Tal día coma hoxe, o 25 de setembro de 1513, o español Vasco Núñez de Balboa contemplou, por primeira vez, o Mar do Sur (o que hoxe chamamos Océano Pacífico). A súa expedición comezou dende a costa do Caribe, e continuou polo interior de Panamá.
O descubrimento do Océano Pacífico, ademais de constituír unha grande fonte de riquezas para España, foi un paso importantísimo para a navegación e a economía. Catrocentos anos despois, por esa ruta explorada por Núñez de Balboa, abriuse unha moderna e fundamental vía de comunicación entre o Atlántico e o Pacífico: a Canle de Panamá.
Damos as grazas á profe Ana P. por darnos conta desta efeméride. Se queredes saber máis sobre o asunto, remitímosvos a este enlace de El País, onde se detalla máis polo miúdo a aventura deste descubridor.
No hay comentarios:
Publicar un comentario