Este sábado 2 de xuño Antía e algúns dos seus compañeiros e compañeiras asistiron a festa de Voz Natura para recoller o seu premio como mellor Xornalista Infantil e Xuvenil.
Entón, xa de volta co seu agasallo, pedínlle que fixera unha pequena reflexión sobre os seus sentimentos e pensamentos ao enterarse de que lle concederan o premio e aquí vos deixo cunha chea de fermosas palabras:
UN PREMIO CHEO DE SENSACIÓNS
Non imaxinades a cara que me quedou...
-ANTÍA!!! ANTÍA!!! GAÑACHES O PREMIO DE PRENSA ESCOLA!!! IMOS TODOS Á WARNER!!! ANTÍA!!!
Case
desmaio. Miña nai dicíndome que conseguín quedar primeira nun concurso a
nivel de Galicia. Púxoseme o sorriso ese típico na cara, non o de
escoitar un chiste, non. Outro. Un de satisfacción, de emoción... e de
moitas outras cousas para as que non hai verbas. Pegando chimpos coma
unha tola “conseguín” subir os chanzos ata clase. Que emoción! A visitar
Madrid! Tocaba esperar un chisquiño...
Despois duns días, en clase, nos comentaron que iamos ir ata A Coruña para recoller o premio. E o día chegou.
Sentada
nunha cadeira esperando a que dixeran o meu nome para subir ata un
escenario onde me verían moitísimas persoas. Que nervios!
Pero
non foi así. Cando subín sentín unha sensación moi agradable, como de
apoio dos demáis cara min. Toda a miña familia e os meus amigos coreando
o meu nome. Unha morea de persoas aplaudindo e unha cámara de vídeo
filmándonos. Foi, simplemente, xenial.
E
non era para menos ver a túa nova, o teu traballo, nun periódico tan
importante como é A Voz de Galicia. E tamén o teu nome, e o da túa
mestra, e fotos... Non cambiaría todo isto por nada do mundo.
Conseguir
este premio tan importante foi para min unha experiencia excepcional
pero, dende aquí, quero dar as grazas aos que están detrás, nun segundo
plano, ninguén os mira mais están contigo cando máis os necesitas: os
profes, dende Nieves ata Conchi (Pepa, de ti non me esquezo), os
compañeiros e a familia. Penso que, sen poder compartilo, un premio non
vale nada.
GRAZAS A TOD@S!
Antía M.
Se queredes ler a crónica feita por ela e un álbume cheo de fotos deses momentos, non tedes máis que ir páxina web do nos colexio:
1 comentario:
Moitísimos parabéns, Antía! E tamén a Conchi. Vaia orgullo...!
Publicar un comentario