Despois dos fermosos carteis realizados polo noso alumnado, hoxe chegou o día grande: a votación para elixir o que representará ó noso PDI deste curso: Entre liñas anda o xogo.
Durante estes últimos días, os rapaces tiveron tempo de pensar cal era o seu cartel favorito: no corridor estaba a exposición organizada polas profes Luz e Montse; e no blog, o post con toda a información necesaria.
Así pois, ás 12 da mañán constituíse a mesa electoral, presidida por Elisa, a xefa de estudios, e por dúas alumnas de 6º (no rol de secretaria) e 1º de Primaria. Os rapaces, moi formais, comezaron a emitir os seus votos dende os máis cativos ata os maiores, presentando o seu carnet da biblioteca.
No seguinte álbum poderedes comprobar o serios e responsables que estaban. Non sei se o día 20 os maiores saberemos facelo mellor.
Realmente, os cativos déronnos un gran exemplo: foron quen de votar non ó seu cartel, nin ó dos seus amigos, senón o que nos representaba a todos. E... quen nos representa a todos...? Quen identifica a toda a comunidade educativa do noso cole...? Frianciño!
Con 73 votos, este foi o cartel gañador, deseñado por un grupo de alumnos de 4º A:
A moi pouca distancia (con 61 votos) quedou o segundo clasificado:
Grazas a todos por un comportamento tan democrático e exquisito.
Feliz Día da Constitución!
No hay comentarios:
Publicar un comentario