GRAZAS!

A todos os mestres e mestras que, durante estes anos, atopastes inspiración nos posts publicados no noso blog. A todos os membros da Comunidade Educativa que fixestes posible que un sono se convertira en realidade. Ó Equipo de Biblioteca co que tanto aprendín.

Para vós, para sempre: GRAZAS!

sábado, 2 de febrero de 2013

CONTACONTOS NO SEGUNDO CURSO DE PRIMARIA




Desde O lar de Frianciño queremos agradecer a visita de Mau e Pin.

Que, dentro da campaña promovida pola Concellalía de Normalización Lingüística, viñéronnos contar o conto titulado Mario pensaba que o galego non servía para nada.

O día da Paz ás nove e media os nenos e nenas de 2º tivemos unha grata sorpresa: viñeron os autores da colección de contos Polo correo do vento!

O escritor chámase Enrique Mauricio, e o ilustrador Carlos Taboada, pero eles firman como Mau e Pin.

Contáronnos un conto moi bonito sobre un neno que vivía en Galicia e falaba moitos idiomas. Pero non falaba o galego, porque pensaba que non lle servia para nada. Ata que un día atopou o mapa dun tesouro. Para descifralo, tivo que ir a Porto (Portugal) e alí, na biblioteca, quixo falar cunha rapaza que non o entendeu cando lle falaba en inglés ou en francés, pero si cando o fixo en galego. Así descubriu Mario a importancia do seu idioma.

Pin deixounos o debuxo do conto, e entre todos, coa súa axuda, debuxamos cada un o noso pirata. Quedaron todos moi ben feitos!


Neste enlace podes ver unha presentación con todas as fotos da sesión.

Grazas á profe Elisa por nos dar conta do acaecido nesta sesión. 


No hay comentarios: