O lar de Frianciño

CELEBRACIÓN DO DÍA DA PAZ

2012-01-30T11:47:00.000-08:00

Este é o mural (dirixido pola nosa orientadora Pili) que, entre todos os alumnos e alumnas do colexio decoramos para inaugurar así a semana da Paz e o noso proxecto documental (O planeta bosque) que comenzará este venres 3 de febreiro coa colaboración da AMPA.

Agora ímosvos contar como se desenvolveu a mañá de hoxe:

Empezamos cubrindo a nosa árbore tan especial, a árbore dos desexos, con todas as follas cargadas dos nosos bos desexos para un ano sen violencia, sen odio, sen rencor... e cheo de amizade, colaboración e participación...

A continuación os alumnos e alumnas de Infantil cantáronnos unha fermosa canción titulada PAZ, PAZ, PAZ. Que ledicia de voces !!!

Despois a clase de 5ºB representou unha historia sobre como poden ser as mans das persoas, inspirada no álbume ilustrado Mans que traballaran dende a nosa biblioteca.

A continuación os alumnos de 5º e 6º cantaron unha canción en inglés Waiting on the world to change e unha representante da AMPA fixo de portavoz na lectura da canción Tu bosque animado, de Luz Casal mentres algúns representantes da comunidade escolar seguían decorando a árbore cos seus mellores desexos.

Xa por último todo o colexio cantamos a canción que estivemos preparando ó longo da semana titulada Os nenos queremos a Paz.

Grazas a todos e a todas pola vosa participación nesta xornada tan especial. Esperamos que todos os días sexan días de paz.

MAGNÍFICO COMPENDIO DE MATERIAIS PARA TRABALLAR A PAZ

2012-01-29T14:29:00.000-08:00

Xa sei que, a estas alturas, todo o mundo ten diseñado o seu Día da Paz, pero... non volo podedes perder!

De casualidade, atopei esta páxina web da Concellería de Igualdade do Concello de Vigo. Titúlase Datos e datas para lembrar... en pé de igualdade... e non esquecer o resto do ano.

Trátase dun compendio de doce datas que, por lei, debemos ter presentes nas nosas programacións didácticas ó longo do curso.

En que se diferencian estes recursos doutros existentes na Rede...?

En primeiro lugar, pola súa exquisitez á hora de presentar os contidos, cun diseño elegante e áxil. Pero, sobor de todo, pola actualidade dos recursos empregados e a aposta rotunda a favor das novas tecnoloxías.

Non se trata dunha proposta sistemática para levar á aula. Temos un montón de materiais para preparar máis de 30 días da paz diferentes. E a fonte principal: as novas que día a día se xeneran (non podía ser doutro modo). Así, os puntos de partida poden ser un artigo aparecido na prensa, un vídeo, unha fotografía...

Como veredes, altamente recomendable.

THE FANTASTIC FLYING BOOKS OF MR. MORRIS LESSMORE

2012-01-29T04:35:00.000-08:00

Un fermosísimo vídeo que da para pensar moito.

Coma sempre, a nosa compañeira de Trafegando Ronseis, Gracia Santorum, achéganos unha marabillosa suxestión.

Non se trata só dunha preciosísima curta de animación: é unha certeira reflexión (sen palabras) sobre a lectura. Seguro que mesmo da para un vídeo - forum.

Fermosa, verdade...?

Pero todo isto non nace da nada. Todo ten un porqué. Todo parte dunha idea, dunha inspiración, pero aliméntase doutras lecturas e dunha incesante tarefa de documentación. A idea é suliñar o amor polos libros: homenaxar dalgún xeito a todas esas persoas que teñen dado a vida por eles e que, ó fin e á postre, teñen recibido unha grande satisfacción grazas a eles. A inspiración, o Furacán Katrina, O Mago de Oz, as historias de Buster Keaton...

Todo isto e máis podédelo atopar na páxina web da curta. Está en inglés, pero seguro que non por iso deixades de entender o que conta:

S.O.S.!!! MUSEO LISTE EN PERIGO...!

2012-01-27T15:42:00.000-08:00

A crise tamén afecta á cultura, e, neste caso, comeza, igualmente, polos máis débiles.

Esta semana a prensa sorprendíanos coa triste nova do inminente peche do Museo Liste.

O Museo Liste naceu a partir da afección de D. Olimpo Liste pola etnografía, e o seu altruísmo levouno a compartir a súa colección con todos os habitantes da nosa cidade.

Dende entón, a Fundación Liste ven realizando un montón de sinxelas e efectivas propostas destinadas a grupos, escolas e familias, creando un ambiente distendido e agradable, no que a colección non é menos importante que o acompañamento e o diálogo sobre os obxectos expostos.

Visitar o Museo Liste é iniciar unha viaxe ó noso pasado, ó mundo dos nosos bisavós. Un mundo que nos queda afastado, si, pero que nos da entidade como pobo e que, se queremos ser nós, non podemos de ningún modo esquecer.

Talvez as decisións estean xa tomadas e sexan inamovibles. Ou, talvez, todavía haxa algo que podamos facer. Propóñovos dúas iniciativas:

se non o tes feito, visita o Museo Liste antes do seu peche (o vindeiro martes). Os domingos e os luns está pechado. Xa non poderás disfrutar das visitas guiadas. Pero, a cambio, poderás coñecer (gratis) toda a riqueza que estamos a punto de perder;
envía un escrito ó noso alcalde en defensa do Museo Liste. Pódese ser educadísimo sen, por iso, deixar de defender con entusiasmo aquilo no que cremos. Faino neste enlace: http://hoxe.vigo.org/oconcello/alcaldia0.php?lang=ga

Grazas por quererte e por loitar polo que te identifica!

LECTURAS POLA PAZ

2012-01-27T07:38:00.000-08:00

Mural entrada do colexio feito pola profe Luz.

Durante esta semana imos facer unha serie de lecturas pola paz que tendes á vosa disposición nos expositores da Biblioteca.

Esperamos que, tras a lectura, colaboren todos os alumnos e alumnas reflexando nunha folla en branco as súas impresións e os seus sentimentos para, así, poder crear entre todos o Noso Libro Pola Paz.

Para lembrarnos que a lectura é importante en calquera momento e lugar, aquí vos deixamos un vídeo moi explicativo.

VOLTAMOS Á NOVA DA TRIBO INDÍXENA

2012-01-27T07:18:00.000-08:00

Despois de facer unha lectura minuciosa sobre unha nova atopada en varios xornais e de ver este vídeo, que trata sobre a tala de árbores e a desaparición desta tribo amazónica, achegámosvos os diferentes traballos realizados.

O grupo de Primaria de 6ºB decorou unha gran palmeira, árbore típica da selva amazónica, e dentro e fóra dela, escribiron todas aquelas palabras que xurdiron tras un intenso debate sobre a situación actual de certos bosques mundiais.

Tamén, cada alumno e alumna de 5ºB creou a súa palmeira e engadiulle palabras asociadas á necesidade de conservación dos bosques e, como consecuencia, da preservación da natureza e do home.

AS "RR.." EN INFANTIL

2012-01-27T07:06:00.001-08:00

Esta semana os alumnos de Infantil 5A estiveron traballando o coiado da Terra e prepararon a seguinte Nova Ecolóxica.

"Se o Planeta queremos coidar, os cinco R debemos respectar":

RECICLAR
REDUCIR
RECHAZAR
RECUPERAR
REUSAR

ALGÚNS RESULTADOS DURANTE A SEMANA DA PAZ

2012-01-26T03:51:00.000-08:00

Aquí tendes dous vídeos feitos polos alumnos e alumnas de 5º A a modo de Venres de Viva Voz.

Como estamos a fomentar nesta semana a convivencia en Paz, os rapaces crearon unha poesía coas letras da palabra PAZ. Logo, amenízaronnos co tema Whatever de Oasis.

UNHA TARDE DE CONTOS PARA A PAZ

2012-01-25T23:57:00.000-08:00

Crocodilo Namorado e A Ratiña Presumida foron os contos elexidos para colaborar nestas tardes de conto coa celebración do Día Escolar Pola Paz e a Non Violencia.

Despois de escoitar estas dúas historias apoiadas por uns fermosos monicreques, fixemos un colgante en forma de POMBA, que decoramos con moita purpurina !!!

Grazas a Raquel pola súa colaboración!

ARMACUENTOS

2012-01-22T14:39:00.000-08:00

Nunca inventar contos resultou tan doado e divertido.

No blogue da Biblioteca Escolar da Escola de Educación Infantil Barrionovo (Arteixo) atopamos o enlace a esta aplicación. Só cun clic podemos crear fantásticos contos, como se dun puzzle se tratara. Queres intentalo...? Pois preme neste enlace, e... XOGA!

SAÍDA A CAMPOSANCOS

2012-01-21T15:55:00.000-08:00

A ANPA retomou as fantásticas actividades na natureza iniciadas o curso pasado.

Un nutrido grupo de pais, nais, rapaces e familiares achegouse esta mañá ata o observatorio de aves da Pasaxe para coñecer máis polo miúdo as aves migratorias que se instalan no Estuario do Miño durante a estación invernal.

Contaron co asesoramento dun membro da Asociación ANABAM, quen lles mostrou a exposición instalada no centro de interpretación e acompañoulles ó observatorio.

Como poderedes ver nas fotos, algúns dos rapaces (biólogos en cernes) foron moi dilixentes á hora de cubrir os folletos.

Logo disfrutaron dun agradable paseo pola beira do Miño ata Camposancos.

Despois do almorzo, a idea era visitar as cetáreas da Guarda. Pero... iso é outra historia que terá que ser abordada por outro reporteiro gráfico.

Parabéns por esta saída tan ben organizada !

DIA ESCOLAR POLA PAZ E A NON VIOLENCIA

2012-01-20T07:23:00.000-08:00

Co gallo da celebración do Día Escolar pola Paz, e tendo en conta o noso Proxecto Documental Integrado para este curso, O Planeta Bosque, temos elaborado unha serie de materiais para investigar e coñecer durante esta semana algúns bosques do mundo.

Podemos comezar por coñecer este tema: Un bosque animado, cantado por Luz Casal, e reflexionar sobre a procura da harmonía nas nosas vidas e nos nosos bosques. E crear entre todos unha árbore chea de desexos que se poidan ir cumprindo ao longo deste curso.

