DERRADEIRA NOVA ECOLÓXICA

E, para rematar o noso Noticieiro Ecolóxico, presentámosvos o traballo dos nosos alumnos e alumnas de Educación Infantil de 3 anos. 

Levaron meses investigando sobre os vermes de seda. E aquí tendes o resultado da súa reportaxe de investigación. 

FIN DE SEMANA NA GRANXA KIRIKO

As nais e os pais da nosa A.N.P.A., sempre sensibilizados coa temática do noso Proxecto, levaron ós nenos á Granxa Kiriko, para pasar unha fin de semana en plena natureza. 

A saída tivo lugar os días 11 e 12 de xuño, e nela participaron 31 nenos e nenas de 5 a 12 anos. Estiveron acompañados por dúas nais (Sonia e Ana) e, xa no campamento, por tres monitoras (Marta, Fanny e Kary).

Durante estas xornadas, os rapaces participaron en diferentes actividades: alimentar ós animais da granxa, seguir pegadas no bosque, coidar da horta, elaborar rosquillas (que, logo, comeron na viaxe de regreso), recoñecer especies vexetais e animais, e, por suposto, xogar moito. 

A noite do sábado, despois dunha busca intensiva de “gamusinos” que ocasionou algún que outro susto,  rematou cunha espectacular festa, na que grandes e pequenos bailaron ata ben tarde, con moito arte e animación.

Moitas grazas á A.N.P.A. por seres tan sensibles cos nosos proxectos, e, de xeito especial, a Ana Álvarez, por nos ter ó corrente de todo o que alí pasou. Como podedes comprobar nestas fotos tomadas por ela, pasárono moi, pero que moi ben, e aprenderon un montón.

MÁIS TRABALLOS SOBRE ÁRBORES

Os nenos e nenas de 3º B de Primaria tomáronse moi en serio o traballo sobre os bosques. 

Por iso, ata os cómics teñen esa temática. Aquí tendes algúns dos que teñen elaborado: 

O QUE SABEMOS DA MACELA E DO OUREGO

No Segundo Ciclo de Primaria estivemos a investigar sobre os usos mediciñais dalgunhas árbores e plantas. 

Nesta ocasión, a investigación tratou sobre a macela e o ourego. Podedes lembrar a proposta de traballo neste enlace. 

Aquí tendes o traballo confeccionado polos alumnos e alumnas de 3º B de Primaria:

E aquí, o dos nenos e nenas de 4º B de Primaria:

INVESTIGANDO EN EDUCACIÓN INFANTIL

Este curso, o noso Proxecto Documental Integrado tratou sobre o Ano Internacional dos Bosques, e titulouse Un bosque para ler e navegar.

O alumnado de Educación Infantil, igual que o de Primaria, traballou sobre o mesmo, neste caso, a partir do conto de Carrapuchiña Vermella.

Neste artigo atoparedes o resultado das invetigacións que levaron a cabo durante o Segundo e o Terceiro Trimestres.

Estes son os traballos realizados polos nenos e nenas de Educación Infantil 3 anos:

Aquí tendes os de 4 anos: 

E estes son os de 5:

A INSOPORTABLE LEVEDADE DAS BIBES GALEGAS

Ante a previsible retirada de formadores específicos no ámbito das bibliotecas escolares no  Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente  de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos,  esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada  centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos? O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro  será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Colectivo dos Equipos das Bibliotecas Escolares integradas no PLAMBE

(Plan de Mellora de Bibliotecas Escolares Galegas)

RECOMPILACIÓN DOS VVV (VERSIÓN GALEGO)

Presentamos aquí a recompilación dos vídeos correspondentes á Segunda Edición dos Venres de Viva Voz elaborados en lingua galega.