HISTORIAS DA EMIGRACIÓN

Recopiladas entre a nosa Comunidade Educativa.

Como xa vos informaramos nun post anterior, este curso, para festexar o Día da Paz, estivemos a traballar sobre a Emigración. Xa que entre Galicia e outros lugares do mundo xenerouse dende sempre un intercambio cultural moi intenso, pedimos ó noso alumnado que recabara información entre as súas familias e que a compartira connosco.

Este é o resultado deste traballo. Historias fermosas que falan de constancia, de tesón, de intentar mellorar as condicións de vida... De soños, pero tamén de morriña e de soidade.

Grazas pola vosa xenerosidade ó compartilas!

Imaxe: INDIACATALINA.  Monumento a la madre del emigrante. Gijón. CC BY SA

QUEN DIXO MEDO...?

Nova Tarde de Contos

O xoves 29 tivemos a última Tarde de Contos do mes de xaneiro. A contadora foi Pilar, a nai de Lara e de Nerea, que se achegou onda nós para nos contar Juan sin miedo.

Os participantes, que estiveron moi atentos, disfrutaron logo dun obradoiro de construción de monstros (para asustar a Juan, que os nosos cativos son moi valentes e non se asustan por nada).

Aquí vos deixamos as imaxes da xornada.

A LENDA DE RÓMULO E REMO

Fundadores de Roma.

Os nenos e nenas de 3º B contaron, no seu Venres de Viva Voz, a historia de Rómulo e Remo, que, segundo a lenda, foron os fundadores de Roma.

Para axudarse, debuxaron a historia.

E logo, gravaron o vídeo.

Mirade que profesionais...!

Imaxe: MANOLO GÓMEZ. Rómulo, Remo y la loba. En Flickr. CC BY.

70 ANOS DA LIBERACIÓN DE AUSCHWITZ

Unha historia para non esquecer.

O 27 de xaneiro de 1945 as tropas soviéticas entraron no campo de concentración de Auschwitz. O que alí atoparon foi espeluznante. Ninguén sabía dos horrorosos feitos que ocurriran neste lugar, onde morreron na cámara de gas máis dun millón de xudeos, xitanos, intelectuais, comunistas ou homosexuais. A intervención dos rusos conqueríu salvar a 7.000 persoas.

Auschwitz, situado en Polonia, non foi o único campo de concentración alemán, pero si o máis grande.

O filósofo Jorge Santallana dicía: Quen esquece a súa historia está condenado a repitila. É por esta razón pola que a resolución 60/7 da ONU declaraba o día 27 de xaneiro Día Internacional en memoria das víctimas do Holocausto.

Tamén por esta razón, en 1979 Auschwitz foi declarado pola UNESCO Patrimonio da Humanidade.

Imaxe: Chmouel. Visión de Auschwitz no inverno. En Wikipedia. CC BY-SA.

AS NOVAS DA SEMANA DE 4 ANOS B

Recén colleitadas!

Aquí tendes as novas escollidas polos rapaces e rapazas de 4 anos B. É incrible comprobar o que aprenden con esta actividade. E o máis salientable é decatarse de que entenden o que din. E como o sei...? Porque eles mesmos son quen de autocorrixirse e dicir o mesmo doutro xeito.

Disfrutade coa súa inxenuidade e bo facer!

RETOMAMOS AS TARDES DE CONTO

Con Ana, a nai de Aldara.

Despois da paréntese navideña, o mércores desta semana recuperamos as Tardes de Conto. Nesta ocasión, a contadora foi Ana, a nai de Aldara (5º A), que nos trouxo un clásico da literatura infantil: Os tres bandidos.

E despois do conto, obradoiro. Como se achega o Entroido, os cativos construíron os seus propios antifaces.

Grazas, Ana!

QUEN SOMOS...?

Iso preguntan os nenos e nenas de 3º A.

Para o seu Venres de Viva Voz, os nenos e nenas de 3º A prepararon un vídeo moi ben documentado, vencellado co seu tema de traballo deste curso. A resposta terédela se "perdedes" só uns minutos con eles.

Parabéns, chicos!

Imaxe: DILIFF. A 4x4 segment panorama of the Coliseum at dusk. In Wikipedia. CC BY SA.