Dentro de ti hay un mundo animado,
dentro de ti hay mundos por descubrir.
En ti se adivina tu forma de vivir.
Respiraras la lluvia entre las hojas,
querrás sentir la fuerza que te manda el sol.
Serás, el viento que ha nacido en mi canción.
Di no al hacha que amenaza sin compasión.
Di no al fuego y las trampas del cazador.
En ti defiende un bosque de paz y calor.
Quiero tener el valor
de sentir armonía a mi alrededor.
Quiero algún día aprender
que tal vez la vida, será
lo que siempre soñé.
Dentro de ti hay un mundo animado.
Dentro de ti hay nubes por alcanzar,
En ti, la lluvia se convierte en vendaval.
Di no al hacha que amenaza sin compasión,
di no al fuego y las trampas del cazador.
En ti, defiende un bosque de paz y calor
Quiero tener el valor
de sentir armonía a mi alrededor.
Quiero algún día aprender
que tal vez la vida, será
lo que siempre soñé
Di no al hacha que amenaza sin compasión,
di no al fuego y las trampas del cazador.
Di no al hacha que amenaza sin compasión,
di no al fuego y las trampas del cazador
En ti, defiende un bosque de paz y calor.
Quiero tener el valoooor.

Para chegar a entender todo isto, en Educación Infantil e no 1º Ciclo de Primaria podemos ler o conto El hombre que plantó árboles y creció felicidad, adaptación dun fantástico libro de Jean Giono titulado O home que prantaba árbores.

As árbores altas son necesarias. Non chega con reforestar a Terra, pois as árbores novas non son quen de cumprir a nosa tarefa de transmutar enerxías. Para iso, precisamos as árbores vellas. Coa falla de grandes árbores verase afectada a paz e a estabilidade dos seres humanos, pois estamos interconectados. Necesítannos para o equilibrio da paz e a estabilidade. Non nos deforestemos.

Para comprobar todo isto, no 2º e 3º Ciclo podedes facer unha lectura da nova sobre unha tribu amazónica ameazada pola deforestación e publicada en varios xornais. Poderedes comprobar as consecuencias dunha tala masificada.

UNHA REPRESENTACIÓN MOI ESPECIAL

2012-01-20T06:53:00.000-08:00

Os nenos e nenas de Educación Infantil 5 anos B estreáronse hoxe nos Venres de Viva Voz.
Para este día, representaron o conto de Dona Carme. Ela tiña un sono tan pesado que nin todos os animais da granxa conseguían que Dona Carme acordara. Un can, un gato, un galo, un rato, unha ovella, un boi, un porco, un burro... aparecen nesta historia.

Parabéns a todos e todas !!!

CONGRESO FAMILIAS LECTORES EN REDE

2012-01-19T13:34:00.000-08:00

Esta fin de semana celebrarase en Granada o Congreso Familias Lectoras en Red.

Como fomentar a lectura é cousa de dous (os mestres e mais as familias), e como vos estamos moi agradecidos por todo o que colaborades connosco, convidámosvos a participar (aínda que sexa de xeito virtual) neste congreso pensado especialmente para vós por Leer.es.

Podedes seguilo neste enlace.

RECOMENDACIÓN DE LECTURAS NA SEMANA DA PAZ

2012-01-19T13:09:00.000-08:00

Esta semana traballaremos conxuntamente dende o departamento de Orientación, TICs, Música, Convivencia, Biblioteca e resto do profesorado na realización de varias actividades que terán como punto final un acto o luns 30 de Xaneiro para conmemorar o Día Escolar pola Paz e a Non Violencia.

Pero mentres non chega esta data, e para facer algún descanso nestas tarefas, presentámosvos unha proposta de lecturas que temos en exposición na biblioteca para que poidades disfrutar delas.

TARDE DE CONTOS CON OSIÑO

2012-01-19T02:30:00.000-08:00

Como podedes ver na presentación, este mércores tivemos unha nova sesión con Mª José, nai de Paula (E. Infantil) e de Antón (2º).

Axudados por un alumno de 4º, Lucas, relataron o conto Osiño polar, lévame contigo.

Os nenos e as nenas pasárono moi ben e, como remate, fixeron un oso articulado coa axuda de moitas nais, que tamén estiveron moi atentas ó conto.

Grazas pola vosa colaboración !!!

BUSQUEDA DUN LOGO PARA O AFORRO DE ENERXIA NO COLEXIO

2012-01-13T08:17:00.000-08:00

Como sabedes, atopar un logotipo para unha empresa non é nada doado. Este ano temos que atopar un logo axeitado para amosar nos nosos interruptores o aforro enerxético que se produce cada vez que apagamos a luz.

Recordando que este ano 2012 é o Ano Internacional da Enerxia Sostible, o agrupamento ARCE, e por suposto o noso colexio non podemos deixar pasar a oportunidade de traballar polo noso planeta, e por iso queremos salientar esta conmemoración e lembrarnos todos os días de que con pequenos xestos podemos axudar a un mundo mellor.

Para todo isto temos que lembrar: que é un logo? Que elementos debe incluír? Así que, pica na palabra logo e refrescarás toda a información necesaria para a súa creación.

Agora seguide as indicacións relacionadas co tema e o deseño, segundo a proposta do Agrupamento ARCE, e poñervos a traballar para a súa creación.

Boa Sorte a todos e todas!!!

UN NOTICIEIRO ECOLÓXICO DO MÁIS VARIADO

2012-01-13T07:57:00.001-08:00

Os encargados de elaborar o Noticieiro Ecolóxico nesta semana foron os alumnos e alumnas de 3ºA.

Crearon un caderno-recompilación con todo tipo de información relacionada cos bosques e as árbores e que foron nova ó longo do ano 2011 e os primeiros días deste 2012:

2011, Ano Internacional dos Bosques.
21 de marzo, Día da Árbore.
Aparición dunha especie invasiva de algas mariñas.
O cambio climático e como consecuencia a doble perda de follas das árbores mediterráneas.
A función de limpeza do aire por parte das árbores das nosas cidades.
Perú loita contra a tala de árbores.
Aparición de bolsas de plástico 100% biodegradables e feitas con fécula de patata.
A enfermidade que padecen os piñeiros do Monte do Castro da nosa cidade.

Grazas a todos e todas polo voso traballo de investigación !!!

O NOSO ÁLBUM PREFERIDO DE XANEIRO

2012-01-13T07:28:00.000-08:00

O noso alumnado leu, durante xaneiro, Máns e A princesa que non podía durmir, e outorgou a "victoria", cunha ampla maioría, ó segundo.

Ler ambos os dous álbumes resultou moi entusiasmante para todos e todas. Nalgunha ocasión, a pesar de non ser o máis votado falamos e traballamos coas nosas máns, as xuntamos para estar unidos, voamos con elas...

Aquí tendes os resultados das vosas votacións:

Xa empezan a sair os primeiros resultados das vosas lecturas e aínda que con menos votacións, o álbume titulado Mans provocou algún resultado plástico en 6ºB.

Mans 6ºB - foto montaje

A MAXIA VOLTA A FRIAN

2012-01-11T12:23:00.000-08:00

Unha vez máis, o Mago Brais e o seu Axudante Roi, están na nosa Biblioteca.

Comezamos o 2º trimestre de Mércores de conto con ámbolos dous antigos alumnos do noso colexio.

Hoxe a maxia estivo presente na nosa biblioteca, xa que, con trucos e pós máxicos, souberon entreter e divertir a grandes e pequenos.

Para rematar, o Mago asinou, en cartas máxicas, a todos os nenos e as nenas que quixeron.

Ata pronto !!!

EN XANEIRO, VOLTAMOS CO ÁLBUM ILUSTRADO

2012-01-08T03:14:00.000-08:00

Comezamos o ano con dous álbumes ilustrados moi distintos, para así poder expresar as vosas opinións sobre eles.

MANS, de Xavier P. Docampo. Ilustracións de DNL

As nosas mans din de nós e do mundo. Hai mans xenerosas e mans avarentas; mans que acarician e mans que aman... O noso destino está nas vosas mans. Un libro para que, ao pé de cada neno e de cada nena que o vaia ler, haxa un adulto que dialogue con el e que lle axude a inventar novos camiños narrativos para as súas mans.

A PRINCESA QUE NON PODÍA DURMIR, de An Leysen.

Un libro fermoso sobre os problemas das princesas, que resulta extraordinariamente familiar. Este libro no só está feito para nenos, nenas e maiores, senon tamén por nenos, nenas e maiores. An Leysen, a autora, engade os debuxos da súa filla Louise.

Esperamos as vosas opinións e votacións ó longo da semana.

VINTETANTAS EXPERIENCIAS ALFIN E UNHA CANCIÓN ESPERANZADA

2012-01-07T09:59:00.000-08:00

Este é o título do artigo publicado en ALFARED.

Cristina Novoa, Asesora de Bibliotecas Escolares, ven de nos agasallar con este artigo, cun poético título de reminiscencias nerudianas que non é máis que o espello das nosas propias inquedanzas.

O artigo pon sobre a mesa moitas das nosas intuicións:

a necesidade de pequenos programas de formación de usuarios nas programacións anuais das bibliotecas escolares;

a sistematización da educación para o uso da información e a utilización de fontes informativas variadas en formato e soporte;

a incorporación das TIC, de forma decidida, na concepción das novas bibliotecas escolares galegas;

o uso das ferramentas dixitais ó servizo das bibliotecas escolares.

Dende o comezo da nosa andaina na biblioteca escolar, estas foron as ideas que guiaron o noso traballo. No seu artigo, Cristina Novoa confesa que, na actualidade, ningún proxecto que se presente ó Plan de Mellora de Bibliotecas Escolares pode carecer dos dous primeiros puntos para ser aprobado.

O cambio producido nas Bibliotecas Escolares de Galicia dende o ano 2005 é inmenso. Sen embargo, non deixa de sobrevoar sobre elas unha especie de "negra sombra" (para continuar co tono poético). Como indica Cristina ó final do artigo, aínda que lideran a capacidade do alumnado para se mover polo mundo da información, as bibliotecas escolares non poden facer soas este traballo: precísanse, polo tanto, cambios estruturales e metodolóxicos que impliquen tanto ás administracións como ó conxunto do profesorado.

