NA ROTONDA DO DODECAEDRO

Con Víctor e Frianciño. 

Esta fin de semana, Frianciño marchou con Víctor (4 anos B) e a súa familia. Xuntos, achegáronse outra vez á Rotonda do dodecaedro (Avenida de Castrelos 105). E grazas ás súas fotos, demostráronnos que o punto de vista é moi importante. Porque, nesta ocasión, podemos descubrir as matemáticas non só na escultura, senón tamén nas formas rectangulares dos edificios, nas liñas de fuga do Vial da Universidade e na pirámide escalonada inscrita no dodecaedro.

Cando abordamos unha cuestión dende varios puntos de vista estamos empezando a ser máis sabios. 

Grazas, familia, por axudarnos a crecer en sabeduría!