ASÍ CELEBRAMOS...

... o Día das Bibliotecas Escolares.

Con moita ilusión, e con ganas de aprender. Unha actividade na que tivemos que ler, que comprender, que investigar, que empregar as novas tecnoloxías...

Todo comezou ás portas da Biblioteca, cun barco, co cartaz conmemorativo do Día das Bibliotecas Escolares, e un enigmático sinal: Rumbo 42º 01' N - 8º 43' W.

Xunto a todo isto, unha carta de Frianciño:

Estas son as pistas que nos anunciaba Frianciño: 

• O papel vello: 

• O libro: 

• O mapa: 

• O sobre: 

• O detector de tesouros: 

Ademais, cada grupo atopou no sobre as súas propias pistas: 

• Pistas para 1º curso de Primaria
• Pistas para 2º curso de Primaria
• Pistas para 3º curso de Primaria
• Pistas para 4º curso de Primaria
• Pistas para 5º A
• Pistas para 5º B
• Pistas para 6º A
• Pistas para 6º B

Pero... como organizamos todo isto...?

O rumbo marcado levabanos á Ría de Vigo en todos os casos. O "papel vello" incluía, na súa parte posterior, un código QR. Os máis avispados dos rapaces deduciron axiña que tiñan que empregar o ipad (o "detector de tesouros") para escanear o código. Empregando unha app gratuíta (I-nigma) accedimos á información sobre o Pergamiño Vindel, do que se celebra este ano o centenario do seu descubrimento. 

Rapidamente relacionamos esta información, a imaxe do pergamiño e o libro das Cantigas de Martín Códax que contiña o cofre do tesouro. 

A continuación tivemos que buscar información sobre a imaxe que contiña o noso tesouro. Para iso empregamos Google Images, e fomos incorporando ó buscador diferentes palabras que podían describir a dita imaxe. Empregabamos para iso o símbolo +. 

Unha vez atopada a imaxe, a páxina de referencia nos ofrecía información sobre o pobo ou o acontecemento histórico que cada grupo tería que estudiar ó longo do curso. 

Nun pequeno sobre pechado, cada grupo atopou a confirmación gráfica da súa tarefa: 

Pasámolo moi ben, pensamos, empregamos as tecnoloxías, e... aprendimos moito!

HISTORIAS DO SAMAÍN

Cun día de anticipación. 

Xa que a Xunta de Galicia declarou o 31 de outubro Día do Ensino, mañán non teremos clase. Por tal motivo, hoxe, a entrada no cole estivo chea de bruxas, pantasmas e zombies.

Pero... cando xa ía ser a hora da saída, sorprendeunos a chegada dun cámara e unha reporteira de televisión. E os rapaces comezaron a cantar as súas cancións de Halloween e Samaín.

E agora rematamos cunha historia que, hai algún tempo, escribiron e ilustraron dúas alumnas de 5º curso de Primaria: Sheila e Aine. Esperamos que vos guste:

Disfrutade do Samaín!

AMASANDO UNHA NOVA QUEDADA

Os mestres bibliotecarios fan horas extra. 

Esta tarde reunímonos os centros que participamos o curso pasado na I Quedada Literaria. Coa intención de comezar a preparar a xuntanza deste curso, a cita foi no CEIP O Pombal. Alí reunímonos mestres e mestras do CIFP Manoel Antonio, IES do Castro, CEIP Emilia Pardo Bazán, Ría de Vigo, CEIP Santa Mariña de Redondela... En representación do noso cole asistiron as profes Elisa e Luz.

Como veredes, traballaron arreo. E tamén disfrutaron, que as anfitrionas do Pombal sonvos moi xeitosas e detallistas.

COMEZAMOS A CELEBRAR O DÍA DAS BIBLIOTECAS ESCOLARES...

... que durará... unha semana!

Efectivamente. Durante toda esta semana, a totalidade dos grupos achegarase á Biblioteca para descubrir o rumbo da súa investigación para o noso PDI deste curso (Un mar de linguas).

Cos rapaces de Educación Infantil, 3º e 6º de Primaria, a Biblioteca voltou ser o lugar onde quedou varada a nosa barca, cun antigo cofre cargado de tesouros. Unha carta de Frianciño nos informaba sobre a existencia de cinco pistas:

• un papel vello; 
• un libro; 
• un mapa; 
• un sobre;
• un detector de tesouros. 

Como non podemos, todavía, desvelar o segredo, dirémosvos que a actividade relacionou o centenario do descubremento dun famoso e fundamental pergamiño da lírica medieval coa lectura de mapas e o uso de tabletas. 