E como por enriba dos nubeiros sempre brilla o sol, retomamos a parte máis leda do artigo: os exemplos. Os que coñecemos o inmenso traballo e a calidade das producións que, día a día, se desenvolven nas bibliotecas integradas no PLAMBE, sentímonos un pouco incómodos cando, por motivos de espazo, os exemplos se reducen a catro. Pero tamén experimentamos agradecemento e orgullo porque se recoñeza un traballo feito con sacrificio e coa participación de toda a comunidade educativa (alumnado, profesorado e familias). No artigo, atoparedes citados estes catro centros:

CEIP Condesa de Fenosa (O Barco de Valdeorras), polos seus magníficos materiais para a formación de usuarios e o uso dos recursos informativos;

Ars Legendi, o blog do CPI San Vicente (A Baña), polas súas seccións de recursos para a formación de usuarios e de ALFIN, con xogos de búsqueda documental sobre a alimentación saudable;

O Segrel do Penedo, do IES de Fene, centro pioneiro na organización da Olimpiada do Saber;

O lar de Frianciño, do CEIP Frian - Teis, polo seu proxecto documental integrado titulado Un bosque para ler e navegar. Destácanse do noso blog as seccións de Educación Documental e de Formación de Usuarios.

Para que vexades que non "mentimos", deixámosvos xa ler o artigo. Podedes acceder a el premendo neste enlace.

Grazas, Cristina.

2012: ANO CELSO EMILIO

2012-01-07T08:35:00.000-08:00

A Xunta de Galicia ten proclamado 2012 Ano Celso Emilio Ferreiro.

Deste xeito, conmemora o centenario do nacemento do insigne poeta, nado en Celanova o 4 de xaneiro de 1912.

Rematabamos 2011 lembrando a Álvaro Cunqueiro, escritor tan vencellado á nosa cidade. O relevo de Celso Emilio preséntase neste inicio de ano inesperadamente propicio:

coma no caso de Álvaro Cunqueiro, Celso Emilio Ferreiro estivo tamén moi ligado á nosa cidade, na que finou no ano 1979. Ás ordes de Cunqueiro, publicou algúns artigos no Faro de Vigo;

nestes tempos de crise e de indignación, a poesía social e comprometida de Celso Emilio cobra unha forza inusitada;

lembrar a súa obra semella unha homenaxe merecida para outro grande intelectual que finou ó día seguinte de iniciar este centenario: Isaac Díaz Pardo.

Ó longo do ano haberá moitas ocasións para lembrar algúns dos poemas da súa obra máis siñificativa: Longa noite de pedra. Hoxe queremos empezar con Credo, unha auténtica declaración de intencións sobre o compromiso (directo e exento de hipocresías) da súa pluma.

CREDO

Eu creo que iste mundo é moi fecundo
e que hai algunhos ríos hidroeléctricos,
pero que os ventres das doridas nais
sexan montós de trigo,
nunca podrei creelo.

Creo que a lúa é aquela cousa
que está no teito da noite,
pero que o avión que pasa rum, rum,
fungando por enriba, sexa insecto,
nunca podrei creelo.

Creo que os homes pecan sete veces
por sete veces sete cada día,
creo na xeometría,
creo no átomo tan pequeniño,
pero que haxa unhos seres
capaces de leer tranquilamente os xornales
sin sentir tremer de noxo as vísceras,
nunca podrei creelo.
Cambio de tema e por exempro digo:
Elisabeth un ciclón made in U.S.A.
sementou o Caribe de cadavres
Bombas en seta, pun e tiranías,
negro linchado en Little Rock, Arkansas,
os dereitos do home en guerra fría.
Cambio de tema e verbigratia digo:
qué desgracia tan grande ser poeta,
oficio de chorar sin cobrar nada,
oficio de cuspir na mar inmensa
e de chantar pancartas no deserto.
(Poetas conformistas desta terra
testicular emporio de esqueletes
mentras o home loita, chora e sofre,
cantade a violeta, a margarida,
e desfollade a rosa reticente
dos vosos mínimos problemas...
decide si a todo e medraredes).
Cambio de tema pra decir etcétera,
etcétera, xa sabes, en voz baixa,
con puntos suspensivos
que ocultan as palabras prohibidas
que loitan por saírme,
que xa me están saíndo
con fórceps de xenreira e de cabreo:
hai algo que está podre en Dinamarca
e fede que alcatrea dende sempre.

Dempois entonarei un gran Tedeum
laudamus optimista pra dar gracias
ao ceo poderoso
que me labrou esí como me vedes,
pedra deixada, cousa estremecida,
canle de tempo e soño. Digo, un home.

ISAAC DÍAZ PARDO, IN MEMORIAM

2012-01-07T07:58:00.000-08:00

Onte, Día de Reis, o corpo de Isaac Díaz Pardo voltaba á terra no Cemiterio de Boisaca, en Santiago.

Envolto o seu féretro na bandeira de Galicia, arropado polo agarimo e o afecto de tantas persoas que o acompañaron e o recoñeceron como unha das figuras máis senlleiras do noso país. O "último intelectual". Un artista cuxa man descubrimos nos motivos da porcelana de Sargadelos. Pero, sobre todo, un home comprometido co seu país, coa liberdade, e coa lingua nai. Coñecer a biografía de Isaac Díaz Pardo é coñecer a historia do século XX da nosa Comunidade. E cómpre non esquecer nin a unha nin a outra. Para lembrar. Para valorar o sufrimento dos que nos precederon. Para non cometer, no futuro, os mesmos erros. Para non padecer as miserias dunha guerra fratricida e inhumana.

Ninguén mellor que o propio Isaac Díaz Pardo para nos lembrar esa historia. As súas palabras son breves. Pero o fondo, intenso.

Queremos despedir a Isaac Díaz Pardo como merecen os grandes homes: co Himno do Antigo Reino de Galicia, unha marcha procesional tradicional:

Da nosa conta queda tomar o relevo de Isaac e facer que a nosa cultura non acabe morrendo.

UNHA APERTA POLO NADAL

2011-12-24T05:03:00.000-08:00

*Page URL:*	http://mrg.bz/cISrIh
*Image URL:*	http://mrg.bz/3GyM98

Na Noiteboa a nosa imaxinación lévanos a unha cea familiar ó carón do lume.

Pero, en realidade, non hai nada máis gratificante, cálido e confortable que unha aperta de oso, dada co corazón.

Grazas a Gema Cilleiros, do CPI Pontecarreira, por compartir connosco estas apertas virtuais.

Feliz e agarimoso Nadal!

UNHA ÁRBORE DE NADAL CON SORPRESA

2011-12-24T04:03:00.000-08:00

Page URL:	http://mrg.bz/tnwLnD
Image URL:	http://mrg.bz/2ipsGQ

Despois de ter traballado as Tradicións Navideñas, paga a pena rir un pouco.

O Pequeno Libro de Notas desta semana agasállanos con este divertido vídeo titulado A árbore de Nadal de Pluto. Porque... ás veces, ás árbores veñen con sorpresa.

FIN DE TRIMESTRE MOI VARIADO

2011-12-23T07:05:00.000-08:00

E xa para rematar o primeiro trimestre, hoxe día 21 de decembro, no Mércores de conto, tivemos seis contacontos de luxo.

Iván de 5 anos , contóunos Federico; Lucas de 9 anos atrévese con Pulga Xigante; Silvia de 9 anos contounos o Nariz de Ouro; Masha de 6 anos lanzouse en Língua Inglesa con Spot's First Walk; Adrián, tamén de 6 anos repetiu con Pétala e Aroa de 6 anos rematou con La sorpresa de Nandi .

Todos e todas estiveron encantados e encantadas de aportar o seu gran de area a nosa biblioteca.

Grazas a todos e todas!!!

TRADICIÓNS NAVIDEÑAS NO MUNDO

2011-12-20T13:51:00.000-08:00

Despois de traballar durante o Primeiro Trimestre o cómic, agora vos presentamos a nosa reportaxe sobre as Tradicións Navideñas no Mundo.

Como os traballos están feitos por niveis ou ciclos, amosámosvos este poster con todos.

AS NOSAS RECOMENDACIÓNS PARA ESTE NADAL

2011-12-17T02:33:00.000-08:00

Esta é a nosa pequena aportación dende a Biblioteca, recomendando a lectura no Nadal.

TEATRO PARA ESTE VENRES DE VIVA VOZ

2011-12-16T06:36:00.000-08:00

Os nenos e as nenas de 4ºB no Venres de Viva Voz, fixemos unha pequena representación da obra El pajarillo herido.

Trata dun paxaro ferido que vai pedindo acubillo as distintas árbores do bosque para poder pasar o inverno. Só o abeto lle ofrece fogar e é por iso polo que o abeto non perde as súas follas.

Grazas por este traballo!!!

CONTRA O FUME NO NOTICIEIRO ECOLÓXICO

2011-12-16T06:17:00.000-08:00

Os nenos e as nenas de 1ºA traballamos o cambio climático.

As fábricas botan moitos fumes e contaminan moitísimo. Por iso fixemos uns carteis nos que expresamos que non queremos fumes, nin contaminación.

Gústanos moito a natureza e temos que coidala para que o noso planeta Terra, estea limpo e san.

TARDE DE CONTO E DE PAPIROFLEXIA

2011-12-15T07:06:00.000-08:00

Esta nova convocatoria de Mércores de Conto xuntounos a moitos, de tal xeito que non poidemos estar na nosa Biblioteca, porque o espazo era insuficiente.

Grazas a Portal Rodríguez, a nosa mestra de pintura de Actividades Extraescolares, que nos convocou para traballar nun obradoiro de papiroflexia. Aprendeunos a facer moitas actividades con papel, e pasamos unha tarde moi pero que moi divertida.

E para rematar fainos un gran agasallo!!!

XUNTANZA CLUBES LECTURA

2011-12-14T02:43:00.000-08:00

Este martes 13 e o mércores 14, no recreo, fomos convocados na primeira xuntanza os clubes de lectura Locos por los libros e Libros & Company para comentar o libro Relatos para un tempo novo.

Este pequeno libro contén tres historias independentes, creadas por tres escritores moi importantes da nosa literatura: Xoán Babarro, Mª Victoria Moreno e Agustín Fernández Paz. Os textos fixéronnos afondar en tres temas principais: O Misterio, o Racismo e o Amor.

Queredes saber cal foi o que máis nos gustou? Pois Pan con chocolate, onde Eva escribe a Adonay, un rapaz xitano, compañeiro de escola e o seu primeiro amor, unha preciosa e conmovedora carta. El é un dos desaparecidos polo temporal que levou por diante a cidade e o poboado xitano...

Pero tamén temos que mencionar que Unha pedra na area nos deixou unha forte pegada: a través do diario de Alba descubrimos que a aparición dun meteorito na praia lle vai axudar a superar a indecisión de poder saír co seu amigo Xabier.

Aquí tendes unha reportaxe fotográfica sobre as nosas xuntanzas:

Grazas a todos e todas pola vosa colaboración, e á profe Luz polo seu traballo!!!

