O lugar, o paraíso: a Illa de Arousa. O tempo non acompañou moito, por iso algúns dos compañeiros habituais de viaxe quedaron na casa. Pero, finalmente, o sol saiu, e mesmo (nos lugares abrigados) pasamos calor. Tamén nos acompañou o vivificador vento da Illa, polo que vemos cos pulmóns (e as cabezas) limpos e renovados.
Queda moito por ver, pero dimos un bo paseo arredor do Parque do Carreirón, unha reserva natural de aves chea de beleza, fermosas calas e estruturas máxicas, como esqueletes de barcos ou árbores de extrañas formas.
Xa estamos desexando voltar para ver o que nos resta.
Grazas, novamente, á A.N.P.A. pola magnífica tarefa que realiza, e á nosa compañeira Ana, que, nesta ocasión, fixo de guía.
No hay comentarios:
Publicar un comentario