in the city (IES Oriental Republic of Uruguay).
• Recommendation blog: A blog to spark interest in reading, writing and commenting on books. The entire school community can participate - families, teachers and students.

A LENDA DO BISPO SANTO

Unha historia vencellada á comarca de Foz e ás invasións vikingas.

Novembro é o mes da Tradición Oral. Por iso, na nosa Biblioteca adicamos algúns intres a este tema, tan rico e descoñecido no noso país.

En relación co noso PDI deste curso (A lingua sabe a mar) existen algunhas lendas. En concreto, en relación cos vikingos (o tema de estudio do alumnado de 2º curso de Primaria) existe unha fermosa lenda na comarca de Foz, protagonizada polo bispo Don Gonzalo.

A historia está citada por Álvaro Cunqueiro no artigo titulado Algunos milagros en la mar, recollido no libro Fábulas y leyendas de la mar. Para achegala ós rapaces temos elaborado unha adaptación presentada con dous recursos diferentes: unha presentación

e este audio:

E agora... tócavos investigar con esta ficha de traballo.

Imaxe: GBLOQUENDOX00BLACK. Barco vikingo. En Wikimedia Commons. CC BY