PECHADO POR VACACIÓNS

Chegou o tempo cálido.

E, cando o sol abrasa, compre pórse á sombra. Así que... pechamos por vacacións, deixándovos coas refrescantes imaxes do noso alumnado no seu último día de clase.

Feliz estío!

TODA UNHA VIDA...

... en nove anos de expedición.

Hai nove anos comezamos unha andaina moi ilusionante no noso cole. Os alumnos que este curso remataron 6º de Primaria eran uns cativiños de 3 anos que iniciaban a súa vida escolar. E, todos xuntos, puxémonos a camiñar.

Unha andaina longa, cos seus altos e os seus baixos. Ás veces, as pernas corrían por sendeiros rectos; outras, quedabamos un pouco rezagados porque o bosque facía que o camiño adquirira formas caprichosas, porque o terreo era máis agreste, ou porque a marexada arreciaba contra a nosa barca. Pero, cando á fin podemos ver a meta... damos saltos de alegría, e dicímonos: o esforzo pagou a pena!

E para reafirmarnos nesa idea, aí temos a nosa memoria histórica. Estas son as palabras que o noso director por aquel entonces, Alfonso Guitián, deixou escritas para a historia no noso grande libro de proxectos:

E estas son as que dous daqueles primeiros expedicionarios (Sheila e Xoan) deixaron escritas despois de acadar a meta: 

Como non se sentir orgulloso con estes acompañantes?

ENTRE LIÑAS ANDA O XOGO: O RESULTADO

PREMIANDO A PARTICIPACIÓN

Cun xogo de cartas exclusivo. 

Durante este curso escolar propuxemos ó alumnado participar en distintas actividades coas que foron acumulando puntos de cara a un agasallo vencellado co noso PDI Entre liñas anda o xogo. Ter acertado as adiviñas propostas na actividade Activa a túa mente, facer unha recomendación ou entrevistar ós avós para nos falar de xogos tradicionais tivo premio.

E cal foi o premio? Pois un xogo de cartas exclusivo para aprender sobre algúns matemáticos e os seus descubrimentos. Obra do noso habitual colaborador, Marcial MS.

Aquí vos deixamos coa nosa media ducia de gañadores, felices co seu premio.

Disfrutádeo!

A ILLA DAS ESCULTURAS

Un auténtico paraxe xeométrico. 

Hai algunhas semanas Belén (a nai de Iván) achegounos algunhas imaxes da saída que realizou a A.N.P.A. pola ribeira do Lérez no mes de maio. Unha fermosísima ruta durante a cal os participantes disfrutaron da xeometría, especialmente ó pasar pola Illa das Esculturas.

Se premedes neste enlace poderedes disfrutar doutras imaxes da saída.

Moitas grazas, Belén. E moitas grazas á A.N.P.A. por organizar estas saídas tan instructivas e familiares!

COMPARTINDO CO ALUMNADO BIBLIOTECARIO

Para despedir o curso.

A pasada semana, antes de que o alumnado de 6º marchara de viaxe de fin de curso, reunimos ós nosos axudantes na Biblioteca para compartir con eles unha pequena merenda. Un encontro moi alegre, no que a responsabilidade foi premiada con pequenos agasallos. E sobre todo, moi ilusionante, por saber que o relevo está preparado: un pequeno grupo de cativos de 2º, despois de facer prácticas este curso, xa está disposto a tomar el relevo.

Grazas, chicos!

O CICLO DA AUGA

Investigando e experimentando tamén na casa.

O alumnado de 3º A estivo a investigar, este curso, sobre o ciclo da auga. Tanto interese mostraron que, algúns deles, artellaron traballos e experimentos na casa, como Irene e Noa.

1. Experimento sobre a evaporación e a condensación: 

2. Experimento para explicar a precipitación:

3. Experimento para explicar a filtración:

Grazas, chicas, por compartir con todos a vosa inquedanza investigadora!

FESTA FIN DE PROXECTO

Compartida coa Comunidade Educativa.

O PDI deste curso (Entre liñas anda o xogo) chega ó seu fin. E chega a este punto grazas á axuda que, durante estes nove meses, a Comunidade Educativa (familias, mestres e alumnado) nos ten prestado. E por iso chega a despedida compartindo, tamén con todos eles, traballo, mantel, actividades e espectáculo.

Acompañados dun tempo espléndido, o día resultou intenso. A modo telegráfico, aí quedan as imaxes para lembrar un día perfecto.

1. Os preparativos.

2. Os obradoiros.

3. A merenda.

4. Os xogos.

5. A comida campestre.

6. Festa da lingua

Grazas a todos e a todas por este día tan especial!

MUSEO XEOMÉTRICO

O produto final do noso PDI. 

Se subides pola escaleira do noso cole poderedes contemplar os fermosos cadros que teñen preparado os nenos e nenas do colexio. Non esquezades os vosos móbiles con lectores QR para escoitar as audioguías!

E se queredes acompañarvos de música, aquí tendes o vídeo coas audicións seleccionadas polo alumnado de 5º A na aula de Educación Musical.

Disfrutade coa visita!

PEZ CANTANDO

Un cadro de Joan Miró.

Analizado polo alumnado de 4 anos B.

DURO E BRANDO

De Vasili Kandinsky. 

O alumnado de 4º B recrea e analiza esta obra de Vasili Kandinsky.

LANDHAUS THOMAS R

Polo alumnado de 6º A. 

O alumnado de 6º A analiza este cadro de Paul Klee para o noso Museo xeométrico.

OS DEPORTISTAS

De Kazimir Malevich.

O alumnado de 6º B analiza esta obra de Kazimir Malevich como contribución ó noso Museo xeométrico.

O CAMPANARIO VERDE, DE PAUL KLEE

Co alumnado de 1º A.

Este suxerente e xeométrico cadro de Paul Klee foi o elixido polo alumnado de 1º A para o noso Museo xeométrico.

VARIACIÓNS SINJERLI, DE FRANK STELLA

Na versión da aula de 1º B. 

O alumnado de 1º B traballou sobre este fermoso cadro para a noso Museo xeométrico. 

XA TEMOS CARTEL GAÑADOR!

Xeometría sobre o Lérez. 

Despois de pasar un curso investigando sobre o mundo matemático, esta fermosa foto de Candela, Frianciño e as pontes do Lérez foi a elixida pola nosa comunidade educativa para representar o noso PDI deste curso. 

Parabéns, familia!