ASÍ FOI O NOSO DÍA DO LIBRO

Lecturas compartidas entre aulas.

Este curso, polo Día do Libro, continuamos coa tradición de compartir lecturas. Pero, neste caso, non se tratou de Apadriñamentos lectores individuais, senon de Irmanamentos entre as aulas.

Cada aula preparou un conto empregando diferentes técnicas:

• Educación Infantil: power - point;
• 1º curso de Primaria: kamishibai; 
• 2º curso de Primaria: romance; 
• 3º curso de Primaria: monicreques;
• 4º curso de Primaria: teatro de sombras; 
• Terceiro Ciclo de Primaria: stop motion.

Todos os contos tiñan algo en común: o mar, tema do noso PDI (A lingua sabe a mar). 

Organizamos así irmanamentos "a tres", nos que cada grupo contaba un conto a un grupo e recibía a visita de outro. E, como "é de ben nacidos ser agradecidos", os contadores recibiron un agasallo (un marcapáxinas) dos escoitadores. 

Aquí tendes algunhas imaxes do día. 

E aquí están os seus traballos: 

Os nenos e nenas de Educación Infantil contaron ós de 1º, 2º e 3º de Primaria o conto titulado A vella quenlla.

Os de 1º A contaron O pescador e a súa muller ós de 4º A de Primaria: 

Os de 1º B contaron A historia do Rainbow Warrior ós de 4º B: 

Os de 2º A contaron Cormarín ós de 5º A: 

Os de 2º B cantaron e recitaron ós de 5º B un Romance sobre o mar:

Os de 3º interpretaron para os de 6º unha obra de monicreques que titulamos A tropa do Frian:

Os de 4º A contaron ós de 3 anos A O escritor e as estrelas de mar: 

Os de 4º B contaron O barco da princesa para os de 3 anos B: 

Os de 5º A contaron o seu conto na Biblioteca ós de 4 anos A: 

Os de 5º B crearon Perdido? coa técnica de Stop Motion para os de 4 anos B:

Os de 6º A compartiron O galo, o pato e as sereas cos de 5 anos A:

Por último, os de 6º B crearon Nadarín, e o compartiron cos de 5 anos B: 

Como colofón desta xornada de irmanamento, e deste Día do Libro, fixemos entrega dos premios ó Concurso de Recitado convocado para o Día da Poesía. Podedes consultar todo neste enlace.

Felices lecturas compartidas!