Pícavos a curiosidade...? Pois a final de semana contarémosvos todo máis polo miúdo. Mentras tanto, disfrutade coas imaxes:

HOMENAXE A FRANCISCO IBÁÑEZ

A Nova da Semana dos nenos e nenas de 5 anos B.

O venres pasado foi o a quenda dos rapaces de Infantil 5 anos B. Tras ler os Titulares da Semana, falaron polo miúdo da nova que resultou máis destacable para eles: a exposición - homenae a Francisco Ibáñez en Madrid.

Aquí os tendes, como auténticos profesionais:

OS TITULARES DESTA SEMANA

Seleccionados na aula de 5 anos B. 

Se queredes analizar os Titulares da Xornada elixidos polos nenos e nenas de 5 anos B, non tedes máis que premer neste enlace: 

http://es.padlet.com/user_1412793788/dor8xoz9ldeb

PREGÓN - HOMENAXE A ANA MARÍA MATUTE

Polo Día das Bibliotecas Escolares. 

Antes de que remate este día tan entrañable para nós queremos compartir convosco un agasallo que, hai uns días nos proporcionou Elena, a bibliotecaria de Redondela. Trátase deste Pregón - Homenaxe a Ana María Matute escrito por Antonio Rodríguez Almodóvar, a petición da Asociación Española de Amigos do Libro Infantil. O precioso cartel que o acompaña é obra de Carme Solé.

PREGÓN HOMENAJE A ANA MARIA MATUTE

            -¡Ana María, despierta!

El príncipe se quedó contemplándola. Era guapa, el pelo negro, los ojos grandes, la boca carnosa.
Luego la sacudió suavemente, por un hombro. Insistió: -Vamos, mujer, que ya es hora.

Ana María, solo después de un rato, empezó a moverse. Primero movió un dedo, luego una ceja, luego entreabrió un ojo. 

           -¿Y tú… quién… eres? –preguntó, no sin gran esfuerzo. 

           -¡Soy el Príncipe Azul!

           -¿El qué?

           -El príncipe… ¿No te acuerdas? Tenemos que amarnos.

           -¿Es obligatorio?

           -Claro, lo manda la tradición.

           -¡Pues entonces vete a hacer gárgaras! 

Ana María se giró hacia un lado y volvió a dormirse. El príncipe quedó sumamente desconcertado. Se incorporó del filo del lecho y se puso a pasear la estancia.Vio las telarañas del tiempo colgando de los pesados cortinajes, vio a un par de alabarderos durmiendo de pie, la nariz del uno apoyada en la nariz del otro. Vio, o mejor dicho, escuchó la estridente sinfonía de ronquidos que le llegaban de todas partes de aquel palacio encantado; ronquidos atronadores de guardianes forzudos, ronquidos 

silbantes de cocineros exquisitos, ronquidos trascendentes de capellanes gordinflones, ronquidos, ronquidos… Como que tuvo que taparse las orejas para no ser víctima de aquel terremoto sónico… y entonces se dio cuenta: ¡el fuego de la chimenea también dormía! Se acercó, aproximó una mano a 

aquellas llamas petrificadas y quedó ensimismado… Luego de un tiempo incontable, levantó la vista y vio sobre la repisa una hilera de libros. Eran libros de cuentos, los únicos objetos de aquel lugar que no habían acumulado polvo ni telarañas. Con un temblique en el dedo índice de la mano derecha, impropio de todo un príncipe, fue recorriendo los títulos: Cuentos de antaño, de Charles Perrault, Cuentos de los hermanos Grimm, Cuentos de H. C. Andersen, Cuentos de Ana María Matute... Al leer este último, el corazón empezó a repicarle. Sacó el libro y lo abrió. Al azar fue 

leyendo: “Todos nos acostamos con el lobo, pero lo que no podemos hacer es confundirlo con la abuelita.” “La infancia es más larga que la vida”. “El que no ama está muerto”. 

Justo al acabar esta frase, cesaron los ronquidos y el fuego de la chimenea cobró repentina vitalidad. El príncipe se apartó.

           -Eso, ahora ponte a curiosear en mis cosas -oyó a sus espaldas. 

Levantó un poco más la vista y vio, en el espejo de la chimenea, cómo se incorporaba en su magnífico lecho una dama todavía más magnífica. Casi cien años de edad, el pelo totalmente blanco y la sonrisa totalmente pura. 

           -¿Se puede saber qué día es hoy? 

           -¿Hoy? -El príncipe no tenía ni la menor idea.

