1. SABÍAS QUE...?
Durante o ano 2015, a Comunidade Económica Europea aceptou dar asilo a 160.000 persoas refuxiadas. A meirande parte proceden de Siria, Iraq e Eritrea. Chegaron a Europa a través de tres vías principais. Por iso, o reparto de solicitudes aprobadas fíxose en función do país de entrada na Unión Europea.
2. OBSERVA E BOTA CONTAS
O gráfico que ves na cabeceira deste post foi creado por Raúl Sánchez e publicado en eldiario.es o día 9 de setembro de 2015. Fíxate ben e contesta:
- cales son os principais países de entrada de refuxiados na Unión Europea;
- que cantidade de solicitudes foi aceptada en cada país de entrada;
- cantas solicitudes foron aceptadas en total.
3. USA A CABEZA E PENSA
- Busca no mapa de Europa estes tres países de procedencia das solicitudes (Grecia, Hungría e Italia).
- Aínda que pertencen a Asia, neste mesmo mapa poderás atopar dous dos países de orixe dos refuxiados: Siria e Iraq. Localízaos.
- Eritrea é un país de África. Neste mapa político de África podes localizalo.
Agora que xa sabes de onde veñen e a onde chegan os refuxiados... que medios de transporte pensas que terán empregado para chegar ata Europa?
4. COMPARTE CONNOSCO OS TEUS PENSAMENTOS
Que tal se nos contas todo o que tes descuberto? Precisamos a túa axuda para elaborar o Manifesto para o Día da Paz.
Preme nos comentarios deste post e escribe o que a túa aula ten descuberto e pensado acerca desta catástrofe humanitaria.
Os nenos e nenas de 1ºB pensamos que os gobernos dos paises en guerra son os culpables de que haxa refuxiados.
ResponderEliminarNa guerra morren os nenos e as nenas e as bombas destruien edificios e bosques.
Nos queremos que os refuxiados veñan a Vigo.
O neno Sirio pedia que lle axudaran a acabar coa guerra para que poidese volver ao seu país.
pois o goberno espalol debería falar con outros paises para que remate a guerra.
1º B pedimos que non haxa máis guerras no mundo.