CEN ANOS DE ÁLVARO CUNQUEIRO

2011-12-13T09:33:00.000-08:00

No ano 2011 que estamos a piques de rematar celebramos o Centenario do nacemento de Álvaro Cunqueiro.

Aínda que nado en Mondoñedo, a nosa cidade (Vigo) tivo unha grande significatividade na súa vida. E Don Álvaro é tamén, para os vigueses, un sinal de identidade, igual que o Celta, o Cristo da Victoria ou o Faro de Vigo, xornal no que desenvolveu a súa tarefa periodística. Aínda sen telo coñecido, o seu espírito campa polas nosas rúas, e o seu nome evoca relatos fantásticos, parrafadas cos amigos na Taberna de Elixio ou o sabor dun bo prato da terra.

Achegámosvos estas presentacións que ten realizado Elvira Roiz, do IES Concepción Arenal, e que a súa compañeira Ana Vizoso nos deu a coñecer a través do PLAMBE.

Grazas a ambas as dúas por achegarnos dun xeito tan sinxelo e claro a esta figura clave na nosa literatura.

Podedes aprender co resto das presentacións neste enlace.

A VOLTAS CO BET

2011-12-10T14:25:00.001-08:00

Xa casi un mes despois de se celebrar en Santiago o Congreso Bibliotecas Escolares en Tránsito, voltamos retomar o tema.

Porque os materiais do Congreso xa están publicados, e é bo difundilos e dalos e coñecer. Atoparédelos neste enlace.

E porque me gustaría que tamén experimentárades a emoción que creo que sentimos todos e todas as presentes cando escoitamos o discurso inaugural do Ministro de Educación, Ángel Gabilondo. Porque, independentemente da nosa cor política, o que é innegable é que se trata dun home mesurado, e ponderado. Deixounos mensaxes tan fermosos como:

Aínda que pareza mentira, hai moitas cousas que podemos facer xuntos (...) porque precisamos uns dos outros.
Biblioteca Escolar é sinónimo de afecto, sentido, forza, verdade.
Un non deixa de aprender a ler toda a vida.
O que non se evalúa, devalúase.
Ler é vivir (Flaubert).

Espero que disfrutedes e aprendades moito (aínda que non sexa en vivo e en directo).

IDEAS PARA UNHA EDUCACIÓN DO SÉCULO XXI

2011-12-10T12:10:00.001-08:00

Este é o título dun post que veño de atopar no blog do meu amigo Fran Iglesias.

Coma sempre, elaborado con grande meticulosidade e con argumentos sólidos. Sen desperdicio. Para apoiarnos na idea de traballar con proxectos documentais integrados, de xeito globalizado, e empregando soportes variados.

Atoparedes o seu blog nesta dirección:

http://franiglesias.tumblr.com/

e ese artigo que tanto me gustou, neste enlace.

Espero que vos guste tanto como me gustou a min.

10 de decembro: DÍA DOS DEREITOS HUMANS

2011-12-10T11:48:00.001-08:00

Facemos hoxe pública esta entrada conxunta dos blogues das Bibliotecas Escolares de Galicia. Unha entrada que fala dunha fermosa iniciativa: o Bubisher, ou... como podemos colaborar todos e todas para difundir a lectura entre os campamentos de refuxiados saharauis...?

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

NOVA TARDE DE CONTOS

2011-12-07T13:09:00.000-08:00

Hoxe día 7 de Decembro na Biblioteca do cole tivemos un novo contacontos.

Nesta ocasión escoitamos a Roberto, pai da nosa compañeira de 3 anos, Icía . Primeiro contounos o conto Grandes contra pequenos, no que un sapo pícase cunha raposa e decláralle a guerra. Logo, sempre moi atentos, escoitamos O porquiño, que falaba dun porquiño que vivía nunha granxa. Como o disfrutamos!!!

Ó rematar, coloreamos, pintamos e recortamos os personaxes que apareceron nos contos.

Grazas, Roberto, por esta tarde tan animada!!!

TRADICIÓNS NAVIDEÑAS, LENDAS E OS PLANETAS PARA UN NOVO VENRES

2011-12-07T06:15:00.001-08:00

Este venres día 2 de decembro, os nenos e as nenas de 6º B participaron un venres máis alzando a súa voz, e formaron tres grupos de traballo.

O primeiro grupo expresa a súa opinión sobre as tradicións navideñas. De xeito moi orixinal, este grupo falounos das tradicións navideñas en Escocia e Brasil. Logo, interpretaron unha canción de Nadal en inglés, titulada: Rudolph the red nose reindeer.

O seguinte grupo investigou sobre as lendas. Fálannos da Lenda do Bosque da Moura e da Lenda da Santa Compaña.

Tamén fan unha interpretación moi interesante da Santa Compaña.

O último grupo interesouse polos Planetas.

Durante a vídeo, explícannos o misteriosos e fascinantes que son os Planetas.

PERCORRENDO A BIBLIOTECA NACIONAL

2011-12-06T13:12:00.000-08:00

Neste mes de decembro, a nosa Biblioteca Nacional cumple 300 anos.

Foi fundada en 1711 por Felipe V. E, para celebrar esta data tan sinalada, estase a preparar unha exposición que comezará o día 14 de decembro.

Sabedes que se fai na Biblioteca Nacional...? Efectivamente, é o lugar onde se almacenan exemplares de todos os libros e documentos que se publican no noso país. Nela se conservan auténticas alfaias do noso patrimonio literario e cultural. Pero non só iso: ademais, ese patrimonio hai que restauralo, dixitalizalo (para preservalo) e difundilo.

Neste vídeo, os propios traballadores da Biblioteca Nacional nos explican como e en que traballan. Agradecemos a Asun Arufe, do CPI Viaño Pequeno, que nolo dera a coñecer.

3 de decembro: DÍA INTERNACIONAL DAS PERSOAS CON DISCAPACIDADE

2011-12-03T12:14:00.000-08:00

Cando os xordos tamén poden facer música.

O Día Internacional das Persoas con Discapacidade ten como finalidade axudar a entender a discapacidade, promover os dereitos das persoas que a padecen e dar a coñecer os beneficios que se derivarían da integración destas persoas na vida social, política e cultural das súas comunidades.

Esta xornada mundial foi aprobada no ano 1982 pola Asamblea da ONU. O lema deste ano é: Xuntos en pro dun mundo mellor para todos, que comprenda a participación das persoas con discapacidade no desenvolvemento.

E... que mellor forma de integrar ós xordos que dándolles participación nun concerto...?

Deixamosvos con este video gravado no Auditorio Nacional de Música de Madrid o 13 de xuño de 2010. Un concerto titulado Voces para la Paz 2010, dirixido por Miguel Roa, e no que colaborou o Coro Xestual do Instituto Ponce de León de Madrid. Cantan unha peza ben coñecida por todos: Alma llanera, de Elías Gutiérrez.

Por outra banda, no ITE (Instituto de Tecnoloxías Educativas) atopamos diferentes recursos para tratar o tema da discapacidade que podedes consultar neste enlace.

Disfrutade e integrade.

OS NENOS DE INFANTIL ANÍMANNOS A "REDUCIR O CONSUMO DA LUZ"

2011-12-03T02:17:00.000-08:00

Os nenos e nenas de 4 anos B atoparon unha nova moi interesante no xornal: Na rúa Aragón van facer un plan experimental para aproveitar auga da chuvia e dun riachuelo subterráneo e así producir luz.

A partir desta nova estivemos buscando información sobre como axudar á terra para non esgotar os seus recursos, e aprendimos que hai que reducir o consumo de luz. Tamén creamos o noso noticieiro ecolóxico.

Para comprobar todo isto, convertímonos en vixiantes do cole, e todos os días, antes de saír ao patio, temos que apagar as luces. Tamén temos que vixiar na casa o consumo excesivo da corrente, para ir reducíndoo.

Grazas, nenos e nenas de 4 anos, por querer axudar á Terra!!!

TRABALLANDO O OLFACTO

2011-12-02T04:08:00.000-08:00

O mércores de conto desta semana estivo connosco Montse Vázquez, a nai de Sabela e Silvia. Contou a historia de Garavanciño moi, pero que moi ben contada.

Despois fixo un obradoiro de arrecendos de plantas aromáticas e de máis cousas. Para rematar, xogamos a un bingo de recoñecer plantas e outras substancias polo seu olor. Non foi tan doado. Paréceme que temos unha asignatura pendente: traballar un pouco máis o sentido do olfacto... Só houbo unha gañadora.!!!!!!!!

Montse agasallounos con plantas aromáticas para sementar.

Grazas Montse, foi unha tarde moi divertida.!!!!!!

FESTA NAS BIBLIOTECAS ESCOLARES

2011-12-01T14:01:00.001-08:00

A mañá, hoxe, comezou dun xeito inesperado e estupendo...

... Porque, ó abrir o correo electrónico, atopamos unha mensaxe das nosas asesoras de bibliotecas escolares (Cristina e Pilar) comunicándonos a marabillosa nova de que seis das nosas bibliotecas recibiran un Premio Nacional de Boas Prácticas:

Modalidade A (EEI, CEIP, CEE e EPA):

1º premio: CEIP A Lama (Pontevedra)
2º premio: CEIP Condesa de Fenosa - O Barco (Ourense)
3º premio: CRA de Ribadumia (Pontevedra)
3º premio: CEP Xosé María Brea Segade de Taragoña - Rianxo (A Coruña)

Modalidade B (IES, FP, Ensinanzas artísticas e Escolas de Idiomas):

3º premio: IES de Celanova (Ourense)
3º premio: IES Alexandre Bóveda de Vigo (Pontevedra)

Como sabemos o moito traballo silencioso que se agacha detrás destes premios, as moitas horas de adicación, as ledicias, e, tamén, ás veces, os sinsabores, só queremos dicirvos... PARABÉNS! ESTAMOS TODOS MOI LEDOS!

E, de xeito moi especial, queremos felicitar a Beni (o noso veciño do IES Alexandre Bóveda) e a Rafa e Cristina, do CEIP A Lama, que, hai un par de anos, estiveron visitando a nosa Biblioteca.

E, para rematar, presentámosvos a Leo, a mascota da biblioteca escolar do CEIP A Lama. Se premedes nel, poderedes gozar do seu blogue e comprobar que, ese primeiro premio, é máis que merecido.

ESTA FIN DE SEMANA, TODOS A CULTURGAL

2011-11-30T14:20:00.001-08:00

A cita anual do Culturgal será esta fin de semana no Pazo da Cultura de Pontevedra.

E que é o Culturgal? A feira da cultura galega. Con propostas para todos e todas (música, libros, creación audiovisual, artes escénicas, deseño, internet, novas tecnoloxías...). E cun fantástico programa para toda a familia.