           -¡Me acabo de acordar!- Exclamó ella-. ¡Es 24 de octubre, día de la Biblioteca! ¡No te quedes ahí pasmao, que los niños nos están esperando! ¡Vamos, Príncipe Azul, mueve el culo! 

Antonio Rodríguez Almodóvar

24 de OUTUBRO: DÍA DAS BIBLIOTECAS ESCOLARES

E todas as escolas celebrámolo con este fantástico cartel do ilustrador David Pintor. 

Como cada ano, a Consellería de Educación e Cultura fainos chegar os carteis conmemorativos deste día. Nesta ocasión,  co lema Biblioteca escolar... Matemático!!! (co que se pretende resaltar o papel da biblioteca como apoio ó desenvolvemento do currículo), o cartel é obra de David Pintor. 

Nós queremos aproveitar esta data tan sinalada para dar o "pistoletazo oficial de saída" ó noso P.D.I. deste curso: Un mar de linguas. Por iso, inda que o día propio colocaremos carteis polo colexio adiante, a nosa celebración estenderase durante toda a vindeira semana. Xa vos contaremos. 

Polo de agora... Feliz e lector Día das Bibliotecas Escolares!

COMEZARON OS "VENRES DE VIVA VOZ"

Cos alumnos e alumnas de 4º A como protagonistas.

Un grupo de alumnos e alumnas de 4º A, en representación dos seus compañeiros, recitaron o poema Tempos de berrar, escrito hai xa unha década polo alumnado deste mesmo centro e nivel que viviron o drama do afundimento do Prestige.

Imaxe: Dominio público

COMEZOU A "NOVA DA SEMANA"

Cos nenos e nenas de Educación Infantil 5 anos A.

Cun novo formato que inclúe os titulares da xornada, os cativos seleccionaron a nova da recadación de fondos para a reconstrución de Gaza. Aquí os tendes.

OS PROFES TAMÉN NOS FORMAMOS

En tipoloxías textuais e novas tecnoloxías.

Esta tarde, a totalidade do profesorado do noso cole cambiou de ubicación: en lugar de se sentar na mesa do mestre, sentouse na mesa do alumnado. En pequenos grupos, estivemos a coñecer varias apps que nos permiten traballar distintas tipoloxías textuais:

• En Educación Infantil, 1º e 2º de Primaria co Thinglink;
• En 3º e 4º de Primaria con Snapguide;
• En 5º e 6º de Primaria con Storehouse;
• O profesorado do Departamento de Orientación con Toontastic;
• Os especialistas de Lingua Estranxeira, Educación Física e Relixión con Creappcuentos. 

Para a sesión contamos coa inestimable axuda das asesoras TIC do CFR de Vigo: Ana (que estivo fisicamente connosco) e Cris, que nos explicaron o manexo dos ipads e nos axudaron a traballar con eles.

Aínda que o tempo foi escaso, penso que foi unha ocasión de coñecer unha tecnoloxía moi atractiva para o alumnado, empregada cunha finalidade educativa e cunha metodoloxía colaborativa que pretendemos trasladar ó traballo coa rapazada.

Aquí tendes as imaxes da xornada.

Semellaba que, ademais de aprender, tamén o pasaban ben, non si?

PRIMEIRAS FOTOS DO NOSO ÁLBUM

Visitando o Oasis of the Seas. 

A familia de Marco e Hugo achegounos as primeiras fotos desta visita. Podedes consultalas neste enlace: 

http://es.padlet.com/user_1412793788/sl9zj7hgcif2

Animádesvos a enviar as vosas...?

OS TITULARES DESTA SEMANA

Elixidos polos nenos e nenas de Educación Infantil 5 anos A. 

Consúltaos no noso muro: 

http://es.padlet.com/user_1412793788/dor8xoz9ldeb

O BARCO MÁIS GRANDE DO MUNDO CHEGOU A VIGO

O Oasis of the Seas arribou ó noso porto. 

E contituíu un auténtico espectáculo na cidade, pero tamén no colexio. Adrián, de 2º A, tiña moi claro, quince días antes, que o 27 de setembro chegaba a Vigo o barco máis grande do mundo, e que el ía velo. Grazas a isto, descubrimos que Adrián se entera de todo (tamén de quen marca un gol cada vez que hai un partido) porque todos os días le o xornal.

O caso é que poucos (coma min) quedaron no colexio sen ver en vivo e en directo o barco.

Seguro que todos aproveitastes o paseo e o bo tempo para facer unhas fotos estupendas. Convidámosvos a compartilas para elaborar un álbum.

Como hai que facer...? 

Seleccionade a vosa foto e dicídelle ós vosos pais que a envíen ó e-mail da nosa Biblioteca:

friancinhojones@gmail.com

Non esquezades escribir o voso nome e curso.

