Hoxe tivemos a sorte de contar coa presenza de Aline Frazao, unha cantante angoleña afincada en Santiago de Compostela, coa que viaxamos ata tres países de fala portuguesa que están no continente africano: Angola, Mozambique e Cabo Verde .
Ademais de amosarnos o máis bonito e atractivo destes países (cores, danzas, froitas tropicais, sol, calor), insistiu na defensa da nosa língua como vehículo de comunicación entre Galicia e Portugal e como conexión de sentimentos e reflexións.
A visita comezou amosando estes tres vídeos, onde apreciamos as características máis salientables destes países.
Pero a gran sorpresa foi cando colleu a súa guitarra e nos deleitou con algunhas cancións que reflexan o espíritu destes países, de desexos de liberdade.
Nesta presentación podedes observar parte da charla- concerto con Aline.
Pero se ides a este enlace da páxina web do cole, podedes disfrutar dun par de temas cos que nos amenizou na súa visita e nos que nós tamén lle acompañamos.
No hay comentarios:
Publicar un comentario