BUSCANDO UN LOGO PARA O NOSO P.D.I.

Atopar un logotipo para unha empresa é algo moi serio e para nada doado. No empeño de atopar un logo axeitado para o noso Proxecto Documental Integrado (Un bosque para ler e navegar) levamos dende principio de curso. 

Pero... que é un logo? Que elementos debe incluír? Coa información proporcionada dende o Equipo de Biblioteca, cada aula traballou, ata finais de outubro, sobre o tema, e fixo a súa proposta de diseño.

Como vos estamos a demostrar, elixir un logo que nos represente está resultando laborioso. Con todas as propostas, organizamos un Concurso on line na páxina web do Colexio. Aquí podedes ver os candidatos.

Rematado o prazo de votacións, a gañadora ten sido Aisha Saidy, de 6º B.

Pero non creades que o tema ten rematado. Agora, cos nosos socios da Agrupación ARCE, temos que elixir o logo do agrupamento. Así que a proposta de Aisha competirá coa do C.E.I.P. El Llano de Gijón, coa da Escola Joan Rebull de Reus e coa do C.E.I.P. Jardín de Arena de Alcázar de San Juan.

Podedes seguir a evolución do proceso no blog da Agrupación.