Información sobre a Feira

Programación infantil

Un bonito xeito de disfrutar do noso ocio familiar. Animádesvos...?

MARCO DE REFERENCIA PARA AS BIBLIOTECAS ESCOLARES

2011-11-30T10:36:00.001-08:00

No pasado Congreso Bibliotecas Escolares en Tránsito, celebrado en Santiago de Compostela, presentouse este documento, elaborado pola Comisión Técnica de Bibliotecas Escolares.

Nesta Comisión están representados os ámbitos autonómicos relacionados coas bibliotecas escolares. Polo tanto, o documento é froito da experiencia e do consenso. Estivo coordinada por Ana Bernal (Navarra), Casildo Macías (Extremadura) e Cristina Novoa (Galicia).

No documento abórdanse variados aspectos sobre as bibliotecas escolares: modelo de biblioteca escolar, ámbito de actuación, recursos e materiais, organización, formación do profesorado, avaliación, cultura dixital...

Un documento que todo bibliotecario ou bibliotecaria escolar debera ter como "libro de cabeceira". Aquí tendes o enlace para poder descargalo.

CASSANY FALA DE BIBLIOTECAS

2011-11-30T09:49:00.001-08:00

Daniel Cassany

Profesor titular da Universitat Pompeu Fabra

Hai apenas quince días, Daniel Cassany participaba no Congreso Bibliotecas Escolares en Tránsito, celebrado en Santiago de Compostela.

A través de Cristina Novoa, asesora de Bibliotecas Escolares, chéganos este artigo publicado na Revista Escuela, no que o autor rememora o Congreso e aporta a súa visión sobre como imaxina unha biblioteca escolar.

Bibliotecas

En el pasado congreso de Bibliotecas Escolares en Tránsito, en Santiago, me preguntaron cómo imaginaba una biblioteca escolar. La pregunta tiene trampa: ¿No tendrán pronto todos los centros wifi, portátiles y repositorios en línea de material didáctico? Entonces... ¿tiene sentido gastar dinero en libros y estantes?

¡Pues sí! Para mí la biblioteca es un espacio de futuro, un entorno flexible para desarrollar la competencia en información que hoy necesitan los niños, en este mundo digital, globalizado, multicultural e infoxicado. Quizás Internet facilite el acceso a miles de textos, pero darles sentido y convertirlos en conocimiento es otra cosa. Hoy leer es más difícil que ayer, porque hay más textos, en más soportes y lenguas, y con más basura incrustada (exageraciones, mentiras). Los modos de producir, distribuir y recibir datos evolucionan a ritmo frenético, sin descanso. La formación inicial y continuada en información es imprescindible.

La biblioteca escolar es un lugar, una actividad y un concepto para atacar esta necesidad. Por supuesto, no me imagino una sala de lectura con cajones repletos de fichas de papel, estantes cerrados con candados o carteles pidiendo silencio. Hoy hablamos de CRA o CRAE (centros de recursos para el aprendizaje y la enseñanza) e imaginamos sitios con wifi, enchufes eléctricos, libros y equipamiento informático, con mesas y cabinas para el trabajo en grupo y el visionado de vídeos, con técnicos especializados que asesoran al alumno y colaboran con el docente, con una web potente, interactiva y cargada de vínculos y contenidos, con un horario generoso, dentro y fuera de las asignaturas. Imagino un CRAE que busca los mejores materiales de la red y los adapta a cada materia; gestiona la plataforma de aprendizaje de los alumnos y de coordinación de los profesores (Moodle); prepara y documenta las actividades extraescolares y los proyectos interdisciplinares; orienta a los chicos que leen y escriben en su tiempo libro; actúa de motor de los proyectos educativos del centro. Tiene docentes especializados, formados en documentación e informática, con contrato permanente. Forma parte de una red provincial, autonómica y estatal de bibliotecas escolares, que comparten proyecto, recursos e iniciativas. Lo pagan nuestras instituciones educativas y culturales, de cualquier color político, porque así lo exige la ciudadanía.

Como cantó John Lennon: You may say that I’m a dreamer, but I’m not the only one. I hope someday you’ll join us...

Realmente clarificador!

TRADICIÓNS DE NADAL

2011-11-27T11:05:00.000-08:00

O Nadal encerra múltiples tradicións en diferentes puntos do mundo que, por costume, asumimos ano tras ano sen preguntarnos, moitas veces, que significado teñen no conxunto de celebracións que marcan estas entrañables datas.

Típicos do Nadal son elementos ornamentais como o mofo no nacemento, a árbore, a poinsettia, o rusco... que imos investigar.

NOVAS PRODUCCIÓNS DE BANDA DESEÑADA

2011-11-27T04:12:00.000-08:00

O grupo de 5ºB comezou a crear algún cómic a partir dunha das súas visitas ao patio.

Tratábase de ver como estaba neste outono a súa árbore apadriñada o ano pasado.

Ides comprobar que a súa maceira tiña as follas repletas de cores do outono: amarelos, laranxas, marróns...

DOCUMENTAL SOBRE MADAGASCAR

2011-11-27T02:27:00.000-08:00

Os alumnos e alumnas de 5º B preséntannos neste novo Noticieiro Ecolóxico un Documental sobre a Illa de Madagascar.

Eles descubriron, grazas a unha revista que ía nas nosas mochilas viaxeiras, que é un dos lugares do noso planeta con maior biodiversidade.

Tentados pola curiosidade, puxéronse mans á obra e investigaron sobre esta illa chea de tesouros.

No seu documental tratan unha gran variedade de aspectos coma: a súa localización, diferentes aspectos xeográficos, a flora, a fauna, a súa problemática medioambiental...

GRAZAS A TODO O EQUIPO DESTE GRAN DOCUMENTAL!!!

UNHA TARDE DE MARIONETAS

2011-11-25T15:09:00.000-08:00

Este Mércores de Conto xuntámonos na Biblioteca moitísimos alumnos e alumnas.

A mamá de Anxo (4ºA) e Noel (2ºA), Isabel Barbosa, contounos o conto titulado: SILENCIO.

Combinado con marionetas e en colaboración con todos nós, fixo as ledicias dos que alí estabamos.

Despois tamén realizamos as nosas marionetas.

Grazas Isabel, pola túa colaboración !!!

UN CIRCO NO VENRES DE VIVA VOZ

2011-11-25T14:32:00.000-08:00

Tamén comezou unha nova andaina dos Venres de Viva voz en Infantil.

Os nenos e nenas da clase de 5 anos A e a súa profe Conchi representaron un Circo xenial e moi ben organizado. Preparados porque comeza a función!!!

Un aprauso para este circo tan especial!!!

DÍA INTERNACIONAL CONTRA A VIOLENCIA DE XÉNERO: 25 de Novembro

2011-11-23T12:16:00.000-08:00

Un ano máis (por desgraza) colgaremos do noso peito os lazos lilas, reivindicando a loita contra o Maltrato de Xénero.

Ante todo unímonos a Enlaza Vigo que é unha iniciativa do Consello Municipal da Muller e da Concellaría de Igualdade do Concello de Vigo para o desenvolvemento dunha gran cadea humana na cidade o vindeiro 25 de Novembro de 2011, co gallo do Día Internacional contra a Violencia de Xénero.

O 25 de novembro lembramos ás mulleres que, día a día, padecen no seu fogar o inferno da violencia machista.

Para iso imos amosarvos unha serie de cancións que tratan este tema:

En tu ventana de Andy y Lucas:

Salir corriendo de Amaral:

La bella y La bestia de Porta:

E, por último, aquí tedes unha guía para rapazas e rapaces. Aprenderavos a vos defender das agresións, a evitalas e a convivir en igualdade, para, entre todos, poder mellorar este mundo.

UN CONTO DE MAGOSTO NO VENRES DE VIVA VOZ

2011-11-20T04:13:00.000-08:00

Os nenos e nenas de 2º A estiveron preparando o conto A Castaña que rebentou da risa...

Así pois, o venres xuntáronse na súa aula e invitaron a outros compañeiros e...

...se queredes saber máis, mirade este vídeo!

MIÑA LINGUA GALEGA...

2011-11-19T09:00:00.000-08:00

A lingua sabe a pan...

Este é o título do Lipdub do CPI Virxe da Saleta de Cea sobre unha versión de Sweet Home Alabama de Lynyrd Skynyrd, popularizada por Siniestro Total como Miña Terra Galega.

Sobre unha idea de Álvaro Cunqueiro, naceu a letra de A Lingua Sabe a Pan. Contou coa participación de todo o alumnado do CPI e dos músicos Pedro Feijoo e Charly Lincoln que gravaron, misturaron e produciron nos estudios Muu! de Vigo.

AS PERSONAXES DO COMIC

2011-11-19T05:32:00.000-08:00

Esta semana seguimos a traballar sobre o cómic e imos investigar sobre as diferentes personaxes.

Por iso presentamos o noso primeiro traballo sobre algunhas das personaxes coñecidas por todos vós:

Agora imos repasar todas estas imaxes e comprobar se coñecedes as portadas destes cómics:

E para rematar, o noso agradecemento ó CEP Doutor Fleming polo seu LIM sobre os nomes das personaxes do cómic.

OS CÓMICS TAMÉN SON PARA INFANTIL

2011-11-17T14:03:00.001-08:00

E senon, que llo pregunten ós nenos e nenas do CEIP Virxe da Barca, de Muxía.

Os profes do seu cole teñen creado un fantástico cómic para que a rapazada repase as vogais. Titúlase Roquiño e o rato. E... quen é Roquiño...? Pois ven sendo a mascota da biblioteca do cole.

Como poderedes ver neste enlace ó Blog de Roquiño, o resultado é fantástico. Só hai que ter unha boa historia que contar.

Grazas por compartilo, e a Susana (de Os Muíños) por nolo contar!

UN NOVO MÉRCORES DE CONTO

2011-11-17T05:13:00.000-08:00

O pasado mércores 16 de novembro tivemos unha nova contacontos, Nuria, coa que pasamos unha tarde de ledicia.

Contounos algúns dos nosos contos favoritos e as veces traballamos e interactuamos con ela. E, ó remate, coroleamos as personaxes.

Grazas pola túa colaboración!

Se premedes na foto podes ver o álbum enteiro.

BIBLIOTECAS DE PELÍCULA

2011-11-16T14:59:00.001-08:00

Como xa sabedes, a fin de semana pasada celebrouse o Congreso Nacional Bibliotecas Escolares en Tránsito.

