2 de ABRIL: DÍA MUNDIAL DE CONCIENCIACIÓN SOBRE O AUTISMO

Que sabes do autismo...?

A Asemblea Xeral de Nacións Unidas adica o 2 de abril ó Día Mundial de Concienciación sobre o Autismo. Para conmemorar esta data, o Secretario Xeral da ONU ven de publicar unha mensaxe onde constata o incremento da concienciación sobre o espectro autista entre a poboación en xeral e impulsa o apoio ós pais dos afectados con diagnósticos temperás, coa integración destes nas escolas e co chamamento ó empresariado para proporcionar emprego a este colectivo de capacidades excepcionais.

Pero... que sabemos do autismo...?

Recuperamos este programa de Documentos TV (TVE) para saber un pouco máis sobre estas persoas, moitas veces, tan próximas a nós. (Preme na imaxe para acceder á páxina do vídeo).

Á volta da Semana Santa, seguiremos a traballar sobre elo. O noso cartel xa está preparado...!

MARZO: UN MES MOI POÉTICO

Unha poesía para cada día.

Este curso quixemos dar relevancia á poesía, adicando non un día, senon todo un mes, á súa lectura. Por suposto, a nosa idea foi vencellar os poemas elixidos ó noso PDI (Un mar de linguas).

Comezamos, pois,  o mes de marzo presentando unha Escolma poética (seleccionada polo Equipo de Biblioteca) para traballar durante todo o mes:

Nas xornadas previas ó 23 de marzo (Día da Poesía) o alumnado bibliotecario tivo un papel relevante: cada día, un rapaz ou rapaza leu un poema, que publicamos puntualmente no noso blog. Así creamos unha colección titulada Lendo nas ondas, coa súa propia canle de Ivoox. (Preme na imaxe para escoitala).

Para o Día da Poesía propuxemos ó alumnado de Primaria un Concurso de Recitado, de carácter voluntario, sobre poemas vencellados co noso PDI. A esta actividade titulámola Recitando nas ondas. Os vídeos gravados publicámolos diariamente, os días posteriores ó 23 de marzo. Podes consultar a recopilación premendo na seguinte imaxe:

Agora xa só queda que o noso xurado decida outorgar o premio ós mellores recitadores. Pero iso xa volo contaremos noutra ocasión!

Imaxe: Dominio Público

CONCURSO DE RECITADO

Cos alumnos de 5º B. 

Tres alumnos de 5º B recitan este poema sen título de Xesús Franco.

A CANCIÓN DO PIRATA

Interpretada polos alumnos e alumnas de 5º A.

Para participar no noso Concurso de Recitado, os alumnos e alumnas de 5º A recitaron este famoso poema de José de Espronceda.

O ACCIDENTE AÉREO DOS ALPES

A Nova da Semana de 5º A.

Os rapaces e rapazas de 5º A teñen investigado sobre a nova - estrela desta semana: o accidente de avión nos Alpes que, esta semana, ten conmocionado a todo o mundo.

BARCO

O poema de 4º B.

Para participar no noso Concurso de Recitado, este grupo de alumnos e alumnas de 4º B de Primaria prepararon este poema, escrito por Rafa Vilar.

Imaxe: Dominio Público

A NOVA DA SEMANA DO 9 Ó 13 DE MARZO

Cos rapaces e rapazas de 3º B.

Cun pouco de retraso, presentámosvos o resultado da análise da prensa diaria realizada polos alumnos e alumnas de 3º B de Primaria.

Bo traballo, chicos!