UN CONTO CHINÉS

Con Daniel, o tío de Irene e Rocío.

Daniel leva dous anos estudiando chinés na Escola Oficial de Idiomas. Así que se animou a contarnos varias cousas moi interesantes.

Comezou a Tarde de Contos saudando en chinés (oralmente e por escrito, con auténticos caracteres chineses na pizarra).

A continuación, Daniel contounos unha lenda chinesa: a Historia do cazador Hailibu, que obtivo o poder de entender a lingua de todos os animais a cambio de non contar a ninguén o que escoitase.

O público tamén puido facer os seus "piniños", imitando a fonética dun poema chinés sobre a natureza. A experiencia non resultou moi exitosa. Pero colleitamos máis éxitos cos números (a pronuncia e a grafía chinesa).

Por último, investigamos sobre o horóscopo chinés, no que, en lugar dos doce signos zodiacais, aparecen doce animais ó longo do ano. Así, entre os participantes no contacontos (pais incluídos) apareceron varias ratas, bois, tigres, cabalos, porquiños e, incluso, cans.
A tarde rematou pintando fichas cos animais do horóscopo.

Grazas, familia!

...E CHEGA O CONCURSO DE FOTOGRAFÍA DIXITAL...!

Puntual á súa cita, como cada mes de maio. 

Como xa sabedes, os obxectivos deste Concurso son:

• facer partícipe a toda a Comunidade Educativa das actividades propostas polo Centro; 
• fomentar entre as familias o uso das Novas Tecnoloxías.

As  BASES do concurso deste ano son: 

• O tema proposto é A lingua sabe a pan.
• O prazo para entregar as vosas fotografías remata o domingo 26 de maio de 2013.
• Cada participante acompañará a súa fotografía dun lema.
• Forma de entrega: A través do correo electrónico, á dirección:

friancinhojones@gmail.com

• No correo electrónico incluirase: nome do autor ou familia - curso - lema. 
• As fotografías enviadas formarán parte dunha presentación no blog da Biblioteca, onde poderán ser votadas polos internautas. 
• A fotografía gañadora servirá para deseñar un cartel publicitario que se exhibirá durante a Festa - Exposición que organizaremos o día 4 de xuño. 

OS CEREAIS E AS SÚAS LABOURAS

Un traballo de 3º A para o noso PDI.

Despois de investigar sobre os cereais, os alumnos e alumnas de 3º A preséntannos, de xeito oral, o resultado do seu traballo.

AS NOSAS PALABRAS FAVORITAS

Unha homenaxe á nosa lingua nai: o galego.

Proximamente celebraremos o Día das Letras Galegas. Unha boa data para reflexionar sobre a nosa lingua e para resaltar o máis fermoso que atopamos nela: as palabras, que nos permiten comunicarnos e expresar bos sentimentos.

Propómosvos, pois, contarnos cal é a vosa palabra galega favorita. Convidámosvos a escribila neste formulario, para, entre todos, compartilas. Entre todos: familias, profesorado e alumnado estades invitados a participar.

Grazas por facelo!

FALANDO SOBRE OS FORNOS

En 2º B.

Os nenos e nenas de 2ºB, despois de elaborar o seu traballo sobre os Fornos Galegos (publicado noutro post), cóntannos o produto da súa investigación ante as cámaras.

Parabéns!

VISITOUNOS VIOLETA MONREAL

O pasado venres estivo connosco esta fantástica ilustradora e mellor persoa que é Violeta Monreal. 

Por cortesía da Editorial Everest, estivo cos alumnos e alumnas de 5º curso de Primaria para compartir as impresións que nos suscitou a lectura de Blanca, la nueva del equipo.

Os que tivemos a sorte de asistir á súa charla só podemos dicir que saímos entusiasmados. O seu dominio no rasgado do papel e na elaboración de ilustracións enfeitizounos. Pero, ademais, entre rasgado e rasgado, entre pegado e pegado, foi sementando unhas reflexións moi útiles para o noso traballo e a nosa vida.

O seu discurso desenvolveuse en torno a tres ideas:

• escoitar a obra de arte: deixarnos interpelar por ela, descubrir que é o que nos pide; 
• traballar máis: ser autoesixentes, non nos conformar con calqueira cousa, intentar sempre mellorar;
• coñecernos: autoexplorarnos, descubrir o que nos fai únicos e o que temos que mellorar. 

Un discurso que, como o libro de Blanca, nace da vida e revirte na vida. 

Ademais de deixarnos un agasallo precioso, Violeta tamén nos deixou unha grande ensinanza. Esperemos darlle bo uso!

OS LECTORES DE FRIAN, XUNTOS OUTRA VEZ

Para comentar Os megatoxos e o aprendiz de druída. 

Os rapaces e rapazas do clube de lectura Os lectores de Frian reuníronse de novo para comentar este libro de Anxo Fariña. Un texto que lles encheu de entusiasmo e que, como eles manifestaron, lles encantou. E debe ser certo, porque as seguintes aventuras de estes superheroes xa hai tempo que están emprestados na biblioteca...