A NOSA PARTICULAR HOMENAXE A NEIRA VILAS NO DÍA INTERNACIONAL DO LIBRO INFANTIL

Como xa vos anunciamos, o venres día 1 de abril celebramos o Día Internacional do Libro Infantil cunha homenaxe a Neira Vilas. 

Primeiro, proxectamos o Manifesto titulado O libro lembra, redactado pola escritora estoniana Aino Pervik para a ocasión. (Podedes lembralo neste enlace).

Logo, segundo o programado, visionamos unha entrevista a Neira Vilas realizada polo C.P.I. dos Dices.

Por último, a totalidade da Comunidade Educativa contribuiu á lectura conxunta do libro Memorias dun neno labrego. Aquí vos deixamos cos vídeos. Son todos os que están, pero non están todos os que son. Cousas dos trasnos, que andaron a xogar coa cámara!

Esta é a reportaxe fotográfica do día:

Tamén queremos mostrarvos o traballo elaborado polos equipos de Normalización Lingüística e TICS sobre este libro: un pequeno resume con actividades LIM para coñecer mellor esta obra a achegala ós máis cativos. Seguro que podedes sacarlle moito partido!