LE MOITO ESTE VERÁN!

Despois de tanto traballo atrasado, por fin, podemos desearvos... FELIZ VERÁN!

E, para facelo, aproveitamos esta canción que teñen cantado os nenos e nenas de 5º B na Festa das Letras. O Romance do Libro é unha adaptación da canción creada por Ramón Hto., mestre do C.E.I.P. Fuente Nueva de Málaga, e que coñecimos no mes de abril.

E... que ler...? 

A Fundación Germán Sánchez Ruipérez, a través do Servicio de Orientación a la Lectura (S.O.L.) ofrécenos as súas suxestións para o mes de xullo. 

Feliz Verán, e... Boas Lecturas!!!

E PARA SEGUIR COAS ÁRBORES E COS BOSQUES...

... propóñovos unha visita moi pertiño de nós. 

Coñecedes a Fundación Sales...?

Onte tiven a oportunidade de visitala, e, realmente, sorprendeume. Estou farta de pasar por diante, e non sabía a beleza que alí medraba. E a fantástica labor que están a desenvolver os biólogos que alí traballan. Penso que é unha visita imprescindible, da mesma categoría que o Pazo de Castrelos, ou os moitos (e bós) museos que, ultimamente, "adornan" a nosa cidade.

A referencia: se ides hacia Samil pola Avenida de Europa, despois do desvío para o Asilo, atoparedes unha fermosa árbore vermella (tamén descubrín onte que se trata dun eucalipto vermello), enmarcando o que eu creín sempre un viveiro de prantas. Alí está o segredo mellor gardado.

E se as miñas palabras non vos convencen, informarvos previamente na súa fantástica páxina web:

Fundación Sales

Por certo que, se ides estes días, poderedes gozar dunha marabillosa exposición de caricaturas.

Seguro que quedades encantados coas visitas guiadas! Xa me contaredes!

UN BOSQUE PARA LER E NAVEGAR: RESUMINDO

Rematou o curso, e con el, o noso Proxecto Documental Integrado, titulado Un bosque para ler e navegar. 

Como lembraredes, estivo inspirado no Ano Internacional dos Bosques.

Para coñecer todo o que temos feito e coñecido este curso, premede nesta foto:

E, como despedida, deixámosvos con un agasallo.

A nosa canción favorita deste curso (O verde mola) tense convertido na banda sonora dun vídeo que navega por Youtube. Foi elaborado por Carmen Lodeiro, que traballa no C.E.I.P. Barrié de la Maza, de Santa Comba. Grazas a Carmen por este agasallo que é un bonito colofón para un curso de traballo!

A NOSA BIBLIOTECA, NO II ENCONTRO "LITERATURA E EDUCACIÓN"

Para comezar ben as vacacións... máis literatura e máis bibliotecas!

Porque do 30 de xuño ó 2 de xullo estivemos en Santiago a profe Luz e máis eu, participando no II Encontro Estatal Literatura e Educación, organizado por FETE-UGT.

Unhas interesantes xornadas nas que participaron dende ilustradores ata editores, pasando por escritores, profesores universitarios, asesores de Bibliotecas Escolares e mestres de centros integrados no PLAMBE.

O intre máis entrañable foi o xoves pola tarde, cando Manuel Rivas foi galardoado co Premio das Letras Lorenzo Luzuriaga. 

Tamén foi ocasión de charlar e aprender coas nosas compañeiras de PLAMBE Nine e Gracia, e coas nosas "xefas", Cristina e Pilar. 

As xornadas remataron coa presentación de tres centros galegos galardoados cos Premios Nacionais de Boas Prácticas en Bibliotecas Escolares: o C.E.I.P. de Cervo, o I.E.S. de Sanxenxo e o C.E.I.P. Frian - Teis. Así que compartimos mesa con Nati (a Asesora do CEFORE de Vilagarcía), con Loli, de Sanxenxo, e con María, de Cervo.

A nosa presentación titulouse Biblioteca en crecemento, e, como non, foi inspirada no cadro de Brais.

Unha oportunidade para aprender e intercambiar opinións. 

UN AGASALLO PARA A NOSA BIBLIOTECA

Se, durante a semana pasada, vos achegastes á ela, descubriríades unha nova decoración nas paredes da Biblioteca. 

Trátase dunha composición creada por Brais Gómez Salvador (antigo alumno do Colexio) titulada Biblioteca en crecemento. Unha composición que non é máis que a súa propia visión sobre a evolución da Biblioteca durante estes catro cursos de traballo.

Aquí podedes escoitalo explicando o que quixo representar na súa obra:

Pero... quen é Brais...?

Pois, a pesares da súa xuventude, Brais é un dos colaboradores máis senlleiros da nosa Biblioteca. Curso tras curso, acude a ela para, durante as Tardes de Conto, engaiolar a toda a rapazada cos seus marabillosos números de maxia, nos que ten como colaborador ó seu irmán Roi. 

E, ademais, ós seus quince anos, Brais xa é "pai". Pai dun personaxe de sobras coñecido por todos os nenos e nenas de Frian: Frianciño. 

                         

Grazas, Brais, e... grandes éxitos neste mundo plástico que tanto te gusta e no que despuntas coma un artista! 

SAÍDA ÁS MÁMOAS DE CANDEÁN

Para rematar o curso, todos os nenos e nenas do Colexio fixemos unha saída especial: coñecimos as Mámoas da Madroa.

A saída foi preparada minuciosamente polo profe Jose. Neste enlace atoparedes a información que ten elaborado sobre as mámoas.

O luns día 20 foi a data elixida para a saída dos nenos e nenas de Educación Infantil e Primeiro Ciclo de Primaria. Nestas fotos veredes o ben que o pasamos:

Para ver máis fotos, premede neste enlace.

O martes 21 correspondeu o turno ó alumnado do Segundo e Terceiro Ciclos de Primaria.

Un broche de ouro para rematar o noso Proxecto: Un bosque para ler e navegar!

PREMIOS PARA TODOS

Remata o curso, e... é hora de recapitular e avaliar. 

En primeiro lugar, quixemos premiar ó alumnado que máis libros levou en empréstito. O gañador absoluto resultou ser Xavi, de 2º A, que case levou medio centenar de libros. Aquí tendes ós restantes gañadores. 

Pero ninguén marchou de vacacións coas mans baleiras. Cada alumno levou o seu agasallo. 

Por último, as nosas super-axudantas (si, todas elas mulleres) recibiron un merecido premio pola súa laboura constante, seria, calada e sumamente eficiente. 

Grazas a todos, e... Felices lecturas veraniegas!

OS NOSOS TRABALLOS SOBRE JOVELLANOS

Os nenos e nenas de 4º de Primaria aprenderon Xeografía seguindo os pasos de Jovellanos. 

A partir da proposta da Biblioteca (que podedes lembrar neste enlace), e dun mapa de España, foron colocando as tarxetas que ían contando os feitos da vida do ilustrado no lugar correspondente: 

DECORANDO ÁRBORES

Como remate do proxecto deste curso, os alumnos e alumnas de 2º B de Primaria realizaron este traballo plástico.

A partires dunha plantilla, decoraron as súas árbores. E. como vedes, o resultado foi moi variado.