APRENDENDO A ESCRIBIR CARTAS POLO DÍA DA MULLER TRABALLADORA

Achégase o Día da Muller Traballadora, e na Biblioteca queremos vos propór un Concurso de Cartas.

Unha carta... a quen...? Pois a unha muller anónima (á túa nai, á túa avoa, á veciña do 5º, á panadeira...). Unha muller que non sae na prensa nin nas revistas do corazón, pero que, coa súa tarefa diaria, fai cousas grandes, xenerosas e gratuítas que facilitan e aledan a vida das persoas que as rodean.

Frianciño xa se ten posto mans á obra. Xa sabedes que o seu mundo é limitado: vive entre libros; durme cando os demais traballan e está esperto cando todos durmen. Por iso, entre todas as historias de mulleres que pululan entre os andeis da Biblioteca, Frianciño ten elixido dúas: a de Rosalía e a Alia Muhammad Baker. Aquí tendes a súa carta.

E agora, tócavos a vós. Escribide a vosa carta. Esmerádevos moito. É un concurso: así que o Equipo de Biblioteca escollerá as mellores.

Seguide estes pasos:

1. Aprendede como escribir unha carta informal. Para iso, podedes visualizar o seguinte material que está aloxado no repositorio Agrega. 

             2. Pedídelle ós vosos profes a plantilla para redactar a vosa carta.        3. Facede boa letra e deixade marxes axeitados.        4. Cando a rematedes, botade a vosa carta no buzón que está na entrada do primeiro andar. 

Pois... mans á obra! A ver que cartas tan fermosas escribides!