AS BIBLIOTECAS DO PLAMBE, EN SON DE PAZ

No ano no que se cumpren vinte da saída da cadea de Nelson Mandela, a súa frase sobre a Educación está de actualidade máis que nunca.

Isto téñeno craro todos os nosos compañeiros e compañeiras do PLAMBE, que veñen de elaborar un sinfín de actividades para conmemorar esta data.

Aquí tendes tres delas, para facer do noso Día da Paz unha festa de ledicia, bo gusto e esperanza.

Cartel procedente da Biblioteca do I.E.S. Río Cabe.

Dende O Segrel do Penedo (o blog da Biblioteca do IES de Fene) esta Escolma de cancións sobre a temática da Paz:

E por último, dende Mesturas, o blog da Biblioteca do IES Sánchez Cantón de Pontevedra, esta fantástica presentación en cómic sobre o Día da Paz:

A NOSA CANCIÓN PARA A PAZ

Sueños de un niño. Ese é o título da nosa canción para o Día da Paz. Ogallá os adultos sexamos coma nenos, e soñemos coa Paz. E que non só soñemos, senon que sexamos quen de acadala.

Como non atopamos na Internet o vídeo desta canción tan bonita, decidimos gravala nós mesmos. Desculpade as nosas desafinacións, os nosos desaxustes, e a mala calidade da gravación. Pero... só somos nenos e nenas!

Feliz Día da Paz!

DÍA DA PAZ

A nosa proposta para o Día da Paz abarca este curso a toda a Comunidade Educativa, tamén ás familias e ó profesorado.

Co gallo da celebración do Día Escolar pola Paz, e tendo en conta o noso Proxecto Documental Integrado para este curso (Un cole, un libro: o mundo!) temos elaborado unha serie de materiais para investigar e coñecer as violacións de dereitos que, día tras día, se suceden nunha morea de lugares do mundo.

Coa intención de sensibilizar a toda a Comunidade Escolar, temos seleccionado tamén uns vídeos que farán visibles todas esas situacións de inxustiza que, a diario, viven miles de persoas do noso Planeta.

Todo isto podedes atopalo na nosa páxina web.

DECÁLOGO PARA SER LINGÜÍSTICAMENTE SOSTIBLES

Respecto, Tolerancia, Sintonía... Esas son as claves!

Recollemos aquí o froito dunha triple aportación: por unha banda, o Decálogo elaborado polos Servizos Lingüísticos das Universidades catalanas no ano 2008, co gallo do Ano Internacional das Linguas, proclamado pola O.N.U.; por outra, a tradución da nosa compañeira de PLAMBE, Adelia Troncoso, que tan xentilmente ten compartido connosco; por último, a maquetación, que é obra nosa e que esperemos que nos sirva a todos para reflexionar.

Decálogo para ser lingüísticamente sostibles

FELIZ ANO DO LIBRO E DA LECTURA

Este ano prometíanse moi longas, pero as vacacións do Nadal xa teñen rematado.

Feliz Aninovo 2010!

Feliz Ano do Libro e da Lectura!

O ano que ven de comenzar, o ano 2010, ten sido declarado Ano do Libro e da Lectura en Galicia.

Ogallá saibamos aproveitar estes 365 días para vivir moitas vidas. Tantas coma os personaxes das nosas lecturas favoritas.

Dende O Lar de Frianciño, Feliz Ano e Felices Lecturas!