Nos descansos entre as ponencias, en distintos espazos proxectouse un fantástico vídeo rodado en diferentes bibliotecas de Galicia.

Podedes atopar a información na páxina web de Bibliotecas Escolares de Galicia. Sen embargo, como o vídeo non ten desperdicio, e como as ideas son moitas, boas e moi variadas, aquí volo deixo.

UN VENRES DE VIVA VOZ MOI VARIADO

2011-11-16T13:02:00.000-08:00

Estas foron as propostas dos alumnos e alumnas de 4ºA para os Venres de Viva Voz.

Como veredes, decantáronse por recitarnos unhas poesías relacionadas coas catro estacións.

Tamén nos falaron dalguns animais como as tartarugas, o tigre blanco, os linces...

e das setas e dos fósiles...

INVESTIGANDO SOBRE O MAGOSTO

2011-11-16T04:01:00.000-08:00

Os nenos e nenas de 2º estiveron a traballar uns sinxelos refráns, cantigas e adiviñas relacionadas co Magosto. E agora queren compartilas con todos nós. Aquí deixan un pequeno vídeo. Todos esperamos que vos guste!

RESULTADOS DA WEBQUEST "XA CHEGA O SAMAÍN ..."

2011-11-16T02:58:00.001-08:00

O noso alumnado xa coñeceu ao seu curmán en Estados Unidos, Canadá, Irlanda... e explicoulle en que consiste a nosa festa e cales son as diferenzas e semellanzas coa do seu lugar de procedencia.

Lembra a proposta da webquest no seguinte enlace.

ÁLBUM ILUSTRADO NOVEMBRO

2011-11-14T12:31:00.000-08:00

Comenzamos a pasada semana coñecendo de novo algúns álbumes ilustrados.

Para iso, no noso pequeno recuncho adicado a eles comenzamos a ler os seguintes libros: Pétala e La sorpresa de Nandi.

TÍTULO: La sorpresa de Nandi

AUTOR: Eileen Browne

ILUSTRADOR: Eileen Browne

EDITORIAL: Ekaré

TÍTULO: Pétala
AUTOR: Pep Bruno
ILUSTRADOR: Luciano Lozano
EDITORIAL: OQO

Primeiro disfrutamos coa lecturas e análises das ilustracións:

Tamén tivemos a sorte de que a nosa teacher lera para nós Handa's Surprise que é a versión orixinal da Sorpresa de Nandi

E despois votamos polo noso álbum favorito, comprobando que gañou por maioría A sorpresa de Nandi:

Eiquí tedes un video cunha fermosa música para volver a ler a Nandi.

Neste vídeo amosámosvos a posibilidadede de realizar un conto con plastilina como fixo o Seaton Primary School en Devon (USA)

Tamén podes intentar facer un puzzle so tes que premer na foto

CAMBIANDO O PARADIGMA

2011-11-12T15:02:00.001-08:00

Estes días estivemos en Santiago disfrutando (e aprendendo, que é co que máis disfrutamos) do Congreso Nacional Bibliotecas en tránsito.

Joaquin Rodríguez falaba da necesidade dun cambio de paradigma, no que o profesor asuma o papel de mediador (frente ó de informador) e o alumno o de creador (frente ó de reprodutor do coñecemento).

De volta, a nosa compañeira e amiga Ángeles Escribano agasállanos con este vídeo que recolle a actuación de Ron Lalá no Congreso Internacional Educared 2011. Con grande humor e mestría abordan, tamén, a necesidade de que o profesorado adopte como propias as ferramentas da web 2.0.

Como nos contou Daniel Cassany no Congreso Bibliotecas en tránsito, seguramente os nosos alumnos e alumnas teñan moi poucos problemas para navegar na Internet e para empregar estas ferramentas. O problema é que comprendan o que len na Internet. E, para iso, os adultos estamos mellor preparados. Rosa Piquin e Puerto Menendez (expertas en educación documental) abundaban en que a dificultade está en que os rapaces deixen de copiar e pegar e aprendan a anotar e a facer un uso ético da información que está a disposición dos usuarios na Rede.

A obriga dos adultos, dos mestres, é guiar ó alumnado nese camiño de búsqueda. Para iso, temos que coñecer e empregar (indubidablemente) as tecnoloxías, pero sen perder o norte: as tecnoloxías non son máis que iso, tecnoloxías. O importante é que, con elas, conquiramos aprender mellor.

3ª EDICIÓN DOS VENRES DE VIVA VOZ

2011-11-11T14:42:00.001-08:00

Os alumnos e alumnas de 6º A continuaron co seu novedoso formato para o seu Venres de Viva Voz.

Decidimos facer un debate para a actividade da biblioteca “Venres de Viva Voz” porque encántanos expresarnos e escoitar distintas opinións. Despois de isto aínda quedábanos o tema a tratar no debate, pero enseguida chegamos a un acordo xa que a todos nos parecía interesante traballar sobre a interrogante “Hai vida fóra do noso planeta?”. Buscamos información, adaptámola á posición que tocounos defender e aquí está o resultado, esperamos que vos guste.

NOTICIEIRO ECOLÓXICO: A ILLA DE "EL HIERRO"

2011-11-11T14:19:00.000-08:00

Os nenos e as nenas de 1ºB quixeron facer a súa Noticia Ecolóxica sobre o problema que na actualidade están a padecer os habitantes da illa de "El Hierro", polo volcán submarino.

Ante todo os alumnos/as sitúannos nun mapa establecendo dous puntos importantes: a nosa cidade Vigo e a illa situada nas Illas Canarias.

E, xa por último, explícannos no seu mural todos os problemas que conleva esta crisis sismovolcánica, como a subida da temperatura da auga, a morte de moitos peixes, a aparición de especies mariñas de augas máis quentes, a prohibición da pesca nesa zona,...

MÉRCORES DE CONTO

2011-11-09T14:15:00.000-08:00

Hoxe comezaron as nosas tardes de conto con Raquel Solla e Mª José Collazo como axudante.

Hoxe Raquel contounos dous contos moi chulos e representounos, con paisaxe e personaxes, as historias. Todos participamos na contada e despois fixemos algunhas actividades sobre ela e... os papás e mamás tamén estiveron moi atentos. Unha sesión moi agradable !!!

COMEZAMOS A TRABALLAR EN FORMATO COMIC

2011-11-05T06:10:00.001-07:00

Xa empezamos a ter as primeiras producións de banda deseñada creadas polos alumnos/as de 6ºB.

Neste caso o tema é o Samaín e o Halloween, e representan a conversa entre calacús e Jack-o-lanterns, incidindo nas diferenzas e similitudes entre ambas celebracións.

ARRANCA NESTE CURSO O NOSO NOTICIEIRO ECOLÓXICO

2011-11-04T06:19:00.000-07:00

Os alumnos e alumnas de 5 anos B inauguraron hoxe o Noticieiro Ecolóxico.

Unha cita semanal para reflexionar sobre a Natureza e a Ecoloxía no mundo.

Nesta ocasión, os alumnos e alumnas de Educación Infantil infórmannos sobre a situación do noso planeta e dos nosos bosques e nolo fan saber no seu noticieiro tan persoal:

REFRÁNS DO OUTONO

2011-11-03T15:45:00.000-07:00

Novembro, mes da Tradición Oral.

Chega o tempo dos magostos, dos ditos e dos refráns. E hoxe traemos aquí o fantástico traballo do C.E.I.P. Esteiro de Ferrol. Fermoso pola forma e polo fondo.

Grazas por compartilo connosco.

http://bibliotecaceipesteiroferrol.blogspot.com/2011/11/refrans-para-o-outono.html

OS DIFUNTOS FALABAN CASTELAO

2011-10-28T14:43:00.000-07:00

Chega o Samaín, tempo de defuntos, de medo, de cemiterios e de morte.

E a literatura bota man destes temas a cotío.

Baseándose no relato de Ánxel Fole titulado A lus do candil, ofrecémosvos hoxe esta curtametraxe: Os difuntos falaban castelao, realizada por Algarabía Animación e Lúa Films, co patrocinio da Xunta de Galicia. Recibiu o Premio Galiza no Certame Audiovisual do Casino de Vilagarcía, no ano 2001, e a Mención de Honra no Festival Internacional de Cine Inédito de Islandilla, no mesmo ano.

Grazas a Gloria, do IES Castelao (Vigo) por nos lembrar este marabilloso recurso que xa tiñamos esquecido.

E se queres ver mais videos, nesta ocasion, que relacionen musica e medo, visita As cousas de Avelino.

OS BOLECHAS VISITAN A BIBLIOTECA

2011-10-26T14:45:00.000-07:00

Para festexar o Día da Biblioteca, as propostas multiplícanse nos centros do PLAMBE.

Así, Luis Real, coordinador do Equipo de Biblioteca do CEIP Curros Enríquez, de Celanova, ofrécenos este fantástico vídeo baseado no conto Os Bolechas queren saber como é unha biblioteca.

Un material estupendo para iniciar ós máis cativiños na Formación de Usuarios. Seguro que lle tiramos proveito!

Grazas, Luis!

NO DÍA DAS BIBLIOTECAS, CELEBRAMOS...

2011-10-24T14:15:00.000-07:00

...O cumpreanos de Frianciño!!!

Como a nosa mascota cumpre anos o Día das Bibliotecas, durante esta semana imos festexar por todo o alto este acontecemento.

Que cantos anos cumpre...? Chsst...! Ese é un segredo moi ben gardado. Porque, como a algunhas mulleres, a Frianciño non lle gusta que ninguén lle pregunte pola idade.

Como en todo cumpreanos que se precie, fixemos unha tarta de moitas cores. Hum...! Todo o mundo quería saboreala. Logo, os profes repartiron caramelos. E agora, como estamos en débeda, esta semana teremos que preparar un agasallo para lle ofrecer a Frianciño.

Mirade aquí o ben que o temos pasado.

Feliz cumpreanos, Frianciño!

24 de OUTUBRO: DÍA INTERNACIONAL DAS BIBLIOTECAS ESCOLARES

2011-10-23T14:37:00.000-07:00

O 24 de outubro celebramos o Día Internacional das Bibliotecas Escolares. Pero... sabedes por que...?

Pois ata hai unhas horas, eu tampouco o sabía. Pero sempre hai algún bo amigo ou amiga que sabe respostar ás nosas preguntas, aínda sen telas feito.

O Día Internacional das Bibliotecas Escolares instituíuse no ano 1997, a instancias da Asociación Española do Libro Infantil e Xuvenil. Con esta acción pretendíase lembrar a destrución da Biblioteca de Sarajevo, incendiada en 1992, durante a Guerra de Bosnia.

