XABIER DOCAMPO E OS ALUMNOS E ALUMNAS DE 5ºB

Como xa sabedes, os alumnos e alumnas de 5ºB  realizaron unha representación-mimo sobre este libro que traballamos na semana do álbum ilustrado deste mes de Xaneiro. E, por casualidades desta vida, o seu autor, Xabier Docampo, mandou unha mensaxe ao ver o vídeo.

"Moi bonito. Non sabes con que orgullo recibimos os dous creadores deste álbum (porque o ilustrador tivo moito que ver na creación) o voso traballo. Agora é noso e máis voso. Dálles aos rapaces e rapazas os meus máis cariñosos saúdos."

Agora deixámosvos de novo o vídeo para que disfrutedes del e GRAZAS ós artistas: tanto ó escritor, o ilustrador, e, por suposto, ós actores e actrices de 5ºB.