A vosa partipación será recompensada.

Neste post temos as nosas primeiras fotos compartidas. Fíxoas un amigo noso que é biólogo e estaba a facer prospeccións no medio da Ría.

E se non tes fotos, este sábado día 18 poderás tomalas, porque ese día... volta a Vigo o Oasis os the Seas!

Esperamos as vosas imaxes...!

AS MOCHILAS COMEZAN UNHA NOVA SINGRADURA

O pasado venres as Mochilas Viaxeiras reiniciaron a súa viaxe. 

Foi un día de grandes emocións. Expresións como Iupi...! Tocoume a mochila!. Nervios, sorrisos, aprausos espontáneos... Igual que cando se recibe un grande tesouro, ou cando abrimos as portas da casa ó mellor dos nosos amigos.

Non levabamos connosco a gravadora, mais si a cámara de fotos. E, como veredes, as imaxes din todo.

E aquí tendes a relación de tesouros que levan dentro: 

Bo proveito!

O TITULAR DA XORNADA

Unha nova ferramenta para investigar na prensa diaria.

A vindeira semana comeza A nova da semana. Este curso, acompañada dunha análise diaria das novas: O Titular da Xornada.

A ferramenta chamada Padlet axudaranos a levar conta das novas máis salientables.

Created with Padlet

O PREITO DOS DELFÍNS

Unha lenda de Candás.

O profe Jose, oriundo de Candás, non esquece a súa terra e, sempre que pode, fálanos dese pobo tan tradicional e mariñeiro situado na beira do Cantábrico.

Hoxe nos trae este podcast elaborado polos alumnos e alumnas do C.E.I.P. San Félix de Candás, un colexio exemplar no que atinxe á innovación e ó uso das novas tecnoloxías. Como escoitaredes, unha curiosa lenda na que os delfíns son os protagonistas.

http://creactivos.net/historias/?p=101

GOOGLE CELEBRA O CENTENARIO DO NACEMENTO DE THOR HEYERDAHL

Cun fermoso doodle. 

Seguramente estaredes a vos facer moitas preguntas que imos ir contestando. 

1. Que é un doodle?

É un divertido cambio que Google introduce no seu logo para conmemorar unha data especial (festividades, aniversarios, vidas de artistas, pioneiros, científicos...). Hoxe sirve para conmemorar o centenario do nacemento de Thor Heyerdahl. 

2. Quen foi Thor Heyerdahl?

Foi un explorador e biólogo noruegués que realizou fantásticas viaxes coa intención de probar diversas hipóteses sobre colonizacións e desprazamentos desenvolvidos polos habitantes da Antigüidade. 

La Rosa de los Vientos, un famoso espazo radiofónico, adicou un fermoso programa a este investigador cando finou, en 2002. Como podedes ver, a súa biografía resulta fascinante: 

3. Cales foron esas viaxes?

A máis famosa foi a expedición Kon - Tiki, en 1947, dende as costas de Perú ata as illas Tuamotu, nunha balsa construída con troncos e materiais naturais. Esta expedición demostrou que non houbo razóns técnicas que impedirán ós habitantes de Sudamérica chegar ata as illas da Polinesia durante a Prehistoria. 

Esta fantástica aventura foi reproducida no filme Kon - Tiki, merecedor dun óscar: 

Outra das súas expedicións intentou demostrar que os exipcios poideron atravesar o Océano Atlántico e chegar a América en botes de papiro. 

Tamén intentou demostrar que existiron contactos entre as culturas do Val do Indo (en Pakistán) e a de Mesopotamia (nas actuais Irán e Iraq).

4. Que podemos concluír?

Que Thor Heyerdahl foi un digno descendente dese pobo de vikingos que, malia ser recordados nas terras galegas polos seus furtos e devastacións, foron uns grandísimos navegantes e exploradores. Só nunha mente inqueda e aberta poden xurdir pensamentos tan fermosos coma este: 

"Fronteiras? Nunca vin unha. Pero escoitei que existen nas mentes dalgunas persoas."

Como vedes, Thor Heyerdahl ben merece a homenaxe de Google.

COMEZA O EMPRÉSTITO!

A engranaxe pónse en funcionamento.

A grande maquinaria do noso Plan Anual de Lectura comeza a funcionar. O primeiro paso: o empréstito semanal.
Dende o pasado luns, a Biblioteca recibe a uns usuarios ilusionados por levar a casa o seu primeiro libro deste curso. Paga a pena velos, escollendo con tanto interese:

Felices lecturas!