Xa vedes... a guerra e a cultura lévanse moi mal!

Canto mellor nos levaríamos no mundo se, en lugar de empuñar armas, léramos libros!

ALGO SE ESTÁ A COCIÑAR...

2011-10-21T15:09:00.000-07:00

CHEGANDO O SAMAÍN, E O HALLOWEEN TAMÉN!!!

2011-10-20T18:27:00.000-07:00

Estamos ás portas dun novo Samaín, época do ano na que se xuntan o mundo dos vivos e dos mortos, e que, coas diferenzas propias dos tempos, ten unha influencia que chega ata os nosos días.

Conta o dicir popular…”Chega o outono e con el as castañas, as caveiras de melón, os calacús; chegan as augas e os tempos escuros, remata o verán e encétase o inverno, vaise a calor e vén o frío; acaban as romarías ao sol e inícianse os fiadeiros a carón do lume: son os tempos de Samhaín."

E, para coñecer algo máis as semellanzas e diferenzas entre estas dúas festas, propoñémosvos o seguinte traballo nesta webquest:

BAILANDO EN ROSA

2011-10-19T14:09:00.000-07:00

Porque tamén temos que aprender a ler iconos, hoxe imos explicar o siñificado deste lazo rosa.

O 19 de outubro celebramos o Día Internacional contra o Cancro de Mama. Moitas persoas de todo o mundo levan hoxe no seu peito un lazo rosa coma este. Deste xeito queren indicar que están sensibilizadas contra esta enfermidade que, como me lembra hoxe a miña amiga Mayra, han padecer 1 de cada 8 mulleres.

Coma homenaxe a todas esas mulleres que coñecemos (e teñen nome e apelidos), esas heroinas que cada día nos demostran que a vida é bela e que medran ante a adversidade, este vídeo que protagonizan os traballadores e traballadoras da Unidade de Mama de Cádiz.

Adicado a todas as miñas amigas e compañeiras que son expertas en nos dar exemplo de entereza (A., B., E., L., M., M.C., M.D., M.T....)

PRIMEIRA REUNIÓN CLUBES DE LECTURA

2011-10-18T08:15:00.000-07:00

Locos por los libros e Libros & Co reunímonos hoxe, martes 18 de outubro, na biblioteca do noso centro, para inaugurar o clube de lectura deste curso 2011-2012. E, para cargar pilas, tomamos unha merenda que preparou para nós a profe Luz mentras falabamos dos libros lidos nas vacacións de verán, tratando de "enganchar" aos que non leron.

Logo fixemos algunha foto todos xuntos, para lembrar este intre.

Finalmente, a profe, repartíu o primeiro libro deste ano: RELATOS PARA UN TEMPO NOVO.

Xa vos contaremos algún relato e de seguro que tamén crearemos outros.

Aquí tendes o resumo en fotos da nosa primeira reunión.

APRENDENDO SOBRE OS COMICS

2011-10-13T09:39:00.001-07:00

Este curso, dentro da nosa Formación de Usuarios, queremos chegar ao traballo co cómic ou banda deseñada partindo dunha breve explicación sobre a historia deste, unha definición, as súas características ... ata chegar a un traballo práctico co alumnado.

Tentamos chegar así a descubrir o recurso do cómic como unha combinación de imaxes con outros recursos escritos que son de gran importancia dende o punto de vista perceptivo, valorativo e cognitivo no mundo infantil e xuvenil.

Aproveitamos o magnífico traballo do CEIP A Ramallosa sobre a importancia da lectura do cómic para arrancar así o noso traballo, que esperamos teña un final espléndido do que podamos disfrutar todos e todas.

PRIMEIRA CONVOCATORIA CLUBES DE LECTURA CURSO 2011-12

2011-10-12T19:29:00.000-07:00

Convócase a todos os membros dos "Clubes de Lectura" do noso Centro, a unha reunión que terá lugar o día 18 de Outubro durante o recreo, ás 11:30, na nosa Biblioteca para tomar o primeiro contacto e recoller os libros.

Neste curto acercamento aproveitaremos o tempo e faremos unha pequena merenda que nos servirá para centrarnos mellor na lectura posterior, que a ben seguro, será positiva. Máis adiante poremos unha data para expór as nosas vivenzas sobre o libro lido.

Esperamos que veñades con moitas ganas de ler e tamén, como non, de contar as vosas viaxes a través dos libros que liches durante este verán.

Por último, diciros que, se tedes algunha idea para mellorar o clube de lectura, o que podedes facer é compartila.

Moitas grazas e non vos esquezades da data da xuntanza.

ROMPENDO PARADIGMAS NA ESCOLA

2011-10-12T15:17:00.000-07:00

Un orixinal vídeo creado sobre as marabillosas reflexións de Sir Ken Robinson.

Ken Robinson é un educador e conferenciante británico, especialista en creatividade, calidade do ensino e innovación educativa que, na década dos 80, se embarcou nun proxecto para mellorar o ensino e a aprendizaxe das artes nas escolas británicas.

No ensino, como en outros moitos aspectos da vida, parecen existir moitas verdades inamovibles. Pero... e se non fora así...? O autor propónnos superar algúns mitos:

a dicotomía entre o "académico" e o "non académico";
a "certeza" de que unha boa aprendizaxe só pode levarse a cabo individualmente;
os "habitos" e "habitats" que ocupan institucions coma a escola.

Espero que disfrutedes deste magnífico vídeo, e que, sobre todo, vos fagades moitas preguntas.

Grazas, Ángel, por nos ofrecer este agasallo.

STEVE JOBS, OU COMO LER DO QUE A VIDA NOS APRENDE

2011-10-07T09:43:00.000-07:00

Onte espertamos coa nova do pasamento de Steve Jobs, o fundador de Apple.

Hoxe non traemos aquí a este home novo pola inmensa fortuna que amasou partindo da nada, nin polo imperio informático creado por el en menos de vintecinco anos. Traémolo aquí por ser un home que soubo ler os acontecementos que se sucederon na súa vida e tomar as decisións axeitadas para encarar os obstáculos que foi atopando nela.

O seu discurso na Universidade de Stanford do ano 2005 non ten desperdicio. Só quero suliñar cinco ideas fundamentais do mesmo:

Todo ocurre por algo: aprender a ler do pasado abriranos horizones no futuro (ou, traducido á filosofía popular, non hai mal que por ben non veña).
Sobrepoñerse ós fracasos é a clave dun novo éxito (pode ser que fracasemos no noso intento de coroar unha grande cima subindo pola cara máis escarpada; pero quizáis conquiramos o éxito abordando a subida por un camiño máis longo e menos empinado).
O único xeito de sentirse realmente satisfeito é facer aquilo que cremos que é un gran traballo. E o único xeito de facer un grande traballo é amar o que se fai. (Hai algún tempo, un veciño tivo a ousadía de me preguntar se traballaba por diñeiro ou porque me gustaba. Penso que, na nosa profesión, sobran as explicacións).
Lembrar que algún día imos morrer é a mellor maneira de evitar a trampa de pensar que tendes algo que perder.
Non permitamos que o ruído das opinións alleas silencie a nosa voz interior. Teñamos o valor de seguir o noso corazón e a nosa intuición.

Se eu tivera sido a mestra de Steve Jobs estaría orgullosísima de ter contribuído a formar unha persoa altamente competente non só no uso das ferramentas dixitais e no tratamento da información, senon na adaptación ás circunstancias, na aprendizaxe ó longo da vida, no uso da creatividade ante os problemas, no espírito de iniciativa, na súa capacidade para traballar en equipo...

Déixovos coas súas palabras. Xulgade por vós mesmos:

http://www.elpais.com/articulo/tecnologia/Encontrad/amais/elpeputec/20111006elpeputec_5/Tes

Seguide famentos! Seguide "toliños"!

AS NOSAS MOCHILAS COMENZAN AS SUAS VIAXES

2011-10-06T20:26:00.000-07:00

Queridas familias:

De novo voltan as nosas mochilas a viaxar polos vosos fogares, cunha selección de libros, películas e música para toda a familia que esperamos se aproxime ós vosos intereses.

Podedes telas na casa durante 10 días. Iniciarán a súa viaxe un venres, e o segundo luns deberán volver ao cole, para que outras familias disfruten do préstamo.
Hai dúas mochilas por nivel, con dúas cores diferentes e distintos lotes. Temos a intención de que todos disfrutedes delas.
Pedimos a vosa importantísima colaboración nesta actividade: contándolles os contos ós máis pequenos, axudándolles no seu correcto coidado e manipulación (de igual xeito que o fan no cole), escoitando as músicas con eles e devolvéndoas na data indicada na propia mochila.
Facédenos saber calquera dificultade ou defecto dos materiais entregados.
Puxemos as nosas mellores intencións na selección, e por iso gustaríanos moito que anotarades as vosas impresións e suxestións, si vos gustaron os libros, si botastes algún en falta….

A DISFRUTAR!

SAÚDOS E LIBROS.

Agora podedes ver nestas imaxes o contentos que estaban os primeiros posuidores das mochilas

mochilas viaxeiras 2011/12 - foto montaje

5 de OUTUBRO: DÍA MUNDIAL DA DOCENCIA

2011-10-05T11:47:00.000-07:00

Este ano, co lema Docentes pola igualdade de xénero.

En 1993, a Internacional da Educación e a Unesco declararon o 5 de outubro Día Mundial da Docencia. Esta homenaxe ten por finalidade destacar o papel central do profesorado na educación das novas xeracións e no desenvolvemento dos países.

O lema deste ano (Docentes pola igualdade de xénero) ten por obxectivo reivindicar a igualdade entre homes e mulleres docentes, esixir o acceso das nenas a unha educación de calidade sensible ós temas de xénero e contribuír, dende o noso colectivo, á superación dos estereotipos de xénero.

Sirva este día coma homenaxe a todos os mestres e mestras que, xornada tras xornada, loitan por sacar o mellor foito dos seus alumnos e alumnas, a pesares dos recortes, das pedras no camiño, da incomprensión e da ignorancia da sociedade.

Sirva tamén de homenaxe a todos eses pais e nais que día tras día apoian con entusiasmo todas e cada unha das nosas iniciativas e que, cando chega o Día dos Docentes, agasállannos cun e-mail e cun rotundo Felicidades... a pesares de todo! Grazas, Ana, por ser como es.

ESCOLA PÚBLICA PARA TODOS. BIBLIOTECA DA ESCOLA PÚBLICA PARA TODOS.

