Unha sesión de contacontos para a rapazada de Educación Infantil 5 anos.
Esta é a crónica desta magnífica sesión, tal e como nola contou a profe Charo.
O venres 25 de xaneiro, os nenos e nenas de 5 anos tivemos un obradoiro moi divertido: Paseniño coa lingua. Tratábase dun xogo no que tiñamos que superar unha serie de probas para conseguir as pezas do puzzle xigante que tiñamos que completar. O puzzle era sobre a cidade de Vigo, e nel reflectíase todo o vocabulario traballado.
Unha das probas consistía nunha viaxe polo Zoo da Madroa, nomeando todos os seus animais. Así que... aprendimos os seus nomes en galego. Proba conquerida, polo que gañamos dúas pezas do puzzle.
A seguinte proba consistiu en ir colocando un gomet nas distintas partes do corpo dos compañeiros. Tamén superamos esta proba, porque, ó lembrar o nome das partes do corpo en galego conquerimos... outras dúas pezas do puzzle!
A última proba foi moi divertida: tivemos que bailar por parellas xuntando as partes do corpo como nos indicaban as monitoras. Pasámolo xenial!
Finalmente, con todas as pezas, completamos o puzzle, e lembramos como é a nosa cidade de Vigo, pero... falando na nosa lingua. Querémoste, galego!
No hay comentarios:
Publicar un comentario