2011-10-03T14:46:00.000-07:00

Este fantástico vídeo chegoume a través da miña compañeira e amiga Cristina.

Un vídeo orixinal, de grande sinxeleza, pero, non por iso, exento de profundidade. E, a medida que se suceden as frases e as imaxes, resulta inevitable preguntarnos tamén: e si, en lugar de escola pública, dixeramos biblioteca da escola pública...?

Como dicía aquela canción que cantaba Golpes Bajos na época da "movida", corren malos tempos para a lírica. Botémoslle imaxinación.

FORMACIÓN DE USUARIOS

2011-09-21T16:15:00.000-07:00

CHEGA O OUTONO

2011-09-20T13:52:00.000-07:00

http://recursostic.educacion.es/bancoimagenes/web/

21 de setembro: outra vez está aquí o outono, coa súa sinfonía de cores e murmurios quedos.

Os nosos compañeiros de PLAMBE do C.P.I. Viaño Pequeno déronnos a coñecer este fermosísimo vídeo sobre a Selva de Irati.

Localizada no norte de Navarra, e, en concreto, nos vales pirenaicos de Aezkoa e Salazar, a Selva de Irati ten un grande valor natural e ecolóxico, por acoller unha das meirandes concentracións de faias e abetos de Europa.

Xa que seguimos a indagar nos segredos dos bosques, bo é coñecer (aínda que sexa a través de fotografías) a Selva de Irati.

Toda esta beleza faime lembrar un precioso libro que, hai algún tempo, me regalou un bo amigo, e que me adicaron os seus autores: Antonio, Carlos e José Luis Cortizo Amaro. Titúlase Dulces te sean, pues, las estaciones, e foi editado por eles mesmos.

Como grandes amantes da fotografía, os autores comparten connosco diversas imaxes que ilustran a Natureza e o paso das estacións, e as acompañan con fermosos poemas. Podedes saber máis sobre este proxecto premendo sobre a portada.

E, para que vos fagades unha idea, transcribimos un dos poemas incluídos no libro:

¡Árboles!

¿Habéis sido flechas

caídas del azul?

¿Qué terribles guerreros os lanzaron?

¿Han sido las estrellas?

Vuestras músicas vienen del alma de los pájaros,

de los ojos de Dios,

de la pasión perfecta.

¡Árboles!

¿Conocerán vuestras raíces toscas

mi corazón en tierra?

Federico García Lorca

AS BIBLIOTECAS GALEGAS DESPIDEN A MARÍA DOLORES

2011-09-13T13:42:00.000-07:00

Comezamos o curso con tristeza.

Temos que despedir á compañeira Mª Dolores Martínez Tobío, docente no IES Luis Seoane de Pontevedra e responsable da biblioteca escolar do centro. Hai só uns meses que Mª Dolores nos puxo a Salvar Libros por centros de toda Galicia. Salvar os libros que valen a pena, as linguas nas que se escriben eses libros, as bibliotecas nas que se gardan... a memoria dunha mestra que día a día traballou a favor da cultura e a educación.

Este é un documento colaborativo como tantos outros nos que Mª Dolores adoitaba participar co seu habitual entusiasmo. Desgraciadamente convocounos hoxe a súa despedida e pensamos nesta pequena homenaxe que xorde da mesma rede que ela axudou a tecer. Canto tempo e ilusión dedicados a Biblioiris, a súa bitácora vinculada á biblioteca escolar do instituto! Por iso os nosos blogs lamentan hoxe a súa ausencia. Por iso esta entrada será publicada por moitos outros centros, ademais dos que aquí figuran. Esperamos que este documento saiba representar tamén a tantas persoas que, desde a rede PLAMBE das bibliotecas escolares galegas, desexan expresar o seu pesar e as súas condolencias á familia e amigos da nosa compañeira. Son tantos os centros que a súa relación excede as dimensións deste documento.

Grazas Mª Dolores polas palabras, polas reflexións, polas propostas, polo tempo, polo que fixemos xuntos e que permitirá seguir camiñando pola ruta das bibliotecas escolares.

Cristina Novoa

Pilar Sampedro

Asesoría Bibliotecas Escolares

Imaxe das ligazóns: Rapaza lendo. Gustav Adolf Hennig

ATA SEMPRE, MARÍA DOLORES

2011-09-09T14:53:00.000-07:00

Estamos de loito.

Porque, esta mañán, recibimos a triste nova do pasamento de Mª Dolores, a coordinadora do Equipo de Biblioteca Escolar do IES Luis Seoane de Pontevedra.

Moi poucos de nós coñeciamos persoalmente a Mª Dolores. Pero recibir un e-mail de mdamt siñificaba unha inxección de optimismo e entusiasmo, un esforzo sobrehumán por aprender, por actualizarse, por chegar ó corazón dos seus alumnos e alumnas.

Todavía temos fresco o portentoso traballo (Salvando libros) que, co gallo das Letras Galegas 2011, conqueriu coordinar Mª Dolores con tantas bibliotecas escolares integradas no PLAMBE. E todo, a partir da simple conversa cunha das súas alumnas.

Mª Dolores traballaba nun instituto. Era licenciada. Pero, nesta ocasión, eu quixera tratala de mestra. Mestra no senso máis loable e fermoso do termo: educadora e modelo a seguir.

Grazas, Mª Dolores, polo teu exemplo. Ímoste botar moito de menos.

Enseñarása volar,

perono volarán tu vuelo.

Enseñarása soñar,

perono soñarán tu sueño.

Enseñarása vivir,

perono vivirán tu vida.

Sinembargo...

encada vuelo,

encada vida,

encada sueño,

perdurarásiempre la huella

delcamino enseñado."

MadreTeresa De Calcuta

DIGITAL STORYTELLING

2011-09-03T14:51:00.000-07:00

Hai xa unhas semanas, o meu amigo Fran Iglesias publicou este vídeo no que explica que é o Digital Storytelling.

Como veredes, non ten desperdicio, e pode nos dar moitas pistas para facer cousas diferentes no noso traballo na Biblioteca Escolar. Probablemente, moitos de nós, dun xeito rudimentario, temos feito os nosos intentos, aínda que non tiveramos bautizado o noso traballo cun nome tan solemne.

O Digital Storytelling poderíamos definilo como unha narración dixital.

Se na nosa tarefa educativa é tan importante fomentar a lectura como a escritura; se, nesa tarefa, debemos empregar códigos e materiais textuais variados... por que non ter en conta este xeito de facer tan creativo, integrador e motivador...? So hai que botarlle ganas. O éxito está asegurado.

"UN BOSQUE PARA LER E NAVEGAR", NA WEB DE BIBLIOTECAS ESCOLARES DE GALICIA

2011-09-02T09:21:00.000-07:00

Cando xa parece pasado, o noso PDI do curso 2010-2011 resucita na páxina web de Bibliotecas Escolares de Galicia.

De casualidade, temos atopado este post no que se sinala o noso traballo do curso pasado como exemplo de Proxecto Documental Integrado en Primaria.

E como xa é pasado, tamén é o intre de dicir grazas:

a Cristina e a Pilar: por dirixir a nave das Bibliotecas Escolares con tanta clarividencia e sabiduría, e por valorar o noso traballo tan positivamente;
ás mestras e ó mestre do Equipo de Biblioteca Escolar que durante este curso teñen apoiado e dinamizado as actividades propostas;
ós alumnos e alumnas que, con tanto entusiasmo, teñen lido, escrito, aprendido e colaborado con nós durante estes catro cursos;
á Comunidade Educativa, e, de xeito moi especial, ás familias que se teñen volcado con este proxecto.

Iníciase unha nova etapa. Frianciño vai anidar no CFR de Vigo, onde traballará como Asesor de Artística e Deportiva. Mais, a través deste blog, intentará seguir moi vencellado ó mundo que o acolleu: o das bibliotecas escolares.

Unha aperta.

(Podedes ler o artigo da páxina web de Bibliotecas Escolares neste enlace).

DECÁLOGO PARA DESMOTIVAR Ó TEU ALUMNADO

2011-09-01T14:29:00.000-07:00

O meu amigo Fran Iglesias ven de publicar no seu blog este artigo titulado 10 estrategias para matar la motivación de tu alumnado.

Trátase dun texto non exento de humor, e que, sen dúbida, pode dar pé a multitude de debates e reflexións sobre a nosa propia praxe educativa. Interesante para situarnos no lugar correcto, agora que comeza o curso.

Podedes consultalo neste enlace.

OS CINCO SENTIDOS DO MESTRE

2011-08-31T15:19:00.000-07:00

Atopei esta interpretación dos sentidos na introdución do libro Competencia digital y tratamiento de la información en el aula de Primaria, de Mª del Pilar Romera Morón.

E pareceume un bonito texto para comezar o curso, e, de paso, pór en valor todo o sutil traballo que, cada día, desenvolvemos os mestres e mestras, e que só nós podemos entender.

A vista: os mestres non ven, miran. Miran "con ollos de nenos".
O oído: os mestres non oen, escoitan. Escoitan o que os nenos teñen que dicir, e o fan coa orella verde (a que emprega Rodari para escoitar as cousas que os adultos nunca se paran a sentir).
O gusto: os mestres saborean cada minuto da escola coma se fora o último.
O tacto: os mestres tocan para facer sentir; enredan os dedos entre o pelo dos nenos, que se sinten únicos nese intre.
O olfato: para que a escola siga a arrecender a entrañable, a goma e sacapuntas. E para que o olfato do mestre poida descubrir e predecir o que será relevante na vida dun neno, actuando en consecuencia.
O sentido común: aunque Groucho Marx dicía que que este sentido é un don, e que é o menos común dos sentidos, resulta imprescindible para ser un bo mestre ou mestra.
O sentido do humor: que é o mellor nivel de expresión da comunicación e da creatividade.

Valga esta sinxela homenaxe para todos os mestres e mestras que, con ilusión e entrega, comezan hoxe o curso escolar.

LE MOITO ESTE VERÁN!

2011-07-10T16:03:00.000-07:00

Despois de tanto traballo atrasado, por fin, podemos desearvos... FELIZ VERÁN!

E, para facelo, aproveitamos esta canción que teñen cantado os nenos e nenas de 5º B na Festa das Letras. O Romance do Libro é unha adaptación da canción creada por Ramón Hto., mestre do C.E.I.P. Fuente Nueva de Málaga, e que coñecimos no mes de abril.

E... que ler...?

A Fundación Germán Sánchez Ruipérez, a través do Servicio de Orientación a la Lectura (S.O.L.) ofrécenos as súas suxestións para o mes de xullo.

Feliz Verán, e... Boas